完整藏文原文 · 德格版页 当前仅加载第 52 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པ་ལ་ཆགས་མོད་ཀྱི། བརྩོན་འགྲུས་སུ་ནན་ཏན་མི་བྱེད་པས་དགེ་བའི་ཆོས་ཀྱིས་དབུལ་བའི་ཕྱིར་རོ། །མུ་སྟེགས་ཅན་དེ་དག་ནི་ཡང་དག་པའི་རྣམ་པར་ཐར་པ་འདོད་མོད་ཀྱི་ཚུལ་ཁྲིམས་བསྲུང་བའི་རྐང་པ་དང་མི་ལྡན་པའི་ཕྱིར་རོ། །མུ་སྟེགས་ཅན་དེ་དག་
D119.052.0216b01.01ནི་བདེ་བ་འདོད་མོད་ཀྱི་བདེ་བར་འགྱུར་བའི་རྒྱུ་དང་རྐྱེན་ཚོལ་མི་ནུས་སོ། །མུ་སྟེགས་ཅན་དེ་དག་ནི་སྡུག་བསྔལ་བར་འགྱུར་བ་ཐམས་ཅད་མི་འདོད་མོད་ཀྱི། སྤྱོད་པ་ཐམས་ཅད་སྡུག་བསྔལ་གྱི་རྒྱུར་འགྱུར་བ་མི་སྤོང་ངོ་། །མུ་སྟེགས་ཅན་དེ་དག་ནི་ཆེན་པོ་བཞིའི་སྦྲུལ་གདུག་
D119.052.0216b02.01པས་དཀྲིས་ཤིང་གླགས་ཀྱང་བག་མེད་པར་སྤྱོད་དོ། །མུ་སྟེགས་ཅན་དེ་དག་ནི་མ་རིག་པས་ཡོངས་སུ་ཁེབས་པས་དགེ་བའི་བཤེས་གཉེན་སྤོང་སྟེ། ཁམས་གསུམ་དུ་གནས་པར་མོས་པས་མི་རྟག་པའི་མེ་ཆེན་པོ་ཤིན་ཏུ་འབར་བ་ལས་ཐར་བར་མི་ནུས་སོ། །མུ་
D119.052.0216b03.01སྟེགས་ཅན་དེ་དག་ནི་ཉོན་མོངས་པའི་ནད་ལྕི་བ་འཚོ་དཀའ་བས་བཏབ་ཀྱང་མཁས་པ་དང་ལྡན་པའི་སྨན་པ་མི་ཚོལ་ལོ། །མུ་སྟེགས་ཅན་དེ་དག་ནི་མ་འོངས་པའི་དུས་མཐའ་མེད་པའི་ལམ་རིང་པོ་ཤིན་ཏུ་ཡ་ང་བ་བགྲོད་དགོས་ཀྱང་བདེ་བའི་ཆོས་ཀྱི་ཚོགས་བསག་
D119.052.0216b04.01ཅིང་བདག་གི་རྒྱན་དུ་འགྱུར་བ་མི་ཤེས་སོ། །མུ་སྟེགས་ཅན་དེ་དག་ནི་འདོད་ཆགས་ཀྱི་གདུག་པས་གསོད་པར་འགྱུར་ཡང་འདོད་པ་ལྔའི་བ་མོ་གདུག་པ་ལ་ཆགས་སོ། །མུ་སྟེགས་ཅན་དེ་དག་ནི་ཞེ་སྡང་གི་མེ་ཤིན་ཏུ་འབར་ཞིང་མཆེད་ཀྱང་མི་དགེ་བའི་བཤེས་གཉེན་
D119.052.0216b05.01ལ་སྟེན་པར་བྱེད་དོ། །མུ་སྟེགས་ཅན་དེ་དག་ནི་མ་རིག་པས་ཁེབས་ཏེ་ཟིལ་གྱིས་ནོན་ཀྱང་ངན་པར་ལྟ་བའི་ཆོས་ལོག་པ་ཚོལ་ལོ། །མུ་སྟེགས་ཅན་དེ་དག་ནི། ངན་པར་ལྟ་བས་རྟག་ཏུ་བསླུས་ཀྱང་དེ་དག་ལ་དགེ་བའི་བཤེས་གཉེན་དུ་འདུ་ཤེས་སྐྱེད་དོ། །མུ་སྟེགས་
D119.052.0216b06.01ཅན་དེ་དག་ནི་འབྲས་བུ་ཞིམ་པོ་ལ་རེ་ཡང་འབྲས་བུ་ཁ་བའི་ས་བོན་འདེབས་སོ། །མུ་སྟེགས་ཅན་དེ་དག་ནི་ཉོན་མོངས་པའི་མུན་ཁང་དུ་ཞུགས་ཀྱང་ཡེ་ཤེས་ཆེན་པོའི་སྒྲོན་མ་སྤོང་བར་བྱེད་དོ། །མུ་སྟེགས་ཅན་དེ་དག་ནི་ཉོན་མོངས་པས་ཤིན་ཏུ་གདུངས་ཏེ་ཤིན་ཏུ་སྐོམ་ཡང་
D119.052.0216b07.01