完整藏文原文 · 德格版页 当前仅加载第 52 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
པོའོ། །འདོད་ཆགས་ཞེ་སྡང་ང་རྒྱལ་སྤངས། །གཏི་མུག་གཡོ་སྒྱུ་ཡོངས་སུ་བཅད། །ངག་གི་སྒོ་ནས་མི་སྨྲ་བ། །རྩུབ་ཅིང་བརླང་བའི་ཚིག་རྣམས་སོ། །དེའི་ཚེ་འཁོར་དེའི་ནང་ན་ལྷའི་སྲས་པོ་རབ་ཏུ་དགའ་བ་ཞེས་བྱ་བ་ཞིག་གིས་ཡང་ཚིགས་སུ་བཅད་དེ་སྨྲས་པ།
D119.052.0228a01.01དེ་ལྟར་འདོད་ཆགས་སྤངས་ནས་སུ། །ཡོངས་དག་བརྩོན་འགྲུས་རབ་བརྩོན་པ། །བརྒྱ་བྱིན་ལྷ་ཡི་ཐབས་འདོད་དམ། །ལྷ་ཡི་གནས་སུ་སྐྱེ་བར་འདོད། །ཇི་སྟེ་མུ་སྟེགས་ཅན་ཡིན་ན། །ཤིན་ཏུ་དཀའ་ཐུབ་སྤྱད་པ་འདི། །བརྒྱ་བྱིན་ལྷ་ཡི་དབང་པོ་ཡི། །དབང་དང་ཐབས་
D119.052.0228a02.01དག་ཚོལ་ཕྱིར་རོ། །དེའི་ཚེ་གཞན་ཡང་ལྷའི་སྲས་པོ་དྲང་སྲོང་གཅིག་ཅེས་བྱ་བས། བརྒྱ་བྱིན་ལ་ཚིགས་སུ་བཅད་དེ་གསོལ་པ། ལྷ་ཡི་དབང་པོ་ཀཽ་ཤི་ཀ། །དེ་ལྟར་ཐེ་ཙོམ་བསྐྱེད་མི་རིགས། །མུ་སྟེགས་དཀའ་ཐུབ་སྤྱོད་པ་ཡང་། །བརྒྱ་བྱིན་དབང་པོའི་ཐབས་མི་ཚོལ། །
D119.052.0228a03.01ཚིགས་སུ་བཅད་པ་དེ་སྐད་ཅེས་སྨྲས་ནས་ཡང་འདི་སྐད་ཅེས་གསོལ་ཏོ། །ཀཽ་ཤི་ཀ་འཇིག་རྟེན་ན་སྐྱེས་བུ་ཆེན་པོ་དག་ནི་སེམས་ཅན་ལ་ཕན་པའི་ཕྱིར་གྱི། བདག་གི་ལུས་ལ་ཆགས་པའི་ཕྱིར་མ་ཡིན། སེམས་ཅན་ལ་ཕན་པ་དང་བདེ་བའི་དོན་གྱི་ཕྱིར་དཀའ་ཐུབ་ཚད་མེད་
D119.052.0228a04.01པ་རྣམ་པ་སྣ་ཚོགས་སྤྱོད་དོ། །སྐྱེས་བུ་དེ་ནི་འཁོར་བའི་སྐྱོན་མང་པོ་མཐོང་བས་ཅི་སྟེ་ས་ཆེན་པོ་འདི་དང་རི་དང་རྒྱ་མཚོ་ཆེན་པོར་རིན་པོ་ཆེས་ཡོངས་སུ་གང་བར་མཐོང་ཡང་། མཆིལ་མའམ། ངར་སྣབས་ལྟར་ཆགས་པ་མི་སྐྱེད་དོ། །དེ་ལྟར་སྐྱེས་བུ་ཆེན་པོ་དེ་རིན་པོ་ཆེ་དང་།
D119.052.0228a05.01ལོངས་སྤྱོད་དང་། ཆུང་མ་དང་། བུ་དང་། མགོ་དང་། མིག་དང་། ཀླད་པ་དང་། ལག་པ་དང་། རྐང་པ་དང་། ཡན་ལག་དང་། ཉིང་ལག་དང་། གནས་པའི་ཁང་ཁྱིམ་དང་། བལ་གླང་དང་། རྟ་དང་། ཐེག་པ་དང་། བྲན་ཕོ་དང་། བྲན་མོ་དང་། ལས་བྱེད་པའི་མི་ཡང་ཡོངས་སུ་
D119.052.0228a06.01སྤངས་ཏེ་མཐོ་རིས་ཀྱི་ལྷར་སྐྱེ་བར་མི་སྨོན་གྱི། སེམས་ཅན་ཐམས་ཅད་ལ་ཕན་པ་དང་། བདེ་བའི་དོན་འབའ་ཞིག་སྦྱོར་རོ། །བདག་གིས་འཚལ་བ་ལྟར་ན་སྐྱེས་བུ་ཆེན་པོ་དེ་ནི་ཡོངས་སུ་དག་ཅིང་ཀུན་ནས་ཉོན་མོངས་པ་ཐམས་ཅད་ཡོངས་སུ་བཅད་ནས་བླ་ན་མེད་པ་ཡང་དག་པར་རྫོགས་
D119.052.0228a07.01