完整藏文原文 · 德格版页 当前仅加载第 52 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་སམ། རང་སངས་རྒྱས་སམ། བྱང་ཆུབ་སེམས་དཔས་ཆོས་བསྟན་ཏམ། ཆོས་མ་བསྟན་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་གྱི། ཆོས་མ་ཐོས་པས་སེམས་བསྐྱེད་པར་འགྱུར་བ་ནི་བླ་ན་མེད་པ་ཡང་དག་པར་རྫོགས་པའི་
D119.052.0178a01.01བྱང་ཆུབ་ཏུ་སེམས་སྐྱེད་དུ་གཞུག་མི་ནུས་སོ། །འོད་སྲུང་དཔེར་ན་ནད་གསོར་རུང་བ། ནད་གཡོག་དང་། ཡིད་བཞིན་གྱི་སྨན་དང་ལྡན་ན་འཚོ་བར་འགྱུར་རོ། །རྣམ་པ་གསུམ་པོ་དང་མི་ལྡན་ན་འཚོ་བར་མི་འགྱུར་ཏེ། ཉན་ཐོས་དང་། རང་སངས་རྒྱས་ཀྱང་དེ་དང་འདྲ་སྟེ། སངས་རྒྱས་
D119.052.0178a02.01དང་བྱང་ཆུབ་སེམས་དཔའ་ལས་ཆོས་ཐོས་ན་དེ་མ་ཐག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་གྱི། ཆོས་མ་ཐོས་པས་སེམས་བསྐྱེད་པར་འགྱུར་བ་མ་ཡིན་ནོ། །འོད་སྲུང་དཔེར་ན་ནད་པ་ཞིག་ནད་གཡོག་དང་། ཡིད་བཞིན་གྱི་སྨན་དང་ལྡན་ཡང་རུང་། ནད་
D119.052.0178a03.01གཡོག་དང་། ཡིད་བཞིན་གྱི་སྨན་དུ་མི་ལྡན་ཡང་རུང་སྟེ། འཚོ་བར་འགྱུར་བ་ཡོད་དེ། དེ་བཞིན་དུ་གང་ཟག་རྣམ་པ་གཅིག་ཀྱང་དེ་དང་འདྲ་སྟེ། ཉན་ཐོས་དང་ཕྲད་ཀྱང་རུང་། ཉན་ཐོས་དང་མ་ཕྲད་ཀྱང་རུང་། རང་སངས་རྒྱས་དང་ཕྲད་ཀྱང་རུང་། རང་སངས་རྒྱས་དང་མ་ཕྲད་ཀྱང་རུང་།
D119.052.0178a04.01བྱང་ཆུབ་སེམས་དཔའ་དང་ཕྲད་ཀྱང་རུང་། བྱང་ཆུབ་སེམས་དཔའ་དང་མ་ཕྲད་ཀྱང་རུང་། དེ་བཞིན་གཤེགས་པ་དང་ཕྲད་ཀྱང་རུང་། དེ་བཞིན་གཤེགས་པ་དང་མ་ཕྲད་ཀྱང་རུང་། ཆོས་ཐོས་ཀྱང་རུང་། ཆོས་མ་ཐོས་ཀྱང་རུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་
D119.052.0178a05.01པར་འཚང་རྒྱ་བར་འགྱུར་བ་ཡོད་དོ། །འདི་ལྟ་སྟེ། གང་ཟག་སུ་ཞིག་བདག་གི་ཕྱིར་རམ། གཞན་གྱི་ཕྱིར་རམ། གལ་ཏེ་འཇིགས་པའི་ཕྱིར་རམ། རྙེད་པ་དང་གྲགས་པའི་ཕྱིར་རམ། གཡོ་སྒྱུའི་ཕྱིར་རམ། གཞན་བསླུ་བ་ཅན་གྱི་ཕྱིར་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་འདི་བྲིས་སམ།
D119.052.0178a06.01འདྲིར་བཅུག་གམ། འཆང་ངམ། འཛིན་ཏམ། ཀློག་གམ། འདོན་ཏམ། བསྟི་སྟང་དང་བཅས་པས་མཆོད་པ་བྱེད་དམ། གཞན་ལ་སྟོན་ཅིང་འཆད་པའོ། །འོད་སྲུང་གང་ཟག་རྣམ་པ་འདི་ལྔ་ནི་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་འདི་ལ་སྐྱོན་དང་བཅས་པ་བཞིན་དུ་སྤྱོད་ཀྱི། དེ་བཞིན་
D119.052.0178a07.01