完整藏文原文 · 德格版页 当前仅加载第 52 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྐུར་ན་མི་དེ་རྨི་ལམ་ན་སྲིན་པོའི་གཟུགས་མཐོང་སྟེ། ཤིན་ཏུ་སྐྲག་པར་ཡང་འགྱུར་ལ། སྲིན་པོ་དེ་འདི་སྐད་དུ་ཀྱེ་རིགས་ཀྱི་བུ་ཁྱོད་ད་གལ་ཏེ་བྱང་ཆུབ་ཏུ་སེམས་མ་བསྐྱེད་ན་ཁྱོད་ཀྱི་འཚོ་བའི་སྲོག་བཅད་དོ་ཞེས་སྨྲས་པས་མི་དེ་སྐྲག་བཞིན་དུ་སད་ནས་བྱང་
D119.052.0142a01.01ཆུབ་ཏུ་སེམས་སྐྱེད་པར་འགྱུར་རོ། །སྐྱེས་བུ་དེ་ཚེ་འཕོས་ནས་གལ་ཏེ་ངན་སོང་གསུམ་དུ་ལྟུང་ངམ། མི་དང་མཐོ་རིས་ཀྱི་ལྷར་སྐྱེས་ཀྱང་བྱང་ཆུབ་ཀྱི་སེམས་ཀྱི་རྒྱུན་མི་ཆད་དེ་དྲན་པས་ན་གང་ཟག་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་རིག་པར་བྱའོ། །
D119.052.0142a02.01དོན་དེ་ལྟ་བས་ན་མྱ་ངན་ལས་འདས་པ་ཆེན་པོའི་བྱིན་དང་ཤུགས་ཀྱིས་བྱང་ཆུབ་ཏུ་སེམས་མ་བསྐྱེད་པའི་བྱང་ཆུབ་ཀྱི་རྒྱུར་འགྱུར་བ་ཞེས་བྱའོ། །རིགས་ཀྱི་བུ་དེ་ནི་བྱང་ཆུབ་སེམས་དཔའི་སེམས་བསྐྱེད་པའི་རྒྱུ་དང་རྐྱེན་ཞེས་བྱ་སྟེ། རྒྱུ་དང་རྐྱེན་མེད་པ་ནི་མ་ཡིན་ནོ། །དེ་
D119.052.0142a03.01བས་ན་ཐེག་པ་ཆེན་པོའི་མདོ་སྡེ་དམ་པ་འདི་ནི་ཡང་དག་པར་སངས་རྒྱས་ཀྱིས་གསུངས་པའོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྟེང་གི་ནམ་མཁའ་ལ་ཆར་སྤྲིན་གྱིས་ཁེབས་ཏེ་ཆར་པ་ཆེན་པོ་བབ་ན་ཤིང་སྐམ་མམ། བྲག་གམ། རི་མཐོན་པོ་ཆུ་མི་ཕྱིན་པའི་གནས་
D119.052.0142a04.01ཐམས་ཅད་དུ་ཡང་འབབ་སྟེ། ཤོང་བུ་དང་ས་དམའ་བ་ཀུན་ཆུས་ཡོངས་སུ་གང་ལ་སེམས་ཅན་ཚད་མེད་པ་ཐམས་ཅད་ལ་ཕན་པའི་དོན་དུ་འགྱུར་རོ། །མྱ་ངན་ལས་འདས་པ་ཆེན་པོའི་མདོ་སྡེ་ཡང་དེ་དང་འདྲ་སྟེ། ཆོས་ཆེན་པོའི་ཆར་སེམས་ཅན་ཀུན་ལ་ཕབ་ཀྱང་། ལོག་སྲེད་
D119.052.0142a05.01ཅན་འབའ་ཞིག་ནི་བྱང་ཆུབ་ཀྱི་སེམས་སྐྱེ་བའི་གནས་མེད་དོ། །རིགས་ཀྱི་བུ་དཔེར་ན་ས་བོན་ཚིག་པ་ནི་བསྐལ་པ་བརྒྱ་སྟོང་གི་བར་དུ་ཆར་གྱིས་ཡོངས་སུ་བརླན་ཀྱང་མྱུ་གུ་མི་སྐྱེ་སྟེ། སྐྱེ་བའི་གནས་མེད་དོ། །ལོག་སྲེད་ཅན་ཡང་དེ་དང་འདྲ་སྟེ། ཡོངས་སུ་མྱ་ངན་ལས་འདས་
D119.052.0142a06.01པ་ཆེན་པོའི་མདོ་སྡེ་དམ་པ་ཐོས་སུ་ཟིན་ཀྱང་བྱང་ཆུབ་ཀྱི་སེམས་ཀྱི་མྱུ་གུ་མི་སྐྱེ་སྟེ། སྐྱེ་བའི་གནས་མེད་དོ། །དེ་ཅིའི་ཕྱིར་ཞེ་ན། གང་ཟག་དེ་ནི་དགེ་བའི་རྩ་བ་ཐམས་ཅད་མེད་པར་བྱས་ཏེ་ས་བོན་ཚིག་པ་དང་འདྲ་བར་གྱུར་པས་བྱང་ཆུབ་ཀྱི་རྩ་བ་དང་མྱུ་གུ་མི་སྐྱེའོ། །རིགས་ཀྱི་བུ་
D119.052.0142a07.01