完整藏文原文 · 德格版页 当前仅加载第 52 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་ནི་རྣམ་པ་གཉིས་ཏེ། སྡིག་པ་མི་བྱེད་པ་དང་། བྱས་ནས་འགྱོད་ཅིང་མཐོལ་བའོ། །གླེན་པ་གཏི་མུག་ཅན་ལ་ཡང་རྣམ་པ་གཉིས་ཏེ། སྡིག་པ་བྱེད་པ་དང་། བྱས་ནས་ཀྱང་འཆབ་པའོ། །དེ་ལྟར་སྔར་སྡིག་པ་བྱས་ཀྱང་ཕྱིས་འགྱོད་ཅིང་མཐོལ་ཏེ། མཐོལ་ནས་ཀྱང་ཁྲེལ་དང་འཛེམ་
D119.052.0305b01.01པས་ཕྱིས་མི་བྱེད་པར་དམ་བཅས་ན། དཔེར་ན་ཆུ་རྙོག་པ་ཅན་གྱི་ནང་དུ་ནོར་བུ་རིན་པོ་ཆེ་བཅུག་ན་ཆུ་དང་བར་འགྱུར་བའམ། སྤྲིན་དང་ན་བུན་གྱིས་མ་ཆོད་ན་ཟླ་བ་ཡོངས་སུ་གསལ་བ་དང་འདྲ་བར་སྡིག་པ་བྱས་ནས་འགྱོད་པ་ཡང་དེ་དང་འདྲའོ། །གལ་ཏེ་རྒྱལ་པོས་ཀྱང་འགྱོད་ཅིང་མཐོལ་ལ།
D119.052.0305b02.01འཛེམ་པ་དང་ཁྲེལ་བར་ལྡན་ན། ཁ་ན་མ་ཐོ་བའི་ཉེས་པ་དག་འབྱང་ཞིང་ཡོངས་སུ་དག་པར་འགྱུར་རོ། །རྒྱལ་པོ་ཆེན་པོ་ཕྱུག་པ་ལ་རྣམ་པ་གཉིས་ཏེ། བ་ལང་དང་རྟ་དང་རྐང་འགྲོས་རྣམ་པ་སྣ་ཚོགས་ཀྱིས་ཕྱུག་པ་དང་། གསེར་དང་དངུལ་དང་། ནོར་དབྱིག་གིས་ཕྱུག་པ་སྟེ།
D119.052.0305b03.01རྟ་དང་བ་ལང་མང་ཡང་ནོར་བུ་རིན་པོ་ཆེ་གཅིག་ཙམ་གྱི་ཟླར་མི་ཆོག་གོ། །རྒྱལ་པོ་ཆེན་པོ་སེམས་ཅན་ཡང་དེ་དང་འདྲ་སྟེ། སྡིག་པས་ཕྱུག་པ་དང་། དགེ་བས་ཕྱུག་པ་སྟེ། སྡིག་པ་མང་དུ་བྱས་ཀྱང་དགེ་བ་གཅིག་གི་ཟླར་མི་ཕོད་དོ། །བདག་གིས་སངས་རྒྱས་བཅོམ་ལྡན་འདས་
D119.052.0305b04.01ཀྱིས་གསུངས་པ་ལས་ཐོས་ནས་དགེ་བ་གཅིག་ལ་ནན་ཏན་བྱས་པའི་སེམས་ཀྱིས་སྡིག་པ་མང་པོ་བཅོམ་པར་འགྱུར་རོ། །རྒྱལ་པོ་ཆེན་པོ་དཔེར་ན་རྡོ་རྗེ་ཆུང་ངུ་མ་གཅིག་གིས་རི་རབ་ཀྱང་འབིགས་པའམ། མེ་ཆུང་ངུ་མས་ཐམས་ཅད་ཚིག་པའམ། དུག་ཆུང་ངུ་མས་སེམས་ཅན་
D119.052.0305b05.01འཆི་བར་འགྱུར་བ་དང་འདྲ་བར་དགེ་བ་ཅུང་ཟད་ཙམ་གྱིས་ཀྱང་སྡིག་པ་ཆེན་པོ་ཆོམས་པར་འགྱུར་ཏེ། དགེ་བ་དེ་ལ་ཆུང་ངུ་ཞེས་བྱ་མོད་ཀྱི་ཡང་དག་པར་ན་ཆེན་པོ་ཡིན་ནོ། །དེ་ཅིའི་ཕྱིར་ཞེ་ན། སྡིག་པ་ཆེན་པོ་ཆོམས་པའི་ཕྱིར་རོ། །རྒྱལ་པོ་ཆེན་པོ་བཅོམ་ལྡན་
D119.052.0305b06.01འདས་ཀྱིས་གསུངས་པ་ལྟར་ན་འཆབ་པ་ནི་ཟག་པ་དང་བཅས་པའོ། །མི་འཆབ་པ་ནི་ཟག་པ་མེད་པའོ། །དེ་བས་ན་གང་འགྱོད་ཅིང་མཐོལ་བ་ནི་ཟག་པ་མེད་པའོ། །དེ་བས་ན་ཁ་ན་མ་ཐོ་བའི་ལས་བྱས་པ་དག་སྡིག་པ་མི་འཆབ་པར་བྱའོ། །སྡིག་པ་མི་འཆབ་པས་
D119.052.0305b07.01