完整藏文原文 · 德格版页 当前仅加载第 52 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
བསྲུངས་པ་ལས་མཐོང་བར་འགྱུར་རོ། །སངས་རྒྱས་ཀྱི་རང་བཞིན་མཐོང་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ། །མདོ་སྡེ་གསུང་རབ་དགུ་པོ་ལས་ཤིན་ཏུ་རྒྱས་པའི་མདོ་སྡེ་མེད་དེ། སངས་རྒྱས་ཀྱི་རང་བཞིན་ཡོད་པར་
D119.052.0109a01.01ཡང་ངས་མ་གསུངས་སོ། །མདོ་སྡེ་དེ་ལས་མ་གསུངས་མོད་ཀྱི། ཡང་དག་པར་ཡོད་པར་རིག་པར་བྱའོ། །དེ་ལ་གང་ཞིག་དེ་སྐད་དུ་སྨྲ་བ་ནི་ངའི་ཉེ་གནས་ཡང་དག་པ་ཡིན་པར་རིག་པར་བྱའོ། །བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་
D119.052.0109a02.01སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་མཆིས་པར་བཀའ་སྩལ་པ། འདི་མདོ་སྡེ་གསུང་རབ་དགུ་པོ་ལས་ནི་མ་ཐོས་ན་ད་མཆིས་པར་བསྟན་ཅིང་གསུངས་ན་ཕས་ཕམ་པར་མི་འགྱུར་རམ། བཅོམ་
D119.052.0109a03.01ལྡན་འདས་ཀྱིས་བཀའ་སྩལ་པ། ཁྱོད་ཀྱིས་སྨྲས་པ་བཞིན་ཏེ། ཕས་ཕམ་པར་མི་འགྱུར་རོ། །རིགས་ཀྱི་བུ་འདི་ལྟ་སྟེ། དཔེར་ན་གང་ཟག་གཅིག་གིས་འདི་སྐད་དུ་རྒྱ་མཚོའི་ནང་ན་རིན་པོ་ཆེ་བདུན་ནི་ཡོད་ཀྱི། བརྒྱད་མེད་དོ་ཞེས་སྨྲས་ཀྱང་ཉེས་པ་མེད་དོ། །དེ་
D119.052.0109a04.01བཞིན་དུ་མདོ་སྡེ་གསུང་རབ་དགུ་པོ་ལས་སངས་རྒྱས་ཀྱི་རང་བཞིན་མེད་དོ་ཅེས་སྨྲས་ཀྱང་ཉེས་པ་མེད་དོ། །དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱིས་ཐེག་པ་ཆེན་པོ་ཡེ་ཤེས་ཀྱི་རྒྱ་མཚོ་ལས་སངས་རྒྱས་ཀྱི་རང་བཞིན་ཡོད་པར་གསུངས་ཀྱི། ཐེག་པ་གཉིས་ཀྱིས་ནི་ཤེས་
D119.052.0109a05.01པ་འམ་མཐོང་བ་མ་ཡིན་ཏེ། དེ་བས་ན་མེད་ཅེས་སྨྲས་ཀྱང་ཉེས་པ་མེད་དོ། །འདི་ལྟར་སྤྱོད་ཡུལ་འདི་ནི་སངས་རྒྱས་རྣམས་ཀྱིས་མཁྱེན་གྱི་ཉན་ཐོས་དང་རང་སངས་རྒྱས་ཀྱིས་ཤེས་པའི་ཡུལ་མ་ཡིན་ནོ། །རིགས་ཀྱི་བུ་གལ་ཏེ་གང་ཟག་གིས་དེ་བཞིན་གཤེགས་པའི་
D119.052.0109a06.01སྙིང་པོ་ཤིན་ཏུ་ཟབ་མོ་མ་ཐོས་ན་སངས་རྒྱས་ཀྱི་རང་བཞིན་ཡོད་པར་མི་ཤེས་སོ། །དེ་ལ་ཤིན་ཏུ་ཟབ་མོའི་སྙིང་པོ་གང་ཞེ་ན། དེ་ནི་འདི་ལྟ་སྟེ། ཤིན་ཏུ་རྒྱས་པ་ཐེག་པ་ཆེན་པོའི་མདོ་སྡེའོ། །རིགས་ཀྱི་བུ་མུ་སྟེགས་ཅན་ཁ་ཅིག་ནི་བདག་ཅེས་བྱ་བ་རྟག་པར་ཡང་སྨྲ། ཁ་
D119.052.0109a07.01