完整藏文原文 · 德格版页 当前仅加载第 52 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་རིགས་ཀྱི་བུ་འདུ་བྱེད་ཐམས་ཅད་ལ་ཡང་བདག་ཅེས་བྱ་བ་མེད་དོ། །རིགས་ཀྱི་བུ་ཆོས་ཐམས་ཅད་ཅེས་བྱ་བ་ནི་མདོར་ན་གཟུགས་དང་གཟུགས་མ་ཡིན་པ་སྟེ། གཟུགས་ལ་ནི་བདག་ཅེས་བྱ་བ་མེད་དོ། །དེ་ཅིའི་ཕྱིར་ཞེ་ན། གཞིག་ཏུ་རུང་། གཅད་དུ་རུང་། བཙོག་ཏུ་རུང་ལ། སྐྱེ་ཞིང་
D119.052.0219b01.01འཕེལ་བའི་ཕྱིར་རོ། །བདག་ཅེས་བྱ་བ་ནི་གཞིག་ཏུ་མི་རུང་། གཅད་དུ་མི་རུང་། སྐྱེ་ཞིང་འཕེལ་བ་མེད་དེ། དེ་བས་ན་གཟུགས་ནི་བདག་མ་ཡིན་ནོ། །གཟུགས་མ་ཡིན་པའི་ཆོས་ཀྱང་བདག་མ་ཡིན་ནོ། །དེ་ཅིའི་ཕྱིར་ཞེ་ན། རྒྱུ་དང་རྐྱེན་ལས་སྐྱེས་པའི་ཕྱིར་རོ། །རིགས་ཀྱི་བུ་ཅི་
D119.052.0219b02.01སྟེ་མུ་སྟེགས་ཅན་དག་རྩེ་གཅིག་ཏུ་དྲན་པས་བདག་ཡོད་པར་ཤེས་པ་ཡིན་ན། རྩེ་གཅིག་ཏུ་དྲན་པ་ཉིད་ནི་བདག་ཅེས་བྱ་བ་མ་ཡིན་ནོ། །ཅི་སྟེ་རྩེ་གཅིག་ཏུ་དྲན་པ་བདག་ཡིན་ནོ་ཞེས་བྱར་ནི་འདས་པའི་དངོས་པོ་དག་བརྗེད་པ་ཡང་ཡོད་དོ། །བརྗེད་པ་ཡོད་པས་ན་ངེས་པར་བདག་ཅེས་
D119.052.0219b03.01བྱ་བ་མེད་དོ། །རིགས་ཀྱི་བུ་ཅི་སྟེ་མུ་སྟེགས་ཅན་དག་དྲན་པའི་ཕྱིར་བདག་ཡོད་ཅེས་བྱར་ནི་དྲན་པ་མེད་པས་ན་བདག་ཅེས་བྱ་བ་མེད་དོ། །རིགས་ཀྱི་བུ་དཔེར་ན་མི་ཞིག་ལག་པ་ལ་སོར་མོ་དྲུག་ཡོད་པ་མཐོང་ན། དེ་ལ་འདི་སྐད་དུ་སྔོན་ཆེ་གེ་མོ་ཞིག་ཏུ་མ་ཕྲད་དམ་ཞེས་འདྲིའོ། །ཅི་
D119.052.0219b04.01སྟེ་བདག་ཅེས་བྱ་བ་ཡོད་ན་འདྲི་བའི་ཡང་མི་རིགས་ཏེ། འདི་འདྲི་བ་ལས་ན་བདག་ཅེས་བྱ་བ་ངེས་པར་མེད་དོ། །རིགས་ཀྱི་བུ་ཅི་སྟེ་མུ་སྟེགས་ཅན་དག་བར་དུ་གཅད་ཅིང་སྒྲིབ་ཏུ་རུང་བའི་ཕྱིར་བདག་ཡོད་ཅེས་བྱར་ནི་རིགས་ཀྱི་བུ་སྒྲིབ་ཏུ་ཡོད་པས་ན་ངེས་པར་བདག་ཅེས་བྱ་བ་མེད་པར་
D119.052.0219b05.01ཤེས་སོ། །དཔེར་ན་ལྷ་སྦྱིན་ཞེས་བརྗོད་པའི་ཚེ་ལྷ་སྦྱིན་མ་ཡིན་ནོ་ཞེས་མི་བརྗོད་དོ། །བདག་ཀྱང་དེ་དང་འདྲ་སྟེ། ངེས་པར་བདག་ཡིན་ན་ལྟ། བདག་ཅེས་བྱ་བ་ལ་སྒྲིབ་པར་མི་འགྱུར་ཏེ། སྒྲིབ་པར་འགྱུར་བས་ན་ངེས་པར་བདག་ཅེས་བྱ་བ་མེད་དོ། །ཅི་སྟེ་སྒྲིབ་པར་
D119.052.0219b06.01འགྱུར་བས་བདག་ཡོད་པར་ཤེས་ན་དེ་ལྟར་ཁྱོད་མ་བསྒྲིབས་ན་ངེས་པར་བདག་ཅེས་བྱ་བ་མེད་དོ། །རིགས་ཀྱི་བུ་ཅི་སྟེ་མུ་སྟེགས་ཅན་དག་གྲོགས་དང་གྲོགས་མ་ཡིན་པ་ལས་བདག་ཡོད་པར་ཤེས་སོ་ཞེས་བྱར་ནི་གྲོགས་མེད་པས་ན་བདག་ཅེས་བྱ་བ་མེད་པའི་རིགས་སོ། །གྲོགས་
D119.052.0219b07.01