完整藏文原文 · 德格版页 当前仅加载第 52 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་བཅུ་དྲུག་པ། ཡང་འདི་སྙམ་དུ་སེམས་ཏེ། འོན་ཏེ་རྣམ་པར་ཤེས་པ་དེ་བདག་ཡིན་ནམ། ཅི་ན་སངས་རྒྱས་རྣམས་ཀྱིས་བདག་ལ་བསྟན་པར་མ་གྱུར་སྙམ་ནས། ཡང་རྣམ་པར་ཤེས་པ་
D119.052.0185a01.01ལ་བརྟགས་ན་རྣམ་པར་ཤེས་པ་ལ་ནི་སྐད་ཅིག་སྐད་ཅིག་ཏུ་ཆུ་བོའི་རྒྱུན་བཞིན་སྐྱེ་ཞིང་འགོག་པས་དེ་ཡང་བདག་མ་ཡིན་ནོ་ཡང་འདི་སྙམ་དུ་སེམས་ཏེ། ཕྱི་ནང་དུ་རྒྱུ་བའི་དབུགས་འདི་ནི་རླུང་ཡིན་ཏེ། རླུང་གི་མཚན་ཉིད་ནི་ཆེན་པོ་བཞི་ཡིན་པས། ཆེན་པོ་བཞི་ལ་བདག་ཅེས་བྱ་བ་གང་ཡིན།
D119.052.0185a02.01སའི་མཚན་ཉིད་ཀྱང་བདག་མ་ཡིན་ལ། དེ་བཞིན་དུ་ཆུ་དང་། མེ་དང་། རླུང་གི་མཚན་ཉིད་ཀྱང་བདག་ཅེས་བྱ་བ་མ་ཡིན་ནོ་སྙམ་སེམས་སོ། །ཡང་འདི་སྙམ་དུ་སེམས་ཏེ། ལུས་འདི་ལ་ནི་ཐམས་ཅད་ཀྱང་བདག་ཅེས་བྱ་བ་མེད་དེ། སེམས་དང་རླུང་འདུས་ཤིང་ཚོགས་པའི་རྒྱུ་དང་རྐྱེན་ལས་བྱ་བ་
D119.052.0185a03.01རྣམ་པ་སྣ་ཚོགས་མངོན་དུ་སྣང་བར་གྱུར་པ་ནི་དཔེར་ན་སྔགས་ཀྱི་ཕྱིར་རམ། སྒྱུ་མ་མཁན་གྱིས་བྱས་པ་བཞིན་ནོ། །གཞན་ཡང་དགུ་པོ་རྒྱུད་{མངས་,མང་}དང་འདྲ་སྟེ། ཡིད་བཞིན་དུ་སྒྲ་འབྱུང་བས་དེས་ན་ལུས་འདི་མི་གཙང་བ་སྟེ། རྒྱུ་དང་རྐྱེན་ཚོགས་པ་ལ་རག་ལུས་པས་གྲུབ་པ་ཡིན་ན་
D119.052.0185a04.01ཆགས་སུ་ཡང་ཅི་ཞིག་ཡོད། གལ་ཏེ་ཕ་རོལ་པོས་གཤེའམ་སྤྱོས་ན་ཡང་ཞེ་སྡང་བསྐྱེད་དུ་ཡང་ཅི་ཞིག་ཡོད་དེ། བདག་གི་ལུས་འདི་ནི་མི་གཙང་བ་རྣམ་པ་སུམ་ཅུ་རྩ་དྲུག་གིས་ཡོངས་སུ་གང་ན་གཤེ་ཞིང་སྤྱོ་བ་དེ་ཡང་ཅི་ལ་གནས། གཤེ་བ་ཐོས་ན་ཡང་འདི་སྙམ་དུ་སེམས་ཏེ། སྒྲ་སྐད་
D119.052.0185a05.01གང་གིས་སྤྱོ་བར་འགྱུར་སྙམ། སྒྲ་སྐད་ཀུན་ལ་སོ་སོར་བརྟགས་ན་གཤེ་བ་ཡོད་པར་མི་མཐོང་སྟེ། གཅིག་ལ་མེད་པ་བཞིན་མང་པོ་ཡང་དེ་དང་འདྲ་སྟེ། དེ་བས་ན་ཞེ་སྡང་མི་སྐྱེའོ། །གལ་ཏེ་ཕ་རོལ་པོས་བརྡེགས་ན་ཡང་འདི་སྙམ་དུ་སེམས་ཏེ། འདི་ལྟར་བརྡེགས་པ་འདི་ཅི་ལས་བྱུང་སྙམ་
D119.052.0185a06.01བརྟགས་ན་ལག་པ་དང་། སྟོབས་དང་། དབྱིག་པ་དང་། བདག་གི་ལུས་ཚོགས་པ་ལས་རྡེག་པ་ཞེས་བྱ་བ་བྱུང་ན། ཅིའི་ཕྱིར་ཕ་རོལ་ལ་ཁྲོས། འདི་ནི་བདག་གི་ལུས་ཡོད་པས་ན་འདི་འདྲ་བ་མྱོང་བར་གྱུར་ཏེ། བདག་གི་ཕུང་པོ་ལྔའི་ལུས་འདི་ཡོད་པ་ལས་འདི་འདྲ་བར་གྱུར་ཏོ། །དཔེར་ན་འབེན་
D119.052.0185a07.01