完整藏文原文 · 德格版页 当前仅加载第 52 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ཆེན་པོ་ལ་ཤིན་ཏུ་མཁས་པའི་སྐྱེས་བུ་དག་ནི་དེ་ལ་ཤིན་ཏུ་མཁས་པར་བྱའོ། །སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ནས་སེམས་ཅན་དག་ལ་དེ་བཞིན་གཤེགས་པ་མྱ་ངན་ལས་འདས་པ་བཤད་པས་སྐྱེས་བུ་མཁས་པ་དག་གིས་དེ་བཞིན་
D119.052.0151a01.01གཤེགས་པས་རྟག་པར་འཛིན་པ་ལ་མི་རྟག་པར་བསྟན་པར་ཤེས་ཏེ། དགེ་སློང་དག་ནི་མི་རྟག་པའི་མཚན་ཉིད་ལ་ནན་ཏན་བྱེད་དུ་གཞུག་པའི་ཕྱིར་རོ། །གཞན་ཡང་ཆེད་འགའི་དུས་ན་དམ་པའི་ཆོས་འཇིག་པར་འགྱུར་རོ་ཞེས་བསྟན་པས་སྐྱེས་བུ་མཁས་པ་དག་གིས་དེ་བཞིན་གཤེགས་
D119.052.0151a02.01པས་གང་བདེ་བར་འཛིན་པ་ལ་སྡུག་བསྔལ་བ་བསྟན་པར་ཤེས་ཏེ། དགེ་སློང་དག་སྡུག་བསྔལ་བའི་མཚན་ཉིད་ལ་ནན་ཏན་བྱེད་དུ་གཞུག་པའི་ཕྱིར་རོ། །གཞན་ཡང་འདི་སྐད་དུ་ང་ལ་ན་བའི་སྡུག་བསྔལ་ཡོད་དེ། དགེ་འདུན་ཡང་འཇིག་པར་འགྱུར་རོ་ཞེས་བསྟན་པས་སྐྱེས་བུ་མཁས་
D119.052.0151a03.01པ་དག་གིས་དེ་བཞིན་གཤེགས་པས་བདག་ཏུ་འཛིན་པ་རྣམས་ལ་བདག་མེད་པ་བསྟན་པར་ཤེས་ཏེ། དགེ་སློང་དག་བདག་མེད་པ་ལ་ནན་ཏན་བྱེད་དུ་གཞུག་པའི་ཕྱིར་རོ། །ཆེད་འགའ་འདི་སྐད་དུ་སྟོང་པ་ཉིད་ཅེས་བྱ་བ་ནི་ཡང་དག་པར་རྣམ་པར་གྲོལ་བའོ་ཞེས་བསྟན་པས་སྐྱེས་བུ་
D119.052.0151a04.01མཁས་པ་དག་གིས་ནི་དེ་བཞིན་གཤེགས་པས་ཡང་དག་པར་རྣམ་པར་གྲོལ་བར་བསྟན་གྱི། སྲིད་པ་ཉི་ཤུ་ལྔ་པོ་ནི་མེད་པར་ཤེས་ཏེ། དགེ་སློང་དག་སྟོང་པ་ཉིད་ལ་ནན་ཏན་བྱེད་དུ་གཞུག་པའི་ཕྱིར་རོ། །དེ་བས་ན་ཡང་དག་པར་རྣམ་པར་གྲོལ་བ་ལ་ནི་སྟོང་པ་ཉིད་དོ་ཞེས་བསྟན་
D119.052.0151a05.01ཏོ། །མི་གཡོ་བ་གཡོ་བ་མེད་པ་ཞེས་ཀྱང་བྱ་སྟེ། རྣམ་པར་གྲོལ་བ་དེ་ལ་སྡུག་བསྔལ་བ་མེད་པའི་ཕྱིར་མི་གཡོ་བ་ཞེས་བྱའོ། །ཡང་དག་པར་རྣམ་པར་གྲོལ་བ་ནི་མཚན་མ་མེད་པས་མཚན་མ་མེད་པ་ཞེས་བྱ་སྟེ། གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལ་
D119.052.0151a06.01སོགས་པ་མེད་པའི་ཕྱིར་མཚན་མ་མེད་པ་ཞེས་བྱའོ། །ཡང་དག་པར་རྣམ་པར་གྲོལ་བ་ནི་རྟག་པ་མི་འགྱུར་མི་འཕོ་བ་སྟེ། རྣམ་པར་གྲོལ་བ་ལ་མི་རྟག་པ་དང་། གདུང་བར་འགྱུར་བ་དང་། འཕོ་བ་མེད་པས། དེ་བས་ན་རྣམ་པར་གྲོལ་བ་ནི་རྟག་པ་གནས་པ་མི་འགྱུར་བ་བསིལ་བའོ། །
D119.052.0151a07.01