完整藏文原文 · 德格版页 当前仅加载第 52 函德格 316b 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་སྟེ་སོང་ན་གསོར་མི་རུང་ངོ་སྙམ་སེམས་ཏེ། ཡང་འདི་སྙམ་དུ་བསམས་སོ། །དེ་ལྟ་བུས་ལྟས་མང་པོ་དག་བཀྲ་མི་ཤིས་མོད་ཀྱི། འོན་ཀྱང་ནད་པའི་ཐད་དུ་རྩེ་གཅིག་འགྲོའོ་སྙམ་བསམས་ནས་ལམ་དུ་འགྲོ་བ་ལས་སྒྲ་འདི་དག་ཐོས་ན་མི་རུང་སྟེ། གང་ཞེ་ན། ཤི་བ་དང་སྟོར་བ་དང་།
D119.052.0316b01.01བྱུང་བ་དང་། ཆག་པ་དང་། ཞིག་པ་དང་གྲུགས་པ་དང་ཤུས་པ་དང་། ལྷུང་བ་དང་། གྲོལ་བ་དང་། ཁུར་ཁྱེར་བ་དང་། ཚིག་པ་དང་མ་འོངས་ཞེས་ཟེར་བ་དེ་དག་ཐོས་ན་གསོ་དཀའ་སྟེ་མགོན་སྐྱབས་མི་ནུས་སོ། །ཡང་ལྷོ་ཕྱོགས་ནས་བྱའི་སྐད་ཐོས་པ་ལ་འདི་ལྟ་སྟེ། བྱ་རོག་དང་སྲིན་བྱ་
D119.052.0316b02.01དང་སྐེ་ཀའི་སྐད་དང་། ཁྱིའམ། བྱི་བའམ། ཝའམ། རི་བོང་ངམ། ཕག་སྟེ། དེ་དག་གི་སྐད་ཐོས་ན། ཡང་འདི་སྙམ་དུ་ནད་པ་དེ་ནི་ཤིན་ཏུ་གསོ་དཀའོ་སྙམ་སེམས་སོ། །དེ་ནས་ནད་པའི་ཁྱིམ་དུ་ཞུགས་པ་དང་། ནད་པ་ལ་བལྟས་ན། དེ་རེས་འགའ་ནི་གྲང་། རེས་འགའ་ནི་ཚ་
D119.052.0316b03.01ཞིང་ལྷུ་ཚིགས་ཐམས་ཅད་ལྷང་ལྷང་པོར་ན་སྟེ། མིག་དམར་བ་ལ་མཆི་མ་ཟག་པ་དང་། རྣ་བའི་ནང་ན་སྒྲ་གྲག་པ་དང་། ལྐོག་མ་འགགས་ཏེ་ན་བ་དང་། ལྕེ་གས་པ་དང་། མདོག་རབ་ཏུ་གནག་པ་དང་། མགོ་མི་ཐེག་པ་དང་། ལུས་སྐེམ་ཞིང་རྡུལ་མོད་པ་དང་། བཤང་གཅི་འགགས་
D119.052.0316b04.01པ་དང་། ལུས་གློ་བུར་དུ་ཚོ་རབ་ཏུ་གྱུར་ཏེ་ཤིན་ཏུ་དཀར་བ་དང་། དམར་བ་དང་། ཚིག་གི་སྒྲ་ཤས་མི་མཉམ་ཞིང་རེས་འགའ་ནི་སྦོམ། རེས་འགའ་ནི་ཕྲ་བ་དང་། ལུས་ཐམས་ཅད་ཁྲ་བོར་གྱུར་ཅིང་ངོ་མཚར་གྱི་ཁ་དོག་སྔོན་པོ་དང་། སེར་པོ་བྱུང་བ་དང་། ཁོང་པ་གང་ཞིང་སྐྲངས་ནས་
D119.052.0316b05.01སྨྲ་བའི་ཚིག་མི་གསལ་ཏེ། དེ་ལྟ་བུར་གྱུར་པ་མཐོང་ནས་ནད་གཡོག་དེ་ལ་ནད་པ་འདི་སྔོན་གྱི་ཚུལ་ལས་གྱུར་པ་ཅི་ཡོད་ཅེས་དྲིས་སོ། །ནད་གཡོག་དེས་སྨྲས་པ། སྨན་པ་ཆེན་པོ་མི་འདི་ནི་སྔོན་དཀོན་མཆོག་གསུམ་དང་། ལྷ་རྣམས་ལ་དད་ཅིང་བཀུར་སྟི་བྱེད་པ་ལས་ད་ནི་འགྱུར་ཏེ་དད་
D119.052.0316b06.01པའི་སེམས་མེད་པར་གྱུར་ཏོ། །སྔོན་སྦྱིན་པ་ལ་དགའ་བ་ལས་ད་ནི་འཇུངས་པར་གྱུར་ཏོ། །སྔོན་ལྟོ་ཆུང་བ་ལས་ད་ནི་ལྟོ་ཆེ་བར་གྱུར་ཏོ། །སྔོན་འཇམ་ཞིང་དེས་པ་ལས་ད་ནི་ཁྲོ་ཞིང་ཞེ་སྡང་ཆེ་བར་གྱུར་ཏོ། །སྔོན་སྲི་ཞུ་ཆེ་ཞིང་ཕ་མ་ལ་ངོ་མཚར་བཀུར་སྟི་བྱེད་པ་ལས་ད་ནི་ཕ་མ་ལ་བཀུར་
D119.052.0316b07.01