完整藏文原文 · 德格版页 当前仅加载第 52 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ཟད་པ་ལྟ་བུའོ། །ལན་ཅིག་ཕྱིར་མི་ལྡོག་པ་ནི་འདོད་པ་དང་བཅས་པ་སྟེ། འདོད་པ་དང་བཅས་པས་མེ་མར་ཟད་པ་ལྟ་བུ་ཞེས་བྱར་མི་རུང་ངོ་། །དེ་བས་ན་ངས་སྔོན་མཚན་མ་དགག་པའི་ཕྱིར་མེ་མར་ཟད་པ་ལྟ་བུའོ། །ཞེས་བཤད་ཀྱི། ཡོངས་སུ་མྱ་ངན་ལས་འདས་པ་ཆེན་པོ་ནི་མེ་མར་ཟད་པ་ལྟ་བུ་མ་ཡིན་
D119.052.0068b01.01ནོ། །ལན་ཅིག་ཕྱིར་མི་ལྡོག་ཅེས་བྱ་བ་ནི་ཡང་དང་ཡང་ལྡོག་པ་མ་ཡིན། སྲིད་པ་ཉི་ཤུ་ལྔ་པོར་ཕྱིར་མི་ལྡོག་ཅིང་། ལུས་མནམ་པོ་དང་། ལུས་སྲིན་ཅན་དང་། ལུས་གདུག་པ་ཅན་མི་ལེན་པས་ན་ཕྱིར་མི་ལྡོག་པ་ཞེས་བྱའོ། །ལུས་ཡང་ལེན་པ་ནི་ཕྱིར་ལྡོག་པ་ཞེས་བྱ་ཡང་ལུས་མི་ལེན་པ་ནི་ཕྱིར་མི་
D119.052.0068b02.01ལྡོག་པ་ཞེས་བྱའོ། །སོང་བ་དང་ལྡོག་པ་ཡོད་པས་ཕྱིར་ལྡོག་པ་ཞེས་བྱ། སོང་བ་དང་ལྡོག་པ་མེད་པས་ཕྱིར་མི་ལྡོག་པ་ཞེས་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་བཅོམ་ལྡན་འདས་ཀྱིས་གསུངས་
D119.052.0068b03.01པ་ལྟར་དགོངས་ཏེ་གསུངས་པའི་སྙིང་པོ་མཆིས་སོ་ཞེས་བགྱི་བའི་དོན་དེ་ལྟ་མ་ལགས་སོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་ལ་དགོངས་ཏེ་གསུངས་པའི་བརྗོད་པ་ནི་མངའི། དགོངས་ཏེ་གསུངས་པའི་སྙིང་པོ་ཞེས་བགྱི་བ་ནི་མ་མཆིས་སོ། །དཔེར་ན་སྒྱུ་མ་མཁན་ཞིག་གིས་ཤིང་
D119.052.0068b04.01གི་འཁྲུལ་འཁོར་གྱི་མི་ཞིག་བགྱིས་ན། ཤིང་གི་མི་དེ་ནི་ཀུན་གྱིས་ཀྱང་མཐོང་བར་རུང་གི་བརྐྱང་བ་དང་། བསྐུམ་པ་དང་། དགྱེ་བ་དང་། རྒུ་བ་ནི་ནང་ནས་བསྒྱུར་བར་མི་འཚལ་ཏོ། །སངས་རྒྱས་ཀྱི་ཆོས་ནི་དེ་ལྟ་བུ་མ་ལགས་ཏེ། སེམས་ཅན་ཐམས་ཅད་ཀྱིས་མཐོང་ཞིང་ཤེས་པར་བགྱི་བ་ལགས་ན།
D119.052.0068b05.01ཅིའི་སླད་དུ་སངས་རྒྱས་བཅོམ་ལྡན་འདས་ཀྱིས་དགོངས་ཏེ་གསུངས་པའི་སྙིང་པོ་མཆིས་ཞེས་གསུངས། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། ཤིན་ཏུ་ལེགས་སོ་ཤིན་ཏུ་ལེགས་སོ། །རིགས་ཀྱི་བུ་ཁྱོད་ཀྱིས་སྨྲས་པ་བཞིན་ཏེ། དེ་བཞིན་གཤེགས་པ་ལ་ཡང་དག་པར་ན་
D119.052.0068b06.01དགོངས་ཏེ་གསུངས་པའི་སྙིང་པོ་མེད་དོ། །དེ་ཅིའི་ཕྱིར་ཞེ་ན་འདི་ལྟ་སྟེ། སྟོན་གྱི་ཟླ་བ་ཉ་བ་ནི་སྟེང་གི་ནམ་མཁའ་ལ་ཤིན་ཏུ་གསལ་བར་སྣང་བས་བསྒྲིབས་པ་མེད་པའི་ཕྱིར་སྐྱེ་བོ་ཐམས་ཅད་ཀྱིས་མཐོང་ངོ་། །དེ་བཞིན་གཤེགས་པའི་བཀའ་ཡང་དེ་དང་འདྲ་བར་ཤིན་ཏུ་གསལ་ཞིང་རྣམ་པར་དག་
D119.052.0068b07.01