完整藏文原文 · 德格版页 当前仅加载第 52 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱང་མི་བཞུགས། ཉན་ཐོས་དང་རང་སངས་རྒྱས་ཀྱང་མེད་དེ། དེའི་ཚེ་ན་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ལ་དད་ཅིང་མོས་པའི་ཕྱིར་ངས་ལོ་བཅུ་གཉིས་ཀྱི་བར་དུ་བྲམ་ཟེའི་གཡོག་བྱས་ཏེ། ཡོ་བྱད་ཅི་འདོད་པ་སྦྱར་ཏོ། །ལོ་བཅུ་གཉིས་ཀྱི་བར་དུ་བདེ་བ་བྱིན་ནས་
D119.052.0186b01.01སྟོན་པ་དེ་རྣམས་ལ་འདི་སྐད་ཅེས་སྨྲས་སོ། །ཀྱེ་སྟོན་པ་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་ཅིག་ཅེས་སྨྲས་སོ། །བྲམ་ཟེས་སྨྲས་པ། རྒྱལ་པོ་ཆེན་པོ་བྱང་ཆུབ་ཀྱི་མཚན་ཉིད་ནི་ཅི་ཡང་མེད་པ་སྟེ། ཐེག་པ་ཆེན་པོའི་མདོ་སྡེ་ཡང་དེ་དང་འདྲ་བ་ཡིན་ན།
D119.052.0186b02.01རྒྱལ་པོ་ཆེན་པོ་ཅིའི་ཕྱིར་མི་ཞེས་བྱ་བ་བཀུར་བཀུར་ཏེ། ནམ་མཁའ་དང་མཉམ་ཞེས་སྨྲས་སོ། །རིགས་ཀྱི་བུ་ང་དེའི་ཚེ་ཐེག་པ་ཆེན་པོ་ལ་ཤིན་ཏུ་མོས་པས་བྲམ་ཟེས་ཤིན་ཏུ་རྒྱས་པ་ལ་སྐུར་པའི་ཚིག་དེ་ཐོས་ནས། དེའི་ཚེ་ན་ངས་བྲམ་ཟེ་དེའི་སྲོག་བཅད་དོ། །རིགས་ཀྱི་བུ་དེའི་རྒྱུ་དེའི་
D119.052.0186b03.01རྐྱེན་གྱིས་དེ་ཚུན་ཅད་སེམས་ཅན་དམྱལ་བར་མ་སྐྱེས་སོ། །རིགས་ཀྱི་བུ་ཐེག་པ་ཆེན་པོའི་མདོ་སྡེ་ལ་བསྲུང་ཞིང་བསྐྱབ་པའི་མཐུ་སྟོབས་ནི་དེ་ལྟར་ཚད་མེད་དོ། །འོད་སྲུང་གཞན་ཡང་འཕགས་པའི་སྤྱོད་པ་ནི་འདི་ལྟ་སྟེ། འཕགས་པའི་བདེན་པ་བཞིའོ། །དེ་ཡང་གང་ཞེ་ན།
D119.052.0186b04.01སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་ནི་འཕགས་པའི་བདེན་པ་བཞི་ཞེས་བྱའོ། །འོད་སྲུང་སྡུག་བསྔལ་ཞེས་བྱ་བ་ནི་ཤ་ཐང་ཞིང་གདུང་བའི་མཚན་ཉིད་དོ། །ཀུན་འབྱུང་བ་ནི་སྐྱེ་ཞིང་འཕེལ་བའི་མཚན་ཉིད་དོ། །འགོག་པ་ནི་ཞི་བ་འགོག་པའི་མཚན་ཉིད་དོ། །
D119.052.0186b05.01ལམ་ནི་ཐེག་པ་ཆེན་པོའི་མཚན་ཉིད་དོ། །རིགས་ཀྱི་བུ་གཞན་ཡང་སྡུག་བསྔལ་ནི་མངོན་དུ་སྣང་བའི་མཚན་ཉིད་དོ། །ཀུན་འབྱུང་བ་ནི་འགྱུར་བའི་མཚན་ཉིད་དོ། །འགོག་པ་ནི་བསལ་བའི་མཚན་ཉིད་དོ། །ལམ་ནི་བསལ་བས་འགྱུར་བའི་མཚན་ཉིད་དོ། །རིགས་ཀྱི་བུ་གཞན་ཡང་
D119.052.0186b06.01སྡུག་བསྔལ་ལ་རྣམ་པ་གསུམ་སྟེ། སྡུག་བསྔལ་བའི་སྡུག་བསྔལ་དང་འདུ་བྱེད་ཀྱི་སྡུག་བསྔལ་དང་། འགྱུར་བའི་སྡུག་བསྔལ་ལོ། །ཀུན་འབྱུང་བ་ནི་སྲིད་པ་ཉི་ཤུ་རྩ་ལྔའོ། །འགོག་པ་ནི་ཉི་ཤུ་རྩ་ལྔ་འགོག་པའོ། །ལམ་ནི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་བསྒོམ་
D119.052.0186b07.01