完整藏文原文 · 德格版页 当前仅加载第 52 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཉིད་དང་ལྡན། །བདག་དང་སངས་རྒྱས་རང་བཞིན་ནི། །གཉིས་སུ་མེད་དེ་བྱེ་བྲག་མེད། །སངས་རྒྱས་བསྟོད་པའི་ལམ་འདི་ནི། །ཡང་དག་ཚོལ་བ་བདེ་བའི་གནས། །ཐམས་ཅད་མཁྱེན་ཅིང་གཟིགས་པས་ན། །སངས་རྒྱས་མང་པོས་བསྔགས་པར་འགྱུར། །བདག་ཀྱང་བདེ་
D119.052.0120b01.01གཤེགས་བསྔགས་པ་ཡི། །བླ་མེད་ལམ་ལ་གཞོལ་ཞིང་འབབ། །བདུད་རྩི་མཆོག་གི་དམ་པ་སྟེ། །སྲིད་པའི་ནང་ན་མེད་པའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། རིགས་ཀྱི་བུ་ཁྱོད་ཀྱིས་ཉན་ཐོས་སམ། བུས་པ་མ་རབས་ལྟར་
D119.052.0120b02.01དཀོན་མཆོག་གསུམ་ལ་བྱེ་བྲག་མ་འབྱེད་ཅིག །ཐེག་པ་ཆེན་པོ་ལ་ནི་དཀོན་མཆོག་གསུམ་ལ་རྣམ་པར་བྱེ་བྲག་འབྱེད་པའི་མཚན་ཉིད་མེད་དོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ངོ་བོ་ཉིད་ལ་ཆོས་དང་དགེ་འདུན་ཡོད་པའི་ཕྱིར་རོ། །ཉན་ཐོས་དང་བུས་པ་མ་རབས་བསྒྲལ་བའི་ཕྱིར་
D119.052.0120b03.01དཀོན་མཆོག་གསུམ་རྣམ་པར་ཕྱེ་སྟེ་ཐ་དད་པར་བསྟན་ཏོ། །རིགས་ཀྱི་བུ་གང་འཇིག་རྟེན་པའི་ཆོས་ཀྱི་རྗེས་སུ་འཇུག་འདོད་པ་དག་ནི་སྐྱབས་སུ་འགྲོ་བའི་གནས་གསུམ་ཡོད་པར་བྱེ་བྲག་འབྱེད་དོ། །རིགས་ཀྱི་བུ་བྱང་ཆུབ་སེམས་དཔའ་དག་ནི་འདི་སྙམ་དུ་སེམས་ཏེ། བདག་གི་ལུས་
D119.052.0120b04.01འདི་སངས་རྒྱས་ལ་སྐྱབས་སུ་སོང་བས་ལུས་འདི་ཉིད་ཀྱིས་མངོན་པར་འཚང་རྒྱ་སྟེ། མངོན་པར་སངས་རྒྱས་ནས་སངས་རྒྱས་ལ་བསྙེན་བཀུར་དང་། བསྟི་སྟང་དང་། མཆོད་པ་དང་། ཕྱག་བྱ་བའི་ཆོས་མེད་དོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་ནི་མཉམ་པར་སེམས་ཅན་
D119.052.0120b05.01ཐམས་ཅད་ཀྱི་སྐྱབས་སུ་འགྲོ་བའི་གནས་མཛད་པའི་ཕྱིར་རོ། །གང་ཆོས་ཀྱི་སྐུ་གདུང་ལ་རིམ་གྲོ་བྱེད་པ་ནི་སངས་རྒྱས་རྣམས་ཀྱི་མཆོད་རྟེན་ལ་གུས་པར་ཕྱག་བྱ་བའོ། །དེ་ཅི་ལྟ་ཞེ་ན། སོ་སོའི་སྐྱེ་བོ་བསྒྲལ་བའི་ཕྱིར་རོ། །གཞན་ཡང་སེམས་ཅན་དག་ངའི་སྐུ་ལ་མཆོད་རྟེན་ལྟ་བུར་
D119.052.0120b06.01འདུ་ཤེས་བསྐྱེད་དེ། ཕྱག་དང་མཆོད་པ་བྱེད་དོ། །དེ་ལྟར་སེམས་ཅན་དེ་དག་གིས་ངའི་ཆོས་ཀྱི་སྐུ་ལ་ཡང་སྐྱབས་ཚོལ་བའི་གནས་བྱེད་དོ། །སེམས་ཅན་ཐམས་ཅད་ནི་ཡང་དག་པ་མ་ཡིན་པ་ཆོས་ལོག་པ་ལ་གནས་ཏེ། དེ་
D119.052.0120b07.01