完整藏文原文 · 德格版页 当前仅加载第 52 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པར་གྱུར་ན་ཐམས་ཅད་ཀྱིས་དེ་ལ་སྙིང་བརྩེ་སྟེ། འདི་སྐད་ཅེས་ཟེར་རོ། །རྒྱལ་པོ་ཆེན་པོ་སྔོན་ཡང་དག་པའི་ཆོས་ཀྱི་སྲིད་འཚོ་སྟེ་མི་དགའ་བ་གཅིག་ཀྱང་མེད་ན། ད་ཅིའི་ཕྱིར་འཁྱམས་པར་གྱུར་ཅེས་ཟེར་རོ། །རིགས་ཀྱི་བུ་མི་ཡང་དེ་དང་འདྲ་སྟེ། རྒས་འཁོགས་པས་
D119.052.0191b01.01ཉམས་པར་གྱུར་ནས་གཞོན་དར་བའི་ལས་ཅི་བྱས་པ་ལ་སྨོན་ཏོ། །འོད་སྲུང་གཞན་ཡང་འདི་ལྟ་སྟེ་དཔེར་ན། མེ་མར་གྱི་སྙིང་པོ་ནི་མར་ལ་རག་ལུས་ཏེ། མར་ཟད་ན་རིང་པོ་མི་ཐོགས་སོ། །རིགས་ཀྱི་བུ་མི་ཡང་དེ་དང་འདྲ་སྟེ། གཞོན་དར་བ་ལ་རག་ལུས་སོ། །གཞོན་
D119.052.0191b02.01དར་བ་ཟད་ན་རྒས་ཤིང་འཁོགས་པའི་སྙིང་པོ་ནི་རིང་པོ་མི་ཐོགས་སོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན། ཆུ་སྐམས་པའི་གྲམ་པ་ནི་མི་དང་མི་མ་ཡིན་པ་དང་། བྱ་དང་། གཅན་གཟན་ལ་སོགས་པ་ལ་ཕན་མི་ཐོགས་སོ། །རིགས་ཀྱི་བུ་མི་ཡང་དེ་དང་འདྲ་སྟེ།
D119.052.0191b03.01རྒས་པས་སྐམས་པར་གྱུར་ན། ལས་སུ་བྱ་བ་ཐམས་ཅད་ལ་ཕན་པར་མི་འགྱུར་རོ། །འོད་སྲུང་གཞན་ཡང་འདི་ལྟ་སྟེ་དཔེར་ན། ཆུས་བཟས་པའི་གད་ཀ་ན་ཤིང་སྐྱེས་པ་ནི། རླུང་དྲག་པོ་ལངས་མ་ཐག་ཏུ་གདོན་མི་ཟ་བར་འགྱེལ་ཏོ། །རིགས་ཀྱི་བུ་མི་ཡང་དེ་དང་འདྲ་
D119.052.0191b04.01སྟེ། རྒས་པའི་གད་ཀ་གཡང་ས་དང་ཉེ་བས་འཆི་བའི་རླུང་ལངས་ནས་རིང་པོར་མི་གནས་སོ། །འོད་སྲུང་གཞན་ཡང་འདི་ལྟ་སྟེ་དཔེར་ན། ཤིང་རྟའི་སྲོག་ཤིང་ཆག་ན་ཁལ་ལྕི་བ་བཀུར་མི་བཟོད་དོ། །རིགས་ཀྱི་བུ་རྒས་པ་ཡང་དེ་དང་འདྲ་སྟེ། དགེ་བའི་ཆོས་ཐམས་
D119.052.0191b05.01ཅད་འཛིན་མི་ནུས་སོ། །འོད་སྲུང་གཞན་ཡང་འདི་ལྟ་སྟེ་དཔེར་ན། བུས་པ་ཆུང་ངུ་ཤེད་མ་བྱེ་བ་ལ་ནི་ཐམས་ཅད་ཀྱིས་བརྙས་སོ། །རིགས་ཀྱི་བུ་རྒས་པ་ཡང་དེ་དང་འདྲ་སྟེ། ཐམས་ཅད་ཀྱིས་བརྙས་སོ། །འོད་སྲུང་དཔེ་འདི་དག་དང་། གཞན་ཡང་དཔེ་ཚད་
D119.052.0191b06.01མེད་དཔག་ཏུ་མེད་པའི་སྒོ་ནས་རྒས་པ་ནི་སྡུག་བསྔལ་ཆེན་པོ་ཡིན་པར་རིག་པར་བྱའོ། །འོད་སྲུང་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་སྤྱོད་པ་ན། རྒ་བའི་སྡུག་བསྔལ་རྟོགས་པ་ཞེས་བྱའོ། །
D119.052.0191b07.01