完整藏文原文 · 德格版页 当前仅加载第 52 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་དེའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཚུལ་ཁྲིམས་ངན་པ་ཅན་ཞེས་བྱ་བ་ནི་ལོག་སྲེད་ཅན་ལ་བྱའོ། །དེ་མ་ཡིན་པ་སྦྱིན་པ་ཐམས་ཅད་ལ་བསྟོད་ཅིང་བསྔགས་ཏེ། འབྲས་བུ་ཆེན་པོ་ཐོབ་པར་འགྱུར་རོ། །ཙུན་དས་ཡང་
D119.052.0161a01.01གསོལ་པ། ལོག་སྲེད་ཅན་ཞེས་བགྱི་བ་ཇི་ལྟ་བུ་ལགས། བཅོམ་ལྡན་འདས་ཀྱིས་ཙུན་ད་ལ་བཀའ་སྩལ་པ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ཞིག་ཚིག་ངན་པ་སྨྲ་ཞིང་དམ་པའི་ཆོས་ལ་སྐུར་པ་འདེབས་པ་དང་། ཁ་ན་མ་ཐོ་བའི་ལས་བྱས་
D119.052.0161a02.01ཀྱང་འགྱོད་པའམ། ཁྲེལ་བའམ། འཛེམ་པའི་སེམས་མེད་དེ། གང་ཟག་དེ་ལྟ་བུ་ནི་ལོག་སྲེད་ཅན་གྱི་ལམ་ལ་འབབ་པ་ཞེས་བྱའོ། །གང་ཞིག་རྩ་བ་བཞི་ཉམས་སམ། མཚམས་མེད་པ་ལྔ་བྱས་པར་བདག་ཉིད་ཀྱིས་ཤེས་ལ། དེ་ལྟར་ཁ་ན་མ་ཐོ་བ་ཆེན་པོ་བྱས་ཀྱང་ཐོག་མ་ནས་
D119.052.0161a03.01འཇིགས་པའམ་ཁྲེལ་ཞིང་འཛེམ་པའི་སེམས་མེད་དེ། མི་འགྱོད་མི་འཐོལ་བ་དང་དམ་པའི་ཆོས་ལ་ཕངས་ཤིང་གཅེས་པར་མི་འཛིན་ཏེ། རྣམ་པར་གཞག་པའི་སེམས་མེད་ཀྱི། བརྙས་ཤིང་སྐུར་པ་དང་ཉེས་པ་མང་པོ་ཞེས་སྐྱོན་འདོགས་པའི་གང་ཟག་དེ་ཡང་ལོག་སྲེད་ཅན་གྱི་ལམ་ལ་
D119.052.0161a04.01འབབ་པ་ཞེས་བྱའོ། །གཞན་ཡང་གང་ཞིག་སངས་རྒྱས་དང་། ཆོས་དང་དགེ་འདུན་མེད་དོ་ཞེས་སྨྲ་བ་དེ་ཡང་ལོག་སྲེད་ཅན་གྱི་ལམ་ལ་འབབ་པ་ཞེས་བྱའོ། །དེ་ལྟར་ལོག་སྲེད་ཅན་འདི་འབའ་ཞིག་མ་གཏོགས་པ་བྱིས་པ་གཞན་ཐམས་ཅད་ལ་བསྟོད་ཅིང་བསྔགས་སོ།། །།
D119.052.0161a05.01བམ་པོ་བཅུ་བཞི་པ། དེ་ནས་ཙུན་དས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཚུལ་ཁྲིམས་ངན་པ་ཅན་གྱི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། གང་ཚུལ་ཁྲིམས་རྩ་བ་བཞི་ཉམས་པ་མཚམས་མེད་པ་ལྔ་བྱས་པ་དང་། དམ་པའི་
D119.052.0161a06.01ཆོས་ལ་རྣམ་པར་སྐུར་པ་འདེབས་པ་དེ་ནི་ཚུལ་ཁྲིམས་ངན་པ་ཞེས་བྱའོ། །ཙུན་དས་ཡང་གསོལ་པ། དེ་ལྟར་ཚུལ་ཁྲིམས་ངན་པ་ཅན་དེ་རྣམ་པར་གྲོལ་བའི་སྐལ་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། རྒྱུ་དང་རྐྱེན་དུ་ལྡན་ན་གྲོལ་བའི་སྐལ་བ་ཡོད་དེ།
D119.052.0161a07.01