完整藏文原文 · 德格版页 当前仅加载第 52 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་མ་ཡིན་པའང་མ་ཡིན། བྱས་པ་མ་ཡིན། མ་བྱས་པ་འང་མ་ཡིན། གནས་མ་ཡིན། མི་གནས་པ་མ་ཡིན། ཆེན་པོ་བཞི་མ་ཡིན། ཆེན་པོ་བཞི་མ་ཡིན་པ་ཡང་མ་ཡིན། རྒྱུ་མ་ཡིན། རྒྱུ་མེད་པ་མ་ཡིན། སེམས་ཅན་མ་ཡིན། སེམས་ཅན་མེད་པ་མ་ཡིན། དགེ་
D119.052.0050a01.01སྦྱོང་མ་ཡིན། བྲམ་ཟེ་མ་ཡིན། སེང་གེ་ལྟ་བུ། སེང་གེ་ཆེན་པོ། སྐུ་མ་ཡིན། སྐུ་མ་ཡིན་པ་ཡང་མ་ཡིན་པ། བརྗོད་དུ་མེད་པ། ཆོས་གཅིག་ཙམ་གྱི་མཚན་ཉིད་དང་ཡང་བྲལ་བ། བརྩི་བའམ་བགྲང་བར་མི་རུང་བ། མྱ་ངན་ལས་འདའ་བ་ན་མྱ་ངན་ལས་མི་འདའ་བ་སྟེ། དེ་
D119.052.0050a02.01བཞིན་གཤེགས་པའི་ཆོས་ཀྱི་སྐུ་ནི་དེ་ལྟ་བུའི་ཡོན་ཏན་ཚད་མེད་པ་དམ་པ་དང་ལྡན་ནོ། །འོད་སྲུང་དེ་ནི་དེ་བཞིན་གཤེགས་པ་ཉག་གཅིག་གིས་མཁྱེན་གྱི་ཉན་ཐོས་དང་རང་སངས་རྒྱས་ཀྱིས་ཤེས་པ་མ་ཡིན་ནོ། །འོད་སྲུང་དེ་ལྟར་དེ་བཞིན་གཤེགས་པའི་སྐུ་ནི་ཡོན་ཏན་ཚད་མེད་
D119.052.0050a03.01པ་དང་ལྡན་ཏེ། ཟས་རྣམས་ཀྱིས་བསྐྱེད་ཅིང་གསོ་བའི་སྐུ་ནི་མ་ཡིན་ནོ། །འོད་སྲུང་དེ་བཞིན་གཤེགས་པའི་སྐུ་ཡང་དག་པའི་ཡོན་ཏན་ནི་འདི་ལྟ་བུ་ཡིན་ན་དེ་ལ་ན་བའམ། སྡུག་བསྔལ་བའམ། སྙིང་པོ་མེད་པའམ། མི་བརྟན་པ་རྫ་སོ་མ་བཏང་བ་ལྟ་བུ་ག་ལ་
D119.052.0050a04.01ཞིག་ཡོད། འོད་སྲུང་དེ་བཞིན་གཤེགས་པས་ན་བ་དང་སྡུག་བསྔལ་བ་བསྟན་པ་ནི་སེམས་ཅན་གདུལ་བའི་ཕྱིར་རོ། །རིགས་ཀྱི་བུ་ཁྱོད་ཀྱིས་འདི་ལྟར་རིག་པར་བྱ་སྟེ། དེ་བཞིན་གཤེགས་པའི་སྐུ་ནི་རྡོ་རྗེའི་སྐུ་ཡིན་ཏེ། དེང་ཕྱིན་ཆད་ཁྱོད་ཀྱིས་དོན་འདི་རྩེ་གཅིག་པའི་
D119.052.0050a05.01སེམས་ཀྱིས་ཡིད་ལ་བྱའི་ཟས་རྣམས་ཀྱི་སྐུར་ནི་མི་བསམ་མོ། །གཞན་ལ་ཡང་དེ་བཞིན་གཤེགས་པའི་སྐུ་ནི་ཆོས་ཀྱི་སྐུ་ཡིན་པར་སྟོན་ཅིག །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ལྟར་
D119.052.0050a06.01དེ་བཞིན་གཤེགས་པ་དེ་ལྟ་བུའི་ཡོན་ཏན་དང་ལྡན་ན་བསྙུངས་པ་དང་། མི་རྟག་པ་དང་། འཇིག་པ་ལྟ་ག་ལ་ཞིག་མཆིས་ཏེ། བདག་ནི་དེང་སླན་ཆད་དེ་བཞིན་གཤེགས་པའི་སྐུ་ནི་རྟག་པ། ཆོས་ཀྱི་སྐུ་རབ་ཏུ་བདེ་བའི་སྐུར་ཡིད་ལ་བགྱིད་དེ་གཞན་དག་ལ་ཡང་དེ་བཞིན་
D119.052.0050a07.01