完整藏文原文 · 德格版页 当前仅加载第 52 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
ནུབ་བོ་ཞེས་མི་བྱའོ། །ཟླ་བ་ནི་ཚ་ལ་ཉི་མ་ནི་བསིལ་ཞེས་ཟེར་ཡང་བླའི། དེ་བཞིན་གཤེགས་པའི་ཆོས་ནུབ་བོ་ཞེས་མི་བྱའོ། །ཆེན་པོ་བཞི་སོ་སོའི་རང་བཞིན་སྤོང་ཞེས་ཟེར་ཡང་བླའི། དེ་བཞིན་གཤེགས་པའི་ཆོས་ནུབ་བོ་ཞེས་མི་བྱའོ། །རིགས་ཀྱི་བུ་གལ་ཏེ་
D119.052.0293a01.01དེ་བཞིན་གཤེགས་པ་ཐོག་མ་བྱུང་ནས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་དོན་ཟབ་མོ་ཤེས་པའི་ཉེ་གནས་མེད་པར་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ན་ཆོས་དེ་འཇིག་རྟེན་ན་རིང་པོ་མི་གནས་པར་རིག་པར་བྱའོ། །གཞན་
D119.052.0293a02.01ཡང་རིགས་ཀྱི་བུ་དེ་བཞིན་གཤེགས་པ་ཐོག་མ་བྱུང་ནས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་དོན་ཟབ་མོ་ཤེས་པའི་ཉེ་གནས་རྣམས་ཡོད་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་སུ་ཟིན་ཀྱང་ཆོས་འཇིག་རྟེན་ན་ཡུན་དུ་གནས་པར་
D119.052.0293a03.01འགྱུར་བར་རིག་པར་བྱའོ། །གཞན་ཡང་རིགས་ཀྱི་བུ་དེ་བཞིན་གཤེགས་པ་ཐོག་མ་བྱུང་ནས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་དོན་ཟབ་མོ་ཤེས་པའི་ཉེ་གནས་ཡོད་དུ་ཟིན་ཀྱང་ཁྱིམ་པ་དད་པས་སངས་རྒྱས་ཀྱི་ཆོས་ལ་བཀུར་བའི་དགེ་བསྙེན་
D119.052.0293a04.01མེད་པར་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་གྱུར་ན། ཆོས་འཇིག་རྟེན་དུ་རིང་པོ་མི་གནས་པར་རིག་པར་བྱའོ། །གཞན་ཡང་རིགས་ཀྱི་བུ་གལ་ཏེ་སངས་རྒྱས་ཐོག་མ་བྱུང་ནས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་དོན་ཟབ་
D119.052.0293a05.01མོ་ཤེས་པའི་ཉེ་གནས་ཀྱང་ཡོད། ཁྱིམ་པ་དད་པ་ཅན་སངས་རྒྱས་ཀྱི་ཆོས་ལ་བཀུར་བའི་དགེ་བསྙེན་ཡང་ཡོད་ན་དེ་བཞིན་གཤེགས་པ་མྱ་ངན་ལས་འདས་སུ་ཟིན་ཀྱང་ཆོས་ཡུན་དུ་འཇིག་རྟེན་ན་གནས་པར་འགྱུར་རོ། །གཞན་ཡང་རིགས་ཀྱི་བུ་དེ་བཞིན་གཤེགས་པ་ཐོག་མ་བྱུང་ནས་
D119.052.0293a06.01བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་དོན་ཟབ་མོ་ཤེས་པའི་ཉེ་གནས་ཀྱང་ཡོད། ཁྱིམ་པ་དད་པ་ཆེ་བ་སངས་རྒྱས་ཀྱི་ཆོས་ལ་བཀུར་བའི་དགེ་བསྙེན་ཡོད་དུ་ཟིན་གྱིས་ཀྱང་ཉེ་གནས་རྣམས་ཀྱིས་མྱ་ངན་ལས་འདས་པའི་ཕྱིར་ནི་མ་ཡིན་གྱི།
D119.052.0293a07.01