完整藏文原文 · 德格版页 当前仅加载第 52 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས། གལ་ཏེ་ཁྱད་པར་ཞིག་མ་མཆིས་ན་དེ་བཞིན་གཤེགས་པས་གནས་པར་བགྱི་བའི་ཆོས་རྣམ་པ་བཞི་ཡང་ཅིའི་སླད་དུ་གསུངས། བཅོམ་ལྡན་འདས་བཅོམ་ལྡན་འདས་ཀྱིས་གསུངས་པ་ལྟར། སེམས་ཅན་གང་མྱ་ངན་ལས་འདས་པ་ཆེན་པོའི་མདོ་སྡེ་རྣ་ཁུང་དུ་ཐོས་
D119.052.0141b01.01པས་ཉོན་མོངས་པ་ཐམས་ཅད་སེལ་བར་འགྱུར་ན། དེ་བཞིན་གཤེགས་པས་ཅིའི་སླད་དུ་སྔར་འདི་སྐད་དུ་གང་ཟག་དག་སྔོན་སངས་རྒྱས་ཀླུང་གང་གཱའི་བྱེ་མ་སྙེད་ལ་སེམས་བསྐྱེད་དེ། མྱ་ངན་ལས་འདས་པ་ཆེན་པོ་ཐོས་ཀྱང་དོན་ཤེས་པར་མ་གྱུར་ཏོ་ཞེས་གསུངས་སོ། །
D119.052.0141b02.01གལ་ཏེ་དོན་མི་འཚལ་ན། ཉོན་མོངས་པ་ཐམས་ཅད་ཇི་ལྟར་ཆོད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལོག་སྲེད་ཅན་མ་གཏོགས་པར་སེམས་ཅན་གཞན་དག་མདོ་སྡེ་འདི་ཐོས་ན་ཐམས་ཅད་ཀྱི་བྱང་ཆུབ་ཀྱི་རྒྱུར་འགྱུར་ཏེ།
D119.052.0141b03.01ཆོས་ཀྱི་སྒྲའི་འོད་ཟེར་བ་སྤུའི་བུ་གར་ཞུགས་ན་གདོན་མི་ཟ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། །དེ་ཅིའི་ཕྱིར་ཞེ་ན། སྐྱེས་བུ་གང་ཞིག་སངས་རྒྱས་ཚད་མེད་པ་སྙེད་ལ་བསྙེན་བཀུར་བ་དང་། མཆོད་པ་དང་། ཕྱག་བྱས་ན་ཡོངས་
D119.052.0141b04.01སུ་མྱ་ངན་ལས་འདས་པ་ཆེན་པོའི་མདོ་སྡེ་ཐོས་ཏེ། བསོད་ནམས་ཆུང་ངུ་རྣམས་ཀྱིས་ནི་ཐོས་པར་འགྱུར་བ་མ་ཡིན་ནོ། །དེ་ཡང་ཇི་ལྟ་ཞེ་ན། གང་ཡོན་ཏན་ཆེན་པོ་དང་ལྡན་པ་དག་ནི་དོན་ཆེན་པོ་འདི་ཐོས་པར་འགྱུར་གྱི་ཞན་པ་ཆུང་ངུ་རྣམས་ཀྱིས་ཐོས་པར་མི་འགྱུར་རོ། །
D119.052.0141b05.01དེ་ལ་དོན་ཆེན་པོ་ཞེས་བྱ་བ་ནི་སངས་རྒྱས་རྣམས་ཀྱི་ཤིན་ཏུ་ཟབ་པའི་གསང་བའི་སྙིང་པོ་སངས་རྒྱས་ཀྱི་རང་བཞིན་ལ་བྱ་སྟེ། དེ་བས་ན་དོན་ཆེན་པོ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཇི་ལྟར་ན་བྱང་
D119.052.0141b06.01ཆུབ་ཏུ་སེམས་མ་བསྐྱེད་པ་དག་བྱང་ཆུབ་ཀྱི་རྒྱུར་འགྱུར་ཞེས་བགྱི། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། གང་ཞིག་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་ཐོས་ནས་འདི་སྐད་དུ་བདག་ནི་བྱང་ཆུབ་ཏུ་སེམས་བསྐྱེད་མི་དགོས་སོ་ཞེས་དམ་པའི་ཆོས་
D119.052.0141b07.01