完整藏文原文 · 德格版页 当前仅加载第 52 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེད་འགའི་དུས་སུ་ནི་མེ་ཏོག་ལ་སོགས་པ་ཤིན་ཏུ་རྒྱས་པར་འགྱུར། ཆེད་འགའི་དུས་སུ་ནི་འདབ་མ་ལ་སོགས་པ་ཤིན་ཏུ་རྒྱས་པར་འགྱུར། ཆེད་འགའི་དུས་སུ་ནི་འདབ་མ་ཐམས་ཅད་ལྷགས་ནས་ཤིང་སྐམ་ལྟ་བུར་འགྱུར་རོ། །རིགས་ཀྱི་བུ་དེ་ཁྱོད་ཀྱི་ཡིད་ལ་ཇི་སྙམ་སེམས། དེའི་
D119.052.0150b01.01ཚེ་ན་ཤིང་དེ་ཡང་དག་པར་སྐམས་སམ། གསོལ་པ། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། འཇིག་རྟེན་གསུམ་པོར་སྐུ་རྣམ་པ་གསུམ་སྟོན་ཏེ་འདི་ལྟ་སྟེ། ཆེད་འགའ་ནི་ཐོག་མ་བཙས་པ་དང་། ཆེད་
D119.052.0150b02.01འགའ་ནི་སྐུ་རྫོགས་པ་དང་། ཆེད་འགའ་ནི་མྱ་ངན་ལས་འདས་པ་བསྟན་ཏེ། དེ་བཞིན་གཤེགས་པའི་སྐུ་མི་རྟག་པ་ནི་མ་ཡིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང་གིས་བཅོམ་ལྡན་འདས་ལ་ལེགས་སོ་ཤིན་ཏུ་ལེགས་སོ་ཞེས་བསྟོད་ནས་བཅོམ་ལྡན་འདས་
D119.052.0150b03.01ཀྱིས་གསུངས་པ་བཞིན་ཏེ། དེ་བཞིན་གཤེགས་པ་ནི་རྟག་པ་གནས་པ་མི་འགྱུར་མི་འཕོ་བའོ། །ཞེས་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པས་དགོངས་ཏེ་གསུངས་པ་ནི་ཤིན་ཏུ་ཡང་ཤེས་པར་དཀའོ། །འདི་ལྟ་སྟེ་དཔེར་ན་
D119.052.0150b04.01རྒྱལ་པོ་ཆེན་པོ་ཞིག་གིས་བློན་པོ་རྣམས་ལ་སེན་ཏ་པ་འོན་ཅིག་ཅེས་བཀའ་སྩལ་ན། སེན་ཏ་པ་ཞེས་བྱ་བ་མིང་གཅིག་ལ་དངོས་པོར་བསྔོ་བ་བཞི་ཡོད་དོ། །འདི་ལྟ་སྟེ། ལན་ཚྭ་དང་། སྣོད་དང་། ཆུ་དང་། རྟ་སྟེ་དངོས་པོ་འདི་བཞི་ནི་འཐུན་ནོ། །དེ་ལ་བློན་པོ་མཁས་པས་ནི་གལ་ཏེ་
D119.052.0150b05.01རྒྱལ་པོ་ཁྲུས་བྱ་བར་བསམས་ཏེ་སེན་ཏ་པ་འོན་ཅིག་ཅེས་བསྒོ་བའི་དུས་ན་ཆུ་འབུལ་ལོ། །རྒྱལ་པོ་ཟས་ཀྱི་བྱ་བ་བྱེད་པ་ན་སེན་ཏ་པ་འོན་ཅིག་ཅེས་བསྒོ་བའི་དུས་ན་ལན་ཚྭ་འབུལ་ལོ། །རྒྱལ་པོ་ཟས་ཀྱི་བྱ་བ་བྱས་ནས་སྐོམ་འཐུང་བ་ན་སེན་ཏ་པ་འོན་ཅིག་ཅེས་བསྒོ་བའི་དུས་ན་དེ་ལ་
D119.052.0150b06.01སྣོད་འབུལ་ལོ། །གལ་ཏེ་རྒྱལ་པོ་འགྲོ་བར་གཟས་ཏེ་སེན་ཏ་པ་འོན་ཅིག་ཅེས་བསྒོ་བའི་དུས་ན་རྟ་ཁྲིད་དེ་འོང་ངོ་། །དེ་ལྟར་བློན་པོ་མཁས་པས་ནི་རྒྱལ་པོའི་མན་ངག་བཞི་པོ་ལ་མཁས་སོ། །ཐེག་པ་ཆེན་པོའི་མདོ་སྡེ་འདི་ཡང་དེ་དང་འདྲ་སྟེ། མི་རྟག་པ་རྣམ་པ་བཞི་ཡོད་དོ། །
D119.052.0150b07.01