完整藏文原文 · 德格版页 当前仅加载第 52 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྨོས་ཀྱང་ཅི་དགོས། འོད་སྲུང་དཔེར་བསྟན་པ་འདི་དག་དང་། གཞན་ཡང་དཔེ་ཚད་མེད་གྲངས་མེད་པའི་སྒོ་ནས་སྐྱེ་བ་འདི་ནི་སྡུག་བསྔལ་ཆེན་པོ་ཡིན་པར་རིག་པར་བྱའོ། །འོད་སྲུང་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཐེག་པ་ཆེན་པོ་ཡོངས་སུ་མྱ་ངན་འདས་
D119.052.0190b01.01པའི་མདོ་ལས་སྐྱེ་བའི་སྡུག་བསྔལ་རྟོགས་པ་ཞེས་བྱའོ། །འོད་སྲུང་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་ལས་རྒ་བའི་སྡུག་བསྔལ་རྟོགས་པ་ཞེ་ན། རྒས་ཞེས་བྱ་བ་ནི་སྐྱུག་བྲོ་བ་ལུ་བ། དཔའ་བ་དང་
D119.052.0190b02.01ཉམ་རྩལ་འཕྲོག་པ། དྲན་པ་དང་། བརྩོན་པ་དང་། འཛིན་པ་དང་། གཞོན་དར་བ་དང་། རབ་ཏུ་བདེ་བ་དང་། ང་རྒྱལ་དང་། རྒྱགས་འཆོས་པ། བདེ་བ་ལ་ཡིད་བཞིན་དུ་སྤྱོད་པ་ཀུན་མ་རུང་བར་བྱེད་དེ། དེ་ལས་བཟློག་ནས་ལེ་ལོ་དང་། སྙོམ་ལས་ཆེ་བ་དང་།
D119.052.0190b03.01གཞན་གྱིས་བརྙས་པར་འགྱུར་བར་བྱེད་དོ། །འོད་སྲུང་འདི་ལྟ་སྟེ་དཔེར་ན་རྫིང་བུའི་ནང་ན་པད་མོས་ཡོངས་སུ་གང་སྟེ་འདབ་མ་རྒྱས་ན། ཁ་དོག་འཚེར་བས་ཐམས་ཅད་ཀྱི་ཡིད་དུ་འོང་སྟེ་འདོད་དོ། །གལ་ཏེ་སེར་བ་བབ་ན་ཐམས་ཅད་བཅོམ་སྟེ་མ་རུང་བར་བྱེད་དོ། །རིགས་ཀྱི་
D119.052.0190b04.01བུ་རྒ་བ་ཡང་དེ་དང་འདྲ་སྟེ། གཞོན་དར་བའི་མདོག་བཟང་པོ་མ་རུང་བར་བྱེད་དོ། །འོད་སྲུང་གཞན་ཡང་འདི་ལྟ་སྟེ་དཔེར་ན། རྒྱལ་པོ་ཞིག་ལ་བློན་པོ་མཛངས་པ་བློ་དང་ལྡན་པ་དགྲ་ཆོས་ལ་མཁས་པ་ཞིག་ཡོད་དེ། རྒྱལ་ཕྲན་གཞན་ཞིག་དེ་ལ་སྡོ་སྟེ་མི་ཉན་ན། རྒྱལ་པོ་
D119.052.0190b05.01དེས་བློན་པོ་དེ་ལ་ཕ་རོལ་གྱི་རྒྱལ་ཕྲན་དེ་ཟུང་ཤིག་ཅེས་བསྒོ་ན་དེས་ཁྲིད་དེ་འོང་ངོ་། །རྒས་པ་ཡང་དེ་དང་འདྲ་སྟེ། གཞོན་དར་བ་བཟུང་ནས་འཆི་བདག་གི་རྒྱལ་པོ་ལ་འབུལ་ལོ། །འོད་སྲུང་གཞན་ཡང་འདི་ལྟ་སྟེ་དཔེར་ན། ཤིང་རྟའི་སྲོག་ཤིང་ཆག་ན་སྤྱད་དུ་མི་རུང་ངོ་། །རྒས་པ་
D119.052.0190b06.01ཡང་དེ་དང་འདྲ་སྟེ་ཅིར་ཡང་མི་རུང་ངོ་། །འོད་སྲུང་གཞན་ཡང་འདི་ལྟ་སྟེ་དཔེར་ན། ཁྱིམ་བདག་ཕྱུག་པོ་ཞིག་ལ་གསེར་དང་། དངུལ་དང་། བཻ་དཱུརྱ་དང་། བྱི་རུ་དང་། ཨ་སྨ་གར་བྷ་དང་། མུ་ས་ལ་གལ་བྷ་མང་དུ་ཡོད་པའི་ཁྱིམ་དུ་རྐུན་པོའམ། མི་རྒོད་མང་པོ་འོངས་ན་ཐམས་
D119.052.0190b07.01