完整藏文原文 · 德格版页 当前仅加载第 52 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་མང་དུ་བྱེད་དེ་དེས་ནི་དམ་པའི་ཆོས་ཀྱི་མདོག་དང་བསུང་དང་བྲོ་བའི་རོ་མེད་པར་བྱས་སོ། །སྡིག་པ་ཅན་དག་དེ་ལྟར་མདོ་སྡེ་འདི་ཀློག་གམ། འདོན་མོད་ཀྱི་དེ་བཞིན་གཤེགས་པས་དགོངས་ཏེ་གསུངས་པའི་དོན་ཟབ་མོ་འདི་མེད་པར་བྱས་ཀྱི། འཇིག་རྟེན་གྱི་སྙན་
D119.052.0152b01.01ཚིག་དོན་མེད་པ་བརྟགས་ནས་གོང་དུ་སྨོས་པ་ནི་འོག་ཏུ་བཅུག །འོག་ཏུ་སྨོས་པ་ནི་གོང་དུ་བཅུག །ཐོག་མ་དང་ཐ་མར་སྨོས་པ་ནི་བར་དུ་བཅུག །བར་དུ་སྨོས་པ་ནི་ཐོག་མ་དང་ཐ་མར་བཅུག་གོ། །དེ་ལྟར་དགེ་སློང་སྡིག་པ་ཅན་དེ་དག་ནི་བདུད་ཀྱི་གྲོགས་ཡིན་ཏེ། མ་བརྟགས་
D119.052.0152b02.01པའི་དངོས་པོ་ཐམས་ཅད་འཆང་ཡང་དེ་བཞིན་གཤེགས་པས་འཆང་དུ་གནང་ངོ་ཞེས་ཟེར་ཏེ། ཇི་ལྟར་རྫིའུ་ལ་སོགས་པ་འོ་མའི་ནང་དུ་ཆུས་སྣོན་པ་བཞིན་དུ་དགེ་སློང་སྡིག་པ་ཅན་ཡང་དེ་དང་འདྲ་སྟེ། འཇིག་རྟེན་གྱི་ཚིག་གིས་བསྣན་ཏེ་ནོར་བར་གཏན་ལ་ཕབ་པས་སྐྱེ་བོ་མང་དུ་ཡང་
D119.052.0152b03.01དག་པར་བསྟན་པ་དང་། ཡང་དག་པར་གླེགས་བམ་དུ་འདྲི་བ་དང་། ཡང་དག་པར་འདྲིར་འཇུག་ཅིང་བཀུར་སྟི་དང་། བསྟོད་པ་དང་། མཆོད་པ་དང་། རིམ་གྲོར་བྱར་མེད་པར་བྱས་སོ། །དགེ་སློང་སྡིག་པ་ཅན་དེས་རྙེད་པ་དང་། གྲགས་པའི་ཕྱིར་མདོ་སྡེ་འདི་ཅུང་ཟད་ཙམ་ཡང་
D119.052.0152b04.01སྟོན་མི་ནུས་ན་རྒྱ་ཆེར་སྟོན་པ་ལྟ་ཅི་སྨོས་ཏེ། ཇི་ལྟར་རྫིའུ་དབུལ་མོས་འོ་མ་གཅིག་ནས་གཅིག་ཏུ་འཚོང་ཞིང་རོ་མེད་པར་འགྱུར་བ་ལྟར་ཐེག་པ་ཆེན་པོའི་མདོ་སྡེ་ཡོངས་སུ་མྱ་ངན་ལས་འདས་པ་ཆེན་པོ་འདི་ཡང་དེ་དང་འདྲ་སྟེ། ཕྱིར་ཞིང་མི་བྲོ་བ་དང་རོ་མེད་པར་འགྱུར་རོ། །དེ་ལྟར་རོ་
D119.052.0152b05.01མེད་ཀྱང་གཞན་པས་སྟོང་འགྱུར་གྱིས་ལྷག་པ་ནི་འོ་མའི་རོ་དེ་རོ་གཞན་པས་སྟོང་འགྱུར་གྱིས་ལྷག་པ་བཞིན་ནོ། །དེ་ཅིའི་ཕྱིར་ཞེ་ན། ཐེག་པ་ཆེན་པོའི་མདོ་སྡེ་ཡོངས་སུ་མྱ་ངན་ལས་འདས་པ་འདི་ཉན་ཐོས་ཀྱི་མདོ་སྡེ་ལས་ཕུལ་དུ་གྱུར་མཆོག་ཏུ་གྱུར་པ་ནི་ཇི་ལྟར་བའི་འོ་མ་རོ་ཐམས་
D119.052.0152b06.01ཅད་པས་མཆོག་ཏུ་གྱུར་པ་བཞིན་ནོ། །དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །རིགས་ཀྱི་བུ་གཞན་ཡང་རིགས་ཀྱི་བུ་དང་རིགས་ཀྱི་བུ་མོ་ལ་སོགས་པ་གང་ཡང་སྐྱེས་པའི་ལུས་མི་འདོད་པ་མེད་དོ། །དེ་ཅིའི་ཕྱིར་ཞེ་ན། བུད་མེད་ཐམས་ཅད་ནི་སྡིག་
D119.052.0152b07.01