完整藏文原文 · 德格版页 当前仅加载第 52 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
གོ། །བྱང་ཆུབ་སེམས་དཔའ་ཡང་དེ་དང་འདྲ་སྟེ། ཚུལ་ཁྲིམས་ཉམས་པ་དང་ལྷན་ཅིག་ཏུ་གསོ་སྦྱིན་དང་། ཚུལ་ནས་འབྱུང་བའི་ལས་དང་། དགེ་འདུན་གྱི་ལས་བྱེད་ཀྱང་ཚུལ་ཁྲིམས་མི་ཉམས་ཏེ། ཆུ་རྐ་བུག་རྡོལ་ཅན་ལྟ་བུ་མ་ཡིན་ནོ། །དེ་ཅིའི་ཕྱིར་ཞེ་ན།
D119.052.0097a01.01གལ་ཏེ་ཚུལ་ཁྲིམས་ཡོངས་སུ་དག་པའི་གང་ཟག་མེད་ན་དགེ་འདུན་འགྲིབ་པར་འགྱུར་ཏེ། ང་རྒྱལ་དང་ལེ་ལོ་ཡང་ཕྱི་ཕྱིར་སྐྱེའོ། །གལ་ཏེ་ཚུལ་ཁྲིམས་ཡོངས་སུ་དག་པ་ཡོད་ན་ཐོག་མ་བསྙེན་པར་རྫོགས་པའི་ཚུལ་ཁྲིམས་ཀྱང་མི་ཉམས་སོ། །རིགས་ཀྱི་བུ་ཐེག་
D119.052.0097a02.01པ་ལ་ཀློད་པ་ནི་ཀློད་པ་ཞེས་བྱའི་ཚུལ་ཁྲིམས་ལ་ཀློད་པ་ནི་ཀློད་པ་ཞེས་མི་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དག་ཐེག་པ་ཆེན་པོ་འདི་ལ་ང་རྒྱལ་དང་ལེ་ལོའི་སེམས་མེད་ན་ཚུལ་ཁྲིམས་ཉིད་ཅེས་བྱ་སྟེ། དམ་པའི་ཆོས་སྲུང་བའི་ཕྱིར་ཐེག་པ་ཆེན་པོའི་ཆུས་
D119.052.0097a03.01ཁྲུས་བྱེད་དོ། །དེ་བས་ན་བྱང་ཆུབ་སེམས་དཔའ་ཚུལ་ཁྲིམས་ཉམས་པར་སྟོན་ཀྱང་ཀློད་པ་ཞེས་མི་བྱའོ། །དེ་ནས་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་འདུན་གྱི་ནང་ན་སྐྱེས་བུ་རྣམ་པ་བཞི་
D119.052.0097a04.01མཆིས་ཀྱང་། ཤིང་ཏོག་ཨ་མྲའི་འབྲས་བུ་ལྟར་སྨིན་ནམ་མ་སྨིན་བརྟག་དཀའ་ན་ཚུལ་ཁྲིམས་ཉམས་པ་དང་། ཚུལ་ཁྲིམས་མ་ཉམས་པ་ཇི་ལྟར་རྟོགས་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཡོངས་སུ་མྱ་ངན་ལས་འདས་པ་ཆེན་པོའི་
D119.052.0097a05.01མདོ་སྡེ་འདིས་ན་ཤེས་པར་སླའོ། །ཇི་ལྟར་ན་མྱ་ངན་ལས་འདས་པ་ཆེན་པོའི་མདོ་སྡེ་འདིས་ཤེས་པར་འགྱུར་ཞེ་ན། འདི་ལྟ་སྟེ་དཔེར་ན་ཞིང་པ་དག་ཞིང་ལ་འབྲས་དང་ཁྲེ་དག་རྨོས་ཏེ། ཁྲེ་རྒོད་ལ་སོགས་པ་བསལ་ནས། ཤའི་མིག་གིས་བརྟགས་ན་ཞིང་གཤིན་
D119.052.0097a06.01པ་ཞེས་བྱ་སྟེ། འབྲུ་སྨིན་ནས་རྩྭ་དང་ཁྲེ་སོ་སོར་དབྱེའོ། །དེ་བཞིན་དུ་ཡོ་བྱད་རྣམ་པ་བརྒྱད་ཀྱིས་དགེ་འདུན་སྨེ་བར་འགྱུར་རོ། །དེ་དག་བསལ་ན་ཤའི་མིག་གིས་བརྟགས་ཀྱང་ཡོངས་སུ་དག་པར་རིག་གོ །ཚུལ་ཁྲིམས་ཉམས་པ་དང་། ཚུལ་ཁྲིམས་སྲུང་བ་དག་ཉེས་པ་
D119.052.0097a07.01