完整藏文原文 · 德格版页 当前仅加载第 52 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་བཏང་བ་ཡང་མེད་ལ། བྱེད་པ་ཡང་མེད་དོ། །དཔེར་ན་འོ་མ་དང་ཞོ་ཡང་སྡུག་བསྔལ་ཞེའམ། བདེ་ཞེའམ། དགེ་ཞེའམ། མི་དགེ་ཞེས་རྩོད་པ་མེད་ལ། །མཚོན་རྣོན་པོས་ཀྱང་གནོད་པར་མི་འགྱུར་རོ། །དེ་ཅིའི་ཕྱིར་ཞེ་ན། རྣམ་པ་བདུན་པོ་སྟོང་པ་ཡིན་པས་ཐོགས་པ་མེད་
D119.052.0298b01.01པའི་ཕྱིར་རོ། །སྲོག་ཀྱང་གཅད་དུ་མེད་དེ། དེ་ཅིའི་ཕྱིར་ཞེ་ན། གསོད་པ་ཡང་མེད་ལ། འཆི་བ་ཡང་མེད། བྱས་པ་ཡང་མེད། མྱོང་བ་ཡང་མེད། བཤད་པ་ཡང་མེད། ཉན་པ་ཡང་མེད། རྟོགས་པ་ཡང་མེད། སྟོན་པ་ཡང་མེད་དོ་ཞེས་རྟག་ཏུ་ཆོས་དེ་དག་འཆད་དེ། སེམས་
D119.052.0298b02.01ཅན་མང་པོའི་ཁ་ན་མ་ཐོ་བའི་སྡིག་པ་ཐམས་ཅད་ཞི་བར་བྱེད་པའི་སློབ་དཔོན་ཆེན་པོ་ད་ལྟར་རྒྱལ་པོའི་ཁབ་ན་བཞུགས་ཀྱི། རྒྱལ་པོ་ཆེན་པོ་སློབ་དཔོན་ཆེན་པོ་གང་ན་བ་དེར་གཤེགས་སུ་གསོལ། མཐོང་བ་ཙམ་གྱིས་སྡིག་པ་ཐམས་ཅད་འབྱང་བར་འགྱུར་རོ། །རྒྱལ་པོས་སྨྲས་
D119.052.0298b03.01པ། དེ་ལྟར་ངེས་པར་བདག་གི་སྡིག་པ་མེད་པར་བྱེད་ནུས་ན་ལྟ་དེ་ལ་སྐྱབས་སུ་འགྲོ་བར་བྱའོ། །གཞན་ཡང་བློན་པོ་བདེན་པ་ཐོབ་ཅེས་བྱ་བ་ཞིག་རྒྱལ་པོ་གང་ན་བར་འོངས་ནས་ཚིགས་སུ་བཅད་པ་འདི་སྐད་ཅེས་གསོལ་ཏོ། །རྒྱལ་པོ་ཆེན་པོ་ཅི་ཡི་ཕྱིར། །ལུས་ཀྱི་རྒྱན་ཡང་ཐམས་
D119.052.0298b04.01ཅད་བཀྲོལ། །དབུ་ཡི་སྐྲ་ཡང་འཛིངས་པ་འདི། །ཅི་ཡི་སླད་དུ་དེ་ལྟར་གྱུར། །ཅིའི་ཕྱིར་ད་ལྟར་རྒྱལ་པོའི་ལུས། །མི་བདེ་འགུལ་ཞིང་འདར་བ་ནི། །མེ་ཏོག་ཆགས་པའི་ཤིང་རྣམས་ལ། །ཤིན་ཏུ་རླུང་གིས་བཏབ་པ་བཞིན། །རྒྱལ་པོ་འདི་ལྟར་ཤིན་ཏུ་ངོམ་ཟུང་གནག་པ་ནི་ཇི་ལྟར་
D119.052.0298b05.01ཞིང་པ་དག་ས་བོན་བཏབ་ན་ཆར་པ་མ་བབས་ན་མྱ་ངན་བྱེད་པ་བཞིན་དུ། མྱ་ངན་བྱེད་པ་འདི་འོན་ཏེ་ལུས་ནའམ། སེམས་ན་བར་གྱུར། རྒྱལ་པོས་སྨྲས་པ། བདག་གི་ལུས་དང་སེམས་མི་ན་བའི་གཏོལ་ག་ལ་ཞིག་ཡོད། རྒྱལ་པོ་ཡབ་བདག་ལ་ཤིན་ཏུ་བྱམས་ཤིང་བརྩེ་བས་
D119.052.0298b06.01ཉེས་པའི་སྐྱོན་མེད་དེ། ཐོག་མ་མཚན་མཁན་ལ་བསྟན་པ་ན། མཚན་མཁན་གྱིས་ཀྱང་ཁྱོད་ཀྱི་བུ་འདི་སྐྱེས་ནས་ཕ་གསོད་པར་འགྱུར་རོ་ཞེས་སྨྲས་ཏེ། དེ་སྐད་ཅེས་ཐོས་མོད་ཀྱི་འོན་ཀྱང་གསོས་སོ། །མཁས་པ་ཤེས་རབ་ཅན་ལས་སྔོན་འདི་སྐད་ཅེས་ཐོས་ཏེ། གང་ཞིག་མ་
D119.052.0298b07.01