完整藏文原文 · 德格版页 当前仅加载第 52 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
མ་རིག་པར་གསུངས། གཟུགས་ནི་གཟུགས་མ་ཡིན་པར་གསུངས། གཟུགས་མ་ཡིན་པ་ལའང་གཟུགས་སུ་གསུངས། ལམ་མ་ཡིན་པ་ནི་ལམ་དུ་གསུངས། ལམ་ལ་ནི་ལམ་མ་ཡིན་པའི་བར་དུ་གསུངས་སོ། །རིགས་ཀྱི་བུ་དེ་བཞིན་གཤེགས་པས་ནི་ཚད་མེད་པའི་
D119.052.0237a01.01ཐབས་མཁས་པས་སེམས་ཅན་གདུལ་བའི་ཕྱིར་{བརྫུན་,རྫུན་}པའི་བག་ག་ལ་ཞིག་གསུངས། རིགས་ཀྱི་བུ་སེམས་ཅན་ལ་ལ་ཞིག་ལོངས་སྤྱོད་ལ་ཆགས་ན། ངས་དེ་ལ་འཁོར་ལོས་སྒྱུར་བའི་རྒྱལ་པོར་སྤྲུལ་ནས་ལོ་ཚད་མེད་པའི་བར་དུ་ཅི་དང་ཅི་འདོད་པ་རྣམ་པ་སྣ་ཚོགས་བྱིན་ཏེ། དེའི་འོག་ཏུ་གདོད་
D119.052.0237a02.01བླ་ན་མེད་པའི་ཡང་དག་པར་རྫོགས་པའི་བྱང་ཆུབ་ལ་བཀོད་དོ། །སེམས་ཅན་ལ་ལ་ཅི་སྟེ་འདོད་པ་ལྔ་ལ་ཆགས་ན་ལོ་ཚད་མེད་པའི་བར་དུ་འདོད་པ་རྣམ་པ་ལྔའི་མཆོག་དམ་པ་ལ་ལོངས་སྤྱོད་དུ་བཅུག་ནས། དེའི་འོག་ཏུ་གདོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་དོ། །
D119.052.0237a03.01གལ་ཏེ་སེམས་ཅན་ལ་ལ་རིགས་སྙེམས་ཤིང་ང་རྒྱལ་ཅན་དུ་གྱུར་ན། ངས་མི་དེའི་གཡོག་ལོ་ཚད་མེད་པའི་བར་དུ་བྱས་ཏེ། ཤིན་ཏུ་བསྙེན་བཀུར་གྱིས་དེའི་སེམས་མགུ་བར་བྱས་ནས་དེའི་འོག་ཏུ་གདོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་དོ། །སེམས་ཅན་
D119.052.0237a04.01གང་ཞིག་རང་བཞིན་གྱིས་ང་རྒྱལ་ཅན་དུ་གྱུར་ཏེ། གཞན་གྱིས་གྲོས་གདབ་ཅིང་བཅོས་དགོས་ན། ལོ་བརྒྱ་སྟོང་གི་བར་དུ་དེ་ལ་བསྟན་ཅིང་བཅོས་ནས་སེམས་དུལ་བར་བྱས་ཏེ། གདོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་དོ། །རིགས་ཀྱི་བུ་དེ་བཞིན་གཤེགས་
D119.052.0237a05.01པ་ནི་ལོ་ཚད་མེད་པའི་བར་དུ་ཐབས་རྣམ་པ་སྣ་ཚོགས་ཀྱིས་འགྲོ་བ་མང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་པ་ཡང་{བརྫུན་,རྫུན་}པ་ཡིན་ནམ། སངས་རྒྱས་བཅོམ་ལྡན་འདས་ནི་མི་དགེ་བ་ལ་གནས་ཀྱང་པད་མོ་ལྟར་ཉེས་པའི་འདམ་རྫབ་ཀྱིས་མི་གོས་སོ། །རིགས་ཀྱི་བུ་
D119.052.0237a06.01ཚད་མེད་པ་བཞིའི་དོན་ཡང་དེ་ལྟར་ཤེས་པར་བྱའོ། །རིགས་ཀྱི་བུ་ཚད་མེད་པའི་སེམས་ནི་རང་བཞིན་གྱིས་རྣམ་པ་བཞི་སྟེ། གང་ཞིག་གིས་ནན་ཏན་ཏུ་བྱས་ན་ཚངས་པ་ཆེན་པོའི་གནས་སུ་སྐྱེ་བར་འགྱུར་རོ། །རིགས་ཀྱི་བུ་དེ་ལྟར་ཚད་མེད་པ་རྣམས་ལ་གྲོགས་སུ་འགྱུར་བ་རྣམ་པ་
D119.052.0237a07.01