完整藏文原文 · 德格版页 当前仅加载第 52 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་ཡིན་ནོ། །འོད་སྲུང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་སྟེ་ལྷར་སྐྱེ་བར་མི་འདོད་དོ། །སྐྱེས་པས་ན་རྒ་བ་དང་། ན་བ་དང་། འཆི་བ་ཡོད་དེ། དེ་བས་ན་གཉི་ག་སྤོང་སྟེ་མི་འདོད་དོ། །བྱིས་པ་མ་རབས་ནི་རྒ་བ་དང་། ན་བ་དང་། འཆི་བ་ལ་སོགས་པའི་
D119.052.0189b01.01སྐྱོན་མང་པོ་མི་ཤེས་པས། སྐྱེ་བ་དང་འཆི་བའི་སྐྱོན་གཉིས་ལ་ཆགས་སོ། །རིགས་ཀྱི་བུ་གཞན་ཡང་འདི་ལྟ་སྟེ། བྲམ་ཟེའི་བུ་ཆུང་ངུ་ཤེད་མ་བྱེ་བ་བཀྲེས་པས་ཉེན་ན་ངན་སྐྱུགས་ཀྱི་ནང་ན་ཨ་མྲའི་འབྲས་བུ་ཡོད་པ་ལེན་ཏོ། །དེ་ལ་མཁས་ཤིང་ཤེས་པ་དག་གིས་མཐོང་ནས་འདི་སྐད་དུ་
D119.052.0189b02.01གཤེ་སྟེ། ཁྱོད་ནི་བྲམ་ཟེའི་རིགས་ཤིན་ཏུ་གཙང་བ་ཡིན་ན། ཅིའི་ཕྱིར་ན་ངན་སྐྱུགས་ཀྱི་ནང་ན་ཨ་མྲའི་འབྲས་བུ་ལེན་ཅེས་སྨྲས་སོ། །བྲམ་ཟེའི་ཁྱེའུ་དེ་ནི་ངོ་ཚ་ནས་དེ་ལ་འདི་སྐད་ཅེས་སྨྲས་སོ། །བདག་གིས་ཡང་དག་པར་ན་ཟ་བར་ནི་མ་བྱས་ཀྱི། བཀྲུས་ཏེ་དོར་སྙམ་
D119.052.0189b03.01མོ། །མཁས་པ་དེས་སྨྲས་པ། ཁྱོད་ནི་ཤིན་ཏུ་ཡང་གླེན་ཏེ་ཕྱིར་དོར་བར་བསམས་ན་བླང་བའི་མི་རིགས་སོ་ཞེས་སྨྲས་སོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་སྟེ། སྐྱེ་བའི་ཕྱོགས་མི་ལེན་མི་སྤོང་སྟེ། ཅི་ལྟར་མཁས་པ་ཁྱེའུ་དེ་ལ་སྤྱོས་པ་
D119.052.0189b04.01བཞིན་ནོ། །བུས་པ་མ་རབས་ནི་སྐྱེ་བ་ནི་འདོད་ཀྱི། འཆི་བ་མི་འདོད་དེ་ཁྱེའུ་དེས་ཤིང་ཏོག་བླངས་ནས་དོར་བ་དང་འདྲའོ། །འོད་སྲུང་གཞན་ཡང་འདི་ལྟ་སྟེ་དཔེར་ན་ལམ་གྱི་བཞི་མདོར་མི་ཞིག་སྣོད་བཟང་པོའི་ནང་དུ་ཁ་ཟས་བྲོ་དང་། བསུང་དང་། ཁ་དོག་དང་ལྡན་པ་འཚོང་བ་ལ། ལམ་
D119.052.0189b05.01རིང་པོ་ནས་འོངས་པའི་མི་བཀྲེས་པ་ཉམ་ཆུང་ལ་ངལ་བ་ཞིག །ཁ་ཟས་དེ་བྲོ་བསུང་དང་། ཁ་དོག་ཏུ་ལྡན་པ་དེ་མཐོང་ནས་དྲུང་དུ་བསྙེན་ཏེ་འདི་ཅི་ཡིན་ཞེས་འདྲིའོ། །ཟས་ཀྱི་བདག་པོ་དེས་སྨྲས་པ། འདི་ནི་ཁ་ཟས་ཀྱི་མཆོག་བྲོ་བསུང་དང་ཁ་དོག་ཏུ་ལྡན་པ་ཡིན་ཏེ། གང་གིས་འདི་
D119.052.0189b06.01ཟོས་ན་མདོག་དང་སྟོབས་ཀྱང་སྐྱེ་ཞིང་བཀྲེས་པ་དང་སྐོམ་པ་ཡང་སེལ་ལ། ལྷ་རྣམས་ཀྱང་མཐོང་བར་འགྱུར་ཏེ། སྐྱོན་སྣ་གཅིག་ཅིག་ཡོད་དེ། དེ་ནི་འཆི་བར་འགྱུར་བའོ། །མི་དེས་དེ་སྐད་ཅེས་ཐོས་ནས་འདི་སྙམ་དུ་བདག་མདོག་དང་སྟོབས་ཀྱང་དགོས། ལྷ་མཐོང་བ་དང་ཤི་བ་
D119.052.0189b07.01