完整藏文原文 · 德格版页 当前仅加载第 52 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དེ་ལྟར་དེ་བཞིན་གཤེགས་པ་དེ་ཡང་དེ་དང་འདྲ་སྟེ། གློ་གཡས་པ་ཕབ་ནས་གཟིམས་ཏེ། ཅང་མི་གསུང་བར་གྱུར་པས་འཛམ་བུའི་གླིང་འདི་ན་སྐྱེ་བོ་བླུན་པོ་དག་འདི་སྙམ་དུ་སེམས་པར་འགྱུར་རོ། །དེ་བཞིན་གཤེགས་པ་ཡང་དག་པར་
D119.052.0171a01.01རྫོགས་པའི་སངས་རྒྱས་ངེས་པར་མྱ་ངན་ལས་འདས་ཏེ་འགོག་པ་ཟད་པའི་འདུ་ཤེས་སྐྱེད་དོ། །དེ་བཞིན་གཤེགས་པ་ཉིད་ནི་མཐར་ཡོངས་སུ་མྱ་ངན་ལས་འདའ་བ་ཡང་མ་མཆིས་སོ། །དེ་ཅིའི་སླད་དུ་ཞེ་ན། དེ་བཞིན་གཤེགས་པ་ནི་རྟག་པ་མི་འགྱུར་མི་འཕོ་བའི་ཕྱིར་རོ། །དེའི་
D119.052.0171a02.01རྒྱུ་དེའི་རྐྱེན་གྱིས་ང་འདི་ལྟར་རྒྱབ་ནའོ་ཞེས་གསུངས་པའི་མི་རིགས་སོ། །བཅོམ་ལྡན་འདས་གཞན་ཡང་འཇིག་རྟེན་ན་ནད་པ་ཁ་ཅིག་ནི་ཤིན་ཏུ་སྐེམ་ཞིང་རིད་པས་གན་རྐྱལ་ལམ། གློས་ཉལ་ནས་ལྡང་མི་ནུས་ཏེ། དེའི་ཚེ་འཁོར་རྣམས་ཀྱང་དེ་ལ་མི་འདོད་པའི་སེམས་སྐྱེས་ནས་
D119.052.0171a03.01གདོན་མི་ཟ་བར་འཆི་བར་འདུ་ཤེས་སོ། །དེ་བཞིན་གཤེགས་པ་ཡང་དེ་དང་འདྲ་སྟེ། མུ་སྟེགས་ཅན་རྣམ་པ་དགུ་བཅུ་རྩ་ལྔ་པོ་མི་འདོད་དེ་མྱ་ངན་ལས་འདའ་བར་འདུ་ཤེས་སོ། །མུ་སྟེགས་ཅན་དག་འདི་སྐད་དུ་བདག་ཅག་ལ་སོགས་པ་ནི་བདག་ཅེས་བྱ་བ་དང་། བདག་པོ་དང་།
D119.052.0171a04.01དུས་དང་། རྡུལ་ཕྲ་མོ་ལ་སོགས་པའི་ཆོས་ཀྱིས་རྟག་པར་གྱུར་པས་འགྱུར་ཞིང་འཕོ་བ་མེད་ཀྱི། དགེ་སྦྱོང་གཽ་ཏ་མ་ནི་མི་རྟག་པས་ཕྲོགས་ནས་འགྱུར་ཞིང་འཕོ་བའི་ཆོས་ཅན་དུ་གྱུར་ཏོ་ཞེས་སྨྲའོ། །དེ་བས་ན་བཅོམ་ལྡན་འདས་ཅང་མི་གསུང་བར་གློ་གཡས་པ་ཕབ་སྟེ་གཟིམས་
D119.052.0171a05.01པའི་མི་རིགས་སོ། །བཅོམ་ལྡན་འདས་གཞན་ཡང་འཇིག་རྟེན་ན་ནད་པ་དག་ནི་ཆེན་པོ་བཞི་ཉམས་ནས་ཤས་མི་མཉམ་པ་ལ་ཤིན་ཏུ་རིད་ཅིང་སྐེམ་པར་གྱུར་ཏེ། དེ་བས་ན་ཡིད་བཞིན་དུ་ལྡང་བ་དང་འདུག་པ་མི་ནུས་ཏེ་ཉལ་བ་ལགས་ན་དེ་བཞིན་གཤེགས་པ་ནི་ཆེན་པོ་བཞི་
D119.052.0171a06.01ཡང་མི་མཉམ་པ་མ་མཆིས་ལ། སྐུའི་མཐུ་དང་ཡང་ལྡན། ཉམས་རིད་པ་ཡང་མ་མཆིས་ཏེ། བཅོམ་ལྡན་འདས་ཁྱུ་མཆོག་ཆུང་ངུ་བཅུའི་སྟོབས་ནི་ཁྱུ་མཆོག་ཆེན་པོ་གཅིག་གི་སྟོབས་སུ་མ་མཆིས། ཁྱུ་མཆོག་ཆེན་པོ་བཅུའི་སྟོབས་ཀྱང་ཁྱུ་མཆོག་ཆེན་པོ་སྔོན་པོ་
D119.052.0171a07.01