完整藏文原文 · 德格版页 当前仅加载第 52 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
འདྲ་སྟེ། མདོ་སྡེ་ཐམས་ཅད་ཀྱི་ནང་ན་མཐར་ཕྱིན་པའི་མཆོག་ཡིན་པས་ཨཽ་ཞེས་བྱའོ། །དེ་ལ་ཨཾ་ཞེས་བྱ་བ་ནི་མ་བརྟགས་པ་མི་གཙང་བའི་དངོས་པོ་ཐམས་ཅད་བསལ་ཏེ། སངས་རྒྱས་ཀྱི་བསྟན་པ་ལས་གསེར་དང་དངུལ་ལ་སོགས་པ་རིན་པོ་ཆེ་ཐམས་ཅད་གཏོང་
D119.052.0130b01.01ནུས་པས་ཨཾ་ཞེས་བྱའོ། །དེ་ལ་ཨཿཞེས་བྱ་བ་ནི་ཐེག་པ་མཆོག་གི་དོན་ཏོ། །དེ་ཅིའི་ཕྱིར་ཞེ་ན། ཐེག་པ་ཆེན་པོའི་མདོ་མྱ་ངན་ལས་འདས་པ་ཆེན་པོ་འདི་ཡང་མདོ་སྡེ་ཐམས་ཅད་ཀྱི་ནང་ན་གཙོ་བོ་དམ་པ། ཕུལ་དུ་གྱུར་པས་ཨཿཞེས་བྱའོ། །དེ་ལ་ཀ་ཞེས་བྱ་བ་ནི་
D119.052.0130b02.01སེམས་ཅན་ཐམས་ཅད་ལ་སྙིང་རྗེ་སྐྱེ་བ་སྟེ། ཇི་ལྟར་སྒྲ་གཅན་འཛིན་བཞིན་དུ་སྲས་སུ་འདུ་ཤེས་ཤིང་དགེ་བའི་དོན་དུ་འགྱུར་བས་ཀ་ཞེས་བྱའོ། །དེ་ལ་ཁ་ཞེས་བྱ་བ་ནི་དགེ་བའི་བཤེས་གཉེན་མ་ཡིན་པའོ། །དགེ་བའི་བཤེས་གཉེན་མ་ཡིན་པ་ནི་སྨེ་བ་བཙོག་པ་སྟེ།
D119.052.0130b03.01དེ་བཞིན་གཤེགས་པའི་སྙིང་པོ་ལ་ཡིད་མི་ཆེས་པས་ཁ་ཞེས་བྱའོ། །དེ་ལ་ག་ཞེས་བྱ་བ་ནི་སྙིང་པོའོ། །སྙིང་པོ་ཞེས་བྱ་བ་ནི་དེ་བཞིན་གཤེགས་པའི་གསང་བའི་སྙིང་པོ་སྟེ། སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་ཅེས་བྱ་བ་སྟེ། དེ་ནི་ག་ཞེས་བྱའོ། །
D119.052.0130b04.01དེ་ལ་གྷ་ཞེས་བྱ་བ་ནི་དེ་བཞིན་གཤེགས་པ་རྟག་པའི་སྒྲའོ། །དེ་ལ་ཇི་ལྟར་ན་དེ་བཞིན་གཤེགས་པ་རྟག་པའི་སྒྲ་ཞེ་ན། འདི་ལྟ་སྟེ། དེ་བཞིན་གཤེགས་པ་རྟག་པ། གནས་པ། མི་འགྱུར། མི་འཕོ་བས་གྷ་ཞེས་བྱའོ། །དེ་ལ་ང་ཞེས་བྱ་བ་ནི་འདུ་བྱེད་ཐམས་ཅད་
D119.052.0130b05.01ཞིག་པའི་མཚན་ཉིད་དེ། དེ་བས་ན་ང་ཞེས་བྱའོ། །དེ་ལ་ཙ་ཞེས་བྱ་བ་ནི་བསྒོམ་པའི་དོན་ཏེ། སེམས་ཅན་ཐམས་ཅད་གདུལ་བ་ནི་བསྒོམ་པའི་དོན་ཅེས་བྱ་སྟེ། ཙ་ཞེས་བྱའོ། །དེ་ལ་ཚ་ཞེས་བྱ་བ་ནི་དེ་བཞིན་གཤེགས་པས་སེམས་ཅན་ཐམས་ཅད་ལ་གདུགས་ཆེན་པོ་ལྟར་
D119.052.0130b06.01སྐྱོབ་ཅིང་ཁེབས་པས་ཚ་ཞེས་བྱའོ། །དེ་ལ་ཛ་ཞེས་བྱ་བ་ནི་ཡང་དག་པར་རྣམ་པར་གྲོལ་བ་རྒ་བའི་མཚན་ཉིད་མེད་པས་ཛ་ཞེས་བྱའོ། །དེ་ལ་ཛྷ་ཞེས་བྱ་བ་ནི་ཀུན་ནས་ཉོན་མོངས་པས་འཆིང་བ་ནི་ནགས་ཐིབས་པོ་དང་འདྲ་བས་ཛྷ་ཞེས་བྱའོ། །དེ་ལ་ཉ་ཞེས་བྱ་བ་ནི་ཤེས་རབ་ཀྱི་དོན་
D119.052.0130b07.01