完整藏文原文 · 德格版页 当前仅加载第 52 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་ནང་གི་ཐ་མ་འདི་བཞེས་ཤིག་ཅེས་གསོལ་ཏོ། །དེ་བཞིན་གཤེགས་པ་དུས་མཁྱེན་པས་ཅང་མི་གསུང་བར་བཞེས་སུ་མ་གནང་ནས་ལྷ་མ་ཡིན་
D119.052.0014a01.01རྣམས་བསམས་པ་བཞིན་དུ་མ་གྱུར་པས་མྱ་ངན་གྱིས་ཡིད་གདུངས་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་འདོད་པའི་ཁམས་ཀྱི་བདུད་ཀྱི་རྒྱལ་པོ་བདུད་སྡིག་ཏོ་ཅན་ཡང་འཁོར་ལྷའི་བུ་མོ་གྲངས་མེད་དཔག་ཏུ་མེད་པ་དང་བཅས་ཏེ། སེམས་ཅན་དམྱལ་བའི་སྒོ་ཕྱེ་ནས་ཡོངས་སུ་
D119.052.0014a02.01བསིལ་ཞིང་དག་པའི་ཆུ་ཕབ་སྟེ། དེ་དག་ལ་འདི་སྐད་ཅེས་བསྒོའོ། །ཁྱེད་ལ་སོགས་པ་གཞན་ཅི་ཡང་མི་ནུས་ཀྱིས་སེམས་རྩེ་གཅིག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པར་གྱིས་ལ་མཆོད་པ་བྱེད་པ་ལ་རྗེས་སུ་ཡི་རང་བར་གྱིས་
D119.052.0014a03.01ཤིག་དང་། ཁྱེད་ཡུན་རིང་པོར་རབ་ཏུ་བདེ་བར་འགྱུར་རོ། །དེ་ནས་བདུད་སྡིག་ཅན་སེམས་ཅན་དམྱལ་བའི་མཚོན་ཆ་དང་། སྡུག་བསྔལ་དུ་འགྱུར་བའི་མེ་རབ་ཏུ་འབར་བ་ཡང་བསིལ་བའི་ཆར་གྱིས་ཞི་བར་བྱས་ནས། སངས་རྒྱས་ཀྱི་བྱིན་གྱི་རླབས་ཀྱིས་བདུད་ཀྱི་འཁོར་
D119.052.0014a04.01རྣམས་ཀྱང་འདི་སྙམ་དུ་སེམས་བསྐྱེད་པར་གྱུར་ཏོ། །ཐམས་ཅད་ཀྱིས་རལ་གྲི་དང་། མདའ་གཞུ་དང་། གོ་ཆ་དང་། མཚོན་ཤག་ཏི་དང་། ལྕགས་ཀྱུ་དང་། ལྕགས་ཐོ་དང་། དགྲ་སྟ་དང་། འཁོར་ལོ་དང་། ཞགས་པ་ལ་སོགས་ཏེ་མཚོན་ཆ་ཐམས་ཅད་སྤངས་ནས་མཆོད་
D119.052.0014a05.01པའི་ཡོ་བྱད་ལྷ་དང་མི་ལས་ཁྱད་པར་དུ་གྱུར་པ་བཤམས་སོ། །གདུགས་ནང་གི་ཆུང་ངུ་ཡང་སྟོང་འབྲིང་པོའི་འཇིག་རྟེན་གྱི་ཁམས་ཁེབས་པ་ཐོགས་ནས་སངས་རྒྱས་གང་ན་བར་ལྷགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་
D119.052.0014a06.01གསོལ་ཏོ། །བཅོམ་ལྡན་འདས་བདག་ཅག་ཀྱང་ཐེག་པ་ཆེན་པོ་ལ་རབ་ཏུ་དད་ཅིང་མོས་ཏེ་ཐེག་པ་ཆེན་པོ་བསྲུང་བར་འཚལ་ལོ། །བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོ་གང་ཞིག་ཁེ་དང་གྲགས་པའི་ཕྱིར་རམ། གཞན་སྐྲག་པར་བྱ་བའི་ཕྱིར་རམ། གཞན་ལ་
D119.052.0014a07.01