完整藏文原文 · 德格版页 当前仅加载第 52 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
བླ་མར་གྱུར་པ། ཡོངས་སུ་མྱ་ངན་ལས་འདས་པ་ཆེན་པོའོ། །གཞན་ཡང་ཨུ་ཞེས་བྱ་བ་ནི་དེ་བཞིན་གཤེགས་པའི་རང་བཞིན་ཉན་ཐོས་དང་རང་སངས་རྒྱས་ཐམས་ཅད་ཀྱིས་སྔོན་མ་ཐོས་པ་སྟེ། གླིང་ཐམས་ཅད་ཀྱི་ནང་ན་བྱང་གི་སྒྲ་མི་སྙན་མཆོག་དམ་པར་
D119.052.0130a01.01གྱུར་པ་བཞིན་དུ། བྱང་ཆུབ་སེམས་དཔས་གལ་ཏེ་མདོ་སྡེ་འདི་ཉན་ཏམ། གཟུངས་སུ་འཛིན་ན། སེམས་ཅན་ཐམས་ཅད་ཀྱི་ཕུལ་དུ་འགྱུར། གཙོ་བོར་འགྱུར། མཆོག་དམ་པར་འགྱུར་ཏེ། དེ་བས་ན་མདོ་སྡེ་འདི་ནི་ཀུན་གྱི་གཙོ་བོ། མཆོག་དམ་པ། ཕུལ་དུ་གྱུར་
D119.052.0130a02.01པས་ཨུ་ཞེས་བྱའོ། །དེ་ལ་ཨཱུ་ཞེས་བྱ་བ་ནི་ཇི་ལྟར་བའི་འོ་མ་རོ་ཐམས་ཅད་ཀྱི་ནང་ན་མཆོག་ཏུ་གྱུར་པ་ལྟར་དེ་བཞིན་གཤེགས་པའི་རང་བཞིན་ཡང་དེ་དང་འདྲ་སྟེ། མདོ་སྡེ་ཐམས་ཅད་ཀྱི་ནང་ན་གཙོ་བོ། མཆོག་དམ་པ། ཕུལ་དུ་གྱུར་པའོ། །གང་ཞིག་འདི་ལ་འཕྱ་བའམ།
D119.052.0130a03.01སྐུར་ན་དེ་བྱོལ་སོང་དང་ཐ་མི་དད་པར་རིག་པར་བྱའོ། །གཞན་ཡང་ཨཱུ་ཞེས་བྱ་བ་ནི་གང་ཟག་དེ་ཡང་དག་པར་དྲན་པའི་ཤེས་རབ་མེད་པས་དེ་བཞིན་གཤེགས་པས་གསང་བའི་སྙིང་པོ་ལ་འཕྱ་ཞིང་སྐུར་བས་གང་ཟག་དེ་ནི་ཤིན་ཏུ་སྙིང་བརྩེ་བའི་གནས་སུ་རིག་པར་བྱ་སྟེ། དེ་ནི་དེ་བཞིན་
D119.052.0130a04.01གཤེགས་པའི་གསང་བའི་སྙིང་པོ་བདག་མེད་པ་བསྟན་པ་དང་བྲལ་བས་ཨཱུ་ཞེས་བྱའོ། །དེ་ལ་ཨེ་ཞེས་བྱ་བ་ནི་སངས་རྒྱས་ཀྱི་ཆོས་ཉིད་མྱ་ངན་ལས་འདས་པ་སྟེ། དེ་བས་ན་ཨེ་ཞེས་བྱའོ། །དེ་ལ་ཨེ་ཞེས་བྱ་བ་ནི་དེ་བཞིན་གཤེགས་པའི་དོན་ཏོ། །གཞན་ཡང་ཨཻ་ཞེས་བྱ་
D119.052.0130a05.01བ་ནི་དེ་བཞིན་གཤེགས་པ་གཤེགས་སམ། བཞུགས་སམ། སྨྱང་ངམ། བསྐུམ་མམ་བསྐྱོད་ཅིང་གཡོ་བ་ཐམས་ཅད་དུ་སོ་སོའི་སྐྱེ་བོ་ལ་ཕན་པ་དང་བདེ་བའི་དོན་དུ་མི་འགྱུར་བ་མ་ཡིན་ཏེ། དེ་ནི་ཨཻ་ཞེས་བྱའོ། །དེ་ལ་ཨོ་ཞེས་བྱ་བ་ནི་ཉོན་མོངས་པའི་དོན་ཏོ། །ཉོན་
D119.052.0130a06.01མོངས་པ་ནི་ཟག་པ་དང་བཅས་པ་ཞེས་བྱའོ། །དེ་བཞིན་གཤེགས་པ་ནི་ཉོན་མོངས་པ་ཐམས་ཅད་ཡོངས་སུ་བཅད་པས་ཨོ་ཞེས་བྱའོ། །དེ་ལ་ཨཽ་ཞེས་བྱ་བ་ནི་ཐེག་པ་ཆེན་པོའི་དོན་ཏེ། ཡི་གེ་འབྲུ་བཅུ་བཞི་པོ་མཐར་ཕྱིན་པའི་དོན་ཏོ། །ཐེག་པ་ཆེན་པོའི་མདོ་སྡེ་ཡང་དེ་དང་
D119.052.0130a07.01