完整藏文原文 · 德格版页 当前仅加载第 52 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་གང་ན་བར་ལྷགས་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། ལན་ཅིག་བསྐོར་ནས་ཕྱོགས་གཅིག་ཏུ་སྡོད་དོ། །དེའི་ཚེ་འཛམ་བུའི་གླིང་ན་གནས་པའི་དགེ་སློང་དང་། དགེ་སློང་མ་ཐམས་ཅད་འདུས་ཏེ་དེ་ལ་གཉིས་མ་གཏོགས་
D119.052.0012a01.01པ་ནི་འོད་སྲུང་ཆེན་པོ་དང་དགའ་བོའོ། །གཞན་ཡང་འཇིག་རྟེན་གྱི་ཁམས་ཚད་མེད་གྲངས་མེད་པ་ཀླུང་གང་གཱའི་བྱེ་མ་སྙེད་དང་། འཛམ་བུའི་གླིང་གི་རི་ལ་སོགས་པ་རི་རབ་རིའི་རྒྱལ་པོས་ཐོག་མར་དྲངས་ཏེ། རི་དེ་དག་ཐམས་ཅད་ཀྱང་ཤིན་ཏུ་བརྒྱན་པ་ནི་ནགས་ཚལ་རྒྱས་པ་
D119.052.0012a02.01དང་། ཤིང་རྣམས་ཀྱི་ལོ་མ་དང་། ཡལ་ག་ཡང་རན་པར་ཉི་མའི་འོད་ཆོད་པ་དང་། མེ་ཏོག་རྣམ་པ་སྣ་ཚོགས་རྒྱས་པ་དང་། ཁོ་ར་ཁོར་ཡུག་ཏུ་འབབ་ཆུ་དང་། ཆུ་མིག་ཡོངས་སུ་དག་ཅིང་བསུང་དང་ལྡན་པ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་
D119.052.0012a03.01ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། རིག་འཛིན་དང་། དྲང་སྲོང་ལ་སོགས་པས་རོལ་མོ་རྣམ་པ་སྣ་ཚོགས་བྱེད་པས་ཡོངས་སུ་གང་བར་གྱུར་ཏོ། །ལྷ་དང་དྲང་སྲོང་དེ་དག་ཀྱང་བཅོམ་ལྡན་འདས་གང་ན་བར་ལྷགས་ཏེ་སངས་རྒྱས་ཀྱི་ཞབས་
D119.052.0012a04.01ལ་སྤྱི་བོས་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །གཞན་ཡང་གྲངས་མེད་པའི་ཀླུང་གང་གཱའི་བྱེ་མ་སྙེད་ཀྱི་རྒྱ་མཚོ་བཞིའི་ལྷ་དང་། འབབ་ཆུ་ཀུན་གྱི་ལྷ་གཟི་བརྗིད་ཆེན་པོ་དང་ལྡན་པ་རྫུ་འཕྲུལ་དང་ལྡན་པ་རྣམས་ཀྱང་སྔ་མ་བས་ལྷག་པར་མཆོད་པའི་ཡོ་བྱད་བཤམས་ཏེ། ལྷ་
D119.052.0012a05.01རྣམས་ཀྱི་ལུས་ཀྱི་འོད་དང་། རོལ་མོའི་ཆ་བྱད་དང་། མེ་མར་གྱིས་ཉི་ཟླའི་འོད་ཀྱང་མི་སྣང་བར་བྱས་ནས་མེ་ཏོག་ཙམ་པ་ཀས་ཀླུང་ཧ་རི་བ་ཏིའི་ལོགས་སུ་གཏོར་ཏེ། སངས་རྒྱས་གང་ན་བར་ལྷགས་ནས་སངས་རྒྱས་ཀྱི་ཞབས་ལ་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་
D119.052.0012a06.01གྲོང་ཁྱེར་རྩྭ་མཆོག་གི་ཤིང་སཱ་ལའི་ཚལ་ཐམས་ཅད་ཀྱང་སྐྱ་བོར་གྱུར་ཏེ། སྟེང་གི་ནམ་མཁའ་ལ་རིན་པོ་ཆེ་སྣ་བདུན་གྱི་གཞལ་མེད་ཁང་འབུར་དང་རི་མོར་ལྡན་པ་རྒྱན་གྱིས་མཛེས་པ་ཁོ་ར་ཁོར་ཡུག་ཏུ་རིན་པོ་ཆེ་སྣ་ཚོགས་ཀྱིས་སྤྲས་པ། གཞལ་མེད་ཁང་གི་དྲུང་ན་ཆུ་མིག་དང་། རྫིང་བུ་དང་།
D119.052.0012a07.01