完整藏文原文 · 德格版页 当前仅加载第 52 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་ཅིང་འཆད་པ་དོན་ལས་མ་འགལ་ཡང་སུ་ཡང་ཡིད་མི་ཆེས་ཏེ། མི་འཛིན་པར་འགྱུར་རོ། །གང་ཟག་དེ་ནི་དགེ་བའི་གནས་བཟང་པོར་མི་སྐྱེ་སྟེ། བྱ་འདབ་མ་ཆག་པ་འཕུར་མི་ནུས་པ་ལྟར་གང་ཟག་དེ་ཡང་དེ་དང་འདྲ་སྟེ། མ་འོངས་པའི་
D119.052.0093a01.01དུས་སུ་ལྷ་དང་མིའི་གནས་བཟང་པོར་མི་སྐྱེའོ། །དེ་ལ་གང་ཟག་སུ་ཞིག་ཐེག་པ་ཆེན་པོའི་མདོ་སྡེ་འདི་ལ་ཡིད་ཆེས་ཤིང་དད་ན་མངོན་པར་ཐོབ་པའི་ལུས་ངན་ལ་མི་སྡུག་ཀྱང་མདོ་སྡེ་འདིའི་ཡོན་ཏན་གྱིས་བྱད་གཟུགས་བཟང་བ་དང་། གཟི་བརྗིད་དང་མཐུར་ལྡན་པ་དང་
D119.052.0093a02.01མདངས་ཀྱང་འཕེལ་ཞིང་སྐྱེ་སྟེ། འཇིག་རྟེན་དུ་བཅས་པ་ལྷ་དང་། མི་ཐམས་ཅད་ཀྱི་ཡིད་དུ་འོང་ཞིང་ལྟ་འདོད་པ་དང་། རིམ་གྲོ་དང་། བཀུར་སྟི་དང་། མཆོད་པ་བྱེད་ཅིང་གཏོང་མི་ཕོད་པར་འགྱུར་རོ། །རྒྱལ་པོ་དང་། བློན་པོ་དང་། གཉེན་དང་། འཁོར་
D119.052.0093a03.01རྣམས་ཀྱིས་སྨྲ་ཞིང་བསྒོ་བ་ལ་དད་ཅིང་ཡིད་ཆེས་པར་འགྱུར་རོ། །གལ་ཏེ་ངའི་ཉན་ཐོས་ཀྱི་ཉེ་གནས་གང་ཞིག་གིས་མཆོག་གི་ཕུལ་དུ་གྱུར་པའི་དོན་སྤྱོད་པར་འདོད་ན་འཇིག་རྟེན་དུ་བཅས་པ་ལ་ཐེག་པ་ཆེན་པོའི་མདོ་སྡེ་འདི་རྒྱས་པར་འགྲེལ་ཅིང་བསྟན་པར་བྱའོ། །
D119.052.0093a04.01རིགས་ཀྱི་བུ་དཔེར་ན་ཟིལ་པ་ནི་རིང་དུ་གནས་པར་འདོད་ཀྱང་ཉི་མ་ཤར་བ་ལས་མི་འདའ་སྟེ། ཉི་མ་ཤར་མ་ཐག་ཏུ་ལྷག་མ་ཡང་མ་ལུས་པར་མེད་པར་འགྱུར་རོ། །རིགས་ཀྱི་བུ་སེམས་ཅན་དེ་དག་གི་མི་དགེ་བའི་ལས་ཇི་སྙེད་ཡོད་པ་ཡང་དེ་དང་འདྲ་སྟེ། རིང་དུ་གནས་
D119.052.0093a05.01པར་འདོད་ཀྱང་མྱ་ངན་ལས་འདས་པ་ཆེན་པོའི་ཉི་མ་ཤར་བ་མཐོང་བ་ལས་མི་འདའོ། །ཉི་མ་དེ་ཤར་མ་ཐག་ཏུ་དེ་དག་གི་མི་དགེ་བའི་ལས་ཐམས་ཅད་ཞུ་ཞིང་བྱང་བར་འགྱུར་རོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན། གང་ཟག་རབ་ཏུ་བྱུང་བ་སྐྲ་དང་ཁ་སྤུ་
D119.052.0093a06.01བྲེགས་ཏེ་ཆོས་གོས་གྱོན་ན་དགེ་ཚུལ་གྱི་ཚུལ་ཁྲིམས་བཅུ་མ་མནོས་ཀྱང་ཁྱིམ་བདག་གཅིག་གིས་དགེ་འདུན་ཀུན་བོས་ཏེ། ཁྲིམས་མ་མནོས་པ་ཡང་དགེ་འདུན་འགྲོན་དུ་བོས་པའི་ནང་དུ་གཏོགས་ན་ཁྲིམས་མ་མནོས་མོད་ཀྱི། དགེ་འདུན་གྱི་གྲངས་སུ་འགྲོའོ། །
D119.052.0093a07.01