完整藏文原文 · 德格版页 当前仅加载第 52 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། སངས་རྒྱས་ཀྱི་ཆོས་ལས་ཡི་གེ་འབྲུ་གཅིག་དང་། གཉིས་དང་། ཚིག་གཅིག་དང་། གཉིས་བཟུང་སྟེ་བཤད་ནས་ངའི་གཞུང་ལ་དོན་འདི་ལྟ་བུ་ཡོད་དོ་ཞེས་ཟེར་རོ། །དེ་ནས་དེའི་ཚེ་གྲོང་ཁྱེར་རྩྭ་མཆོག་སཱ་ལའི་ཤིང་དྲུང་ན་འཁོར་མང་པོ་ཚད་མེད་མཐའ་ཡས་པ་སྙེད་ཀྱིས་དེ་སྐད་
D119.052.0296b01.01དུ་སྨྲས་པ་ཐོས་ནས་ཐམས་ཅད་ཀྱིས་འདི་སྐད་དུ་འཇིག་རྟེན་སྟོངས་སོ་འཇིག་རྟེན་སྟོངས་སོ་ཞེས་སྨྲས་སོ། །བྱང་ཆུབ་སེམས་དཔའ་འོད་སྲུང་གིས་འཁོར་མང་པོ་རྣམས་ལ་སྨྲས་པ། ཁྱེད་རེ་ཞིག་ངུད་མོ་དང་མི་དགའ་བར་མ་བྱེད་ཅིག །འཇིག་རྟེན་མི་སྟོངས་ཀྱིས། དེ་བཞིན་གཤེགས་
D119.052.0296b02.01པ་ནི་མི་འགྱུར། མི་འཕོ་བར་རྟག་ཏུ་གནས་ཏེ། ཆོས་དང་། དགེ་འདུན་ཡང་དེ་བཞིན་ནོ། །དེ་ནས་འཁོར་མང་པོ་དེ་དག་གིས་དེ་སྐད་ཅེས་སྨྲས་པ། ཐོས་ནས་ངུད་མོ་བཏང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །དེའི་ཚེ་རྒྱལ་པོའི་ཁབ་ན་
D119.052.0296b03.01རྒྱལ་པོ་མ་སྐྱེས་དགྲ་ཞེས་བྱ་བ། རང་བཞིན་གྱིས་ཁྲོ་ལ་གཏུམ་པ། སེམས་ཅན་གྱི་སྲོག་གཅོད་པ་ལ་དགའ་བ། ངག་མི་དགེ་བའི་ལས་བཞི་པོ་རྫོགས་པར་བྱེད་པ། འདོད་ཆགས་དང་། ཞེ་སྡང་དང་། གཏི་མུག་གི་སེམས་ཤིན་ཏུ་མཆེད་པ། ད་ལྟར་གྱི་འབའ་ཞིག་ལ་ལྟའི། ཕྱི་མ་མ་
D119.052.0296b04.01འོངས་པའི་དུས་མི་མཐོང་བ། འཁོར་ཤིན་ཏུ་ངན་པ་ལ་བརྟེན་པ། ད་ལྟར་གྱི་འདོད་པ་ལྔ་ལ་ཆགས་པས་རྒྱལ་པོས་ཡབ་ཀྱང་ཉེས་པ་མེད་པར་བསད་དོ། །དེ་ལྟར་ཕ་བསད་པས་འགྱོད་པའི་སེམས་སྐྱེས་ནས་མྱ་ངན་གྱིས་གདུངས་པས་ལུས་ཀྱི་རྒྱན་རྣམས་དང་། རོལ་མོ་ཡང་
D119.052.0296b05.01བཏང་ངོ་། །འགྱོད་པའི་སེམས་ཀྱིས་གདུངས་པས་ལུས་ཁྱབ་པར་འབྲུམ་བུ་མང་པོ་བྱུང་ངོ་། །འབྲུམ་བུ་ཡང་བསྙེན་མི་བཟོད་པ་ཙམ་དུ་མནམ་པས་དེ་འདི་སྙམ་དུ་བསམས་སོ། །བདག་གི་ལས་ནི་འཕྲལ་དུ་ཡང་རྣམ་པར་སྨིན་ལ། སེམས་ཅན་དམྱལ་བའི་རྣམ་པར་སྨིན་
D119.052.0296b06.01པ་ཡང་རིང་པོ་མི་ཐོགས་སོ། །སྙམ་སེམས་པར་གྱུར་ཏོ། །དེ་ནས་རྒྱལ་པོ་མ་སྐྱེས་དགྲའི་མ་ལུས་འཕགས་མས་སྨན་རྣམ་པ་སྣ་ཚོགས་ཀྱིས་བསྐུས་ཀྱང་འབྲུམ་བུ་ཕྱི་ཕྱིར་མཆེད་ཀྱིས་ཕན་པར་མ་གྱུར་ཏོ། །རྒྱལ་པོས་མ་ལ་སྨྲས་པ། འབྲུམ་བུ་འདི་ནི་བདག་གི་བསམ་པའི་
D119.052.0296b07.01