完整藏文原文 · 德格版页 当前仅加载第 52 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་ལ་བཀོད་དོ། །གཞན་ཡང་རྟག་པར་འཛིན་པ་དག་ལ་མི་རྟག་པའི་འདུ་ཤེས་བསྟན་པ་དང་། བདེ་བར་འདུ་ཤེས་པ་ལ་སྡུག་བསྔལ་བའི་འདུ་ཤེས་བསྟན་པ་དང་། བདག་ཏུ་འདུ་ཤེས་པ་དག་ལ་བདག་མེད་པར་བསྟན་པ་དང་། ཡོངས་སུ་དག་པར་འདུ་ཤེས་པ་དག་ལ་ཡོངས་སུ་མ་དག་པའི་
D119.052.0067b01.01འདུ་ཤེས་བསྟན་པའི་ཕྱིར་རོ། །སེམས་ཅན་གང་ཞིག་ཁམས་གསུམ་ལ་ཆགས་ན་དེ་ལ་དམ་པའི་ཆོས་བསྟན་ཏེ་གནས་དེ་སྤོང་བར་བྱེད་དོ། །སེམས་ཅན་གདུལ་ཞིང་བསྒྲལ་བའི་ཕྱིར་བླ་ན་མེད་པའི་དམ་པའི་ཆོས་སྨན་ལྟ་བུ་སྟོན་ཏོ། །ཀུན་ཏུ་ཉོན་མོངས་པའི་ཤིང་ཐམས་ཅད་གཅད་པའི་ཕྱིར་བླ་ན་
D119.052.0067b02.01མེད་པའི་ཆོས་ཀྱི་སྨན་གྱི་ཤིང་བསྐྱེད་དོ། །མུ་སྟེགས་ཅན་གྱི་རྣམས་གདུལ་ཞིང་བསྒྲལ་བའི་ཕྱིར་ཡང་དག་པའི་ཆོས་སྟོན་ཏོ། །སེམས་ཅན་ཐམས་ཅད་ཀྱི་སྟོན་པར་མངོན་པར་བསྟན་ཀྱང་ཐོག་མ་ནས་སེམས་ཅན་གྱི་སྟོན་པའོ་སྙམ་དུ་མི་དགོངས་སོ། །བུས་པ་མ་རབས་བསྒྲལ་བའི་ཕྱིར་དེ་དག་
D119.052.0067b03.01ཏུ་འགྲོ་བ་ཡང་མངོན་པར་སྟོན་ཏེ། ཆོས་བསྟན་པའི་ཕྱིར་གྱི། ལས་ངན་པས་དེའི་ལུས་ལེན་པ་ནི་མ་ཡིན་ནོ། །དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ནི་དེ་ལྟར་ཡོངས་སུ་མྱ་ངན་ལས་འདས་པ་ཆེན་པོ་ལ་བདེ་བར་གནས་པ་སྟེ། དེ་བས་ན་རྟག་ཏུ་གནས་པ་མི་འགྱུར་
D119.052.0067b04.01བའི་ཆོས་ཅན་ཞེས་བྱའོ། །ཇི་ལྟར་འཛམ་བུའི་གླིང་ལྟར་ཤར་གྱི་ལུས་འཕགས་གླིང་དང་། ནུབ་ཀྱི་བན་གླང་སྤྱོད་དང་། བྱང་གི་སྒྲ་མི་སྙན་ཡང་དེ་བཞིན་དུ་རྒྱས་པར་རོ། །གླིང་བཞི་ན་ཇི་ལྟ་བ་བཞིན་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱང་དེ་བཞིན་ཏེ། སྲིད་པ་ཉི་ཤུ་ལྔ་པོ་ནི་ཇི་
D119.052.0067b05.01ལྟར་དཔའ་བར་འགྲོ་བའི་མདོ་ལས་རྒྱས་པར་བསྟན་པ་བཞིན་ནོ། །དོན་དེ་ལྟ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་ཞིག་ཡོངས་སུ་མྱ་ངན་ལས་འདས་པ་ཆེན་པོ་ལ་བདེ་བར་གནས་ན་མངོན་པར་ཤེས་པའི་རྫུ་འཕྲུལ་འདི་ལྟ་བུ་
D119.052.0067b06.01སྟོན་པ་ལ་འཇིགས་པ་མེད་དོ། །འོད་སྲུང་རྐྱེན་དེ་ལྟ་བས་ན་ཁྱོད་ཀྱིས་སྒྲ་གཅན་འཛིན་ལ་སངས་རྒྱས་ཀྱི་སྲས་ཡིན་ནོ་ཞེས་མ་ཟེར་ཅིག །དེ་ཅིའི་ཕྱིར་ཞེ་ན། ངས་སྔོན་བསྐལ་པ་ཚད་མེད་པའི་བར་དུ་སྲིད་པའི་འདོད་པ་དང་བྲལ་བས་དེ་བས་ན་དེ་བཞིན་གཤེགས་པ་ནི་རྟག་ཏུ་གནས་པའི་ཆོས་ཅན་མི་འགྱུར་མི་
D119.052.0067b07.01