完整藏文原文 · 德格版页 当前仅加载第 52 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། བདག་གི་ཁར་ལྕགས་ཀྱི་ཐུ་ལུམ་མིད་ཀྱང་བླའི། ཚུལ་ཁྲིམས་ཉམས་པའི་ཁ་འདིས་ནམ་དུ་ཡང་སྦྱིན་བདག་དད་པས་བྱིན་པའི་ཁ་ཟས་མི་ཟའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་དུ་དམ་འཆའ་སྟེ། བདག་གི་ལུས་འདི་ལྕགས་ཤིན་ཏུ་ཚ་བའི་
D119.052.0182b01.01སྟེང་དུ་ཉལ་ཡང་བླའི། ཚུལ་ཁྲིམས་ཉམས་པའི་ལུས་ཀྱིས་ནམ་དུ་ཡང་སྦྱིན་བདག་དད་པས་བྱིན་པའི་ཁྲི་སྟན་ལ་མི་ཉལ་ལོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་འཆའ་སྟེ། བདག་གི་ལུས་ལ་མཚོན་ཤག་ཏི་སུམ་བརྒྱས་བཙུགས་ཀྱང་བླའི།
D119.052.0182b02.01ཚུལ་ཁྲིམས་ཉམས་པའི་ལུས་ཀྱིས་ནམ་དུ་ཡང་སྦྱིན་བདག་དད་པས་བྱིན་པའི་ནད་ཀྱི་རྐྱེན་སྨན་མི་བཏུང་ངོ་། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་འཆའ་སྟེ། བདག་གི་ལུས་འདི་ཤིན་ཏུ་ཁོལ་བའི་ཟངས་པོ་ཆེར་བསྐོལ་ཀྱང་བླའི། ཚུལ་
D119.052.0182b03.01ཁྲིམས་ཉམས་པའི་ལུས་ཀྱིས་སྦྱིན་བདག་དད་པས་བྱས་པའི་གནས་ཁང་དུ་མི་འདུག་གོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་འཆའ་སྟེ། གལ་ཏེ་ལྕགས་ཀྱི་ཐོ་བས་མགོ་ནས་རྐང་གི་བར་དུ་བརྡུངས་ཏེ་རྡུལ་དུ་གྱུར་ཀྱང་བླའི། ཚུལ་
D119.052.0182b04.01ཁྲིམས་ཉམས་པའི་ལུས་ཀྱིས་རྒྱལ་རིགས་དང་བྲམ་ཟེ་དང་ཁྱིམ་བདག་གི་རིམ་གྲོ་དང་ཕྱག་བྱ་བ་མི་འདོད་དོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་འཆའ་སྟེ། ལྕགས་ཀྱི་ཐུར་མ་ཤིན་ཏུ་ཚ་བས་མིག་གཉིས་བྲུས་ཀྱང་བླའི། འདོད་
D119.052.0182b05.01ཆགས་ཀྱི་སེམས་ཀྱིས་ཕ་རོལ་གྱི་གཟུགས་བཟང་པོ་ལ་མི་ལྟའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་འཆའ་སྟེ། ཇི་སྟེ་སྨྱུང་མང་པོས་རྣ་བའི་དབང་པོ་གཙགས་ཀྱང་བླའི། འདོད་ཆགས་དང་བཅས་པའི་སེམས་ཀྱིས་སྒྲ་སྙན་པ་མི་
D119.052.0182b06.01མཉན་ནོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འདི་སྐད་ཅེས་དམ་འཆའ་སྟེ། གྲི་རྣོན་པོས་སྣ་བཅད་ཀྱང་བླའི། འདོད་ཆགས་ཀྱི་སེམས་ཀྱིས་དྲི་ཞིམ་པོ་ལ་མི་སྣོམ་མོ། །རིགས་ཀྱི་བུ་གཞན་ཡང་བྱང་ཆུབ་སེམས་
D119.052.0182b07.01