完整藏文原文 · 德格版页 当前仅加载第 52 函德格 338b 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཇིགས་པ་མེད་པ་ལ་བཀའ་སྩལ་པ། རིགས་ཀྱི་བུ་ཅི་དང་ཅི་འདོད་པ་དྲིས་ཤིག་དང་། ངས་དེ་དང་དེའི་ལུང་བསྟན་ཅིང་བཤད་པར་བྱའོ། །དེ་ནས་བྱང་ཆུབ་སེམས་དཔའ་འཇིགས་པ་མེད་པ་
D119.052.0338b01.01འཁོར་བྱང་ཆུབ་སེམས་དཔའ་དྲུག་ཁྲི་བཞི་སྟོང་རྣམས་དང་། ཅིག་ཅར་འདུག་པ་སྟན་ལས་ལངས་ནས་གོས་ཚགས་བཅོས་ཏེ། པུས་མོ་ས་ལ་བཙུགས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཞིང་འདིའི་
D119.052.0338b02.01སེམས་ཅན་དག་ལས་ཅི་ཞིག་བགྱིས་ན། མི་གཡོ་བའི་འཇིག་རྟེན་གྱི་ཁམས་སུ་སྐྱེ་བར་འགྱུར། ཞིང་དེའི་བྱང་ཆུབ་སེམས་དཔའ་དག་ནི་ཅིའི་སླད་དུ། ཤེས་རབ་དང་ལྡན་ཞིང་མིའི་ནང་ན་བལ་གླང་གི་རྒྱལ་པོ་ལྟ་བུར་གཟི་བརྗིད་ཆེ་བ་དང་། རྣལ་འབྱོར་དུ་སྤྱོད་པ་
D119.052.0338b03.01དང་ལྡན་ཞིང་ཤེས་རབ་རྣོ་ཞིང་མྱུར་ཏེ་ཐོས་མ་ཐག་ཏུ་རྟོགས་པར་འགྱུར། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། སེམས་ཅན་སྲོག་དག་མི་གཅོད་ཅིང་། །ཚུལ་ཁྲིམས་སྡོམ་པ་རབ་བསྡམས་ཏེ། །སངས་རྒྱས་དམ་པའི་བཀའ་སྤྱོད་ན། །མི་
D119.052.0338b04.01གཡོ་ཞིང་དེར་སྐྱེ་བར་འགྱུར། །གཞན་གྱི་ནོར་དག་མི་འཕྲོག་ཅིང་། །རྟག་ཏུ་ཀུན་ལ་སྦྱིན་བྱེད་དེ། །དགེ་འདུན་འགྲོན་པའི་གནས་འཆའ་ན། །མི་གཡོ་ཞིང་དེར་སྐྱེ་བར་འགྱུར། །གཞན་གྱི་བུད་མེད་མི་ཚོལ་ཞིང་། །བདག་གི་ཆུང་མས་ཆོག་ཤེས་ལ། །མལ་ཆ་
D119.052.0338b05.01ཚུལ་ཁྲིམས་སྲུང་བྱེད་ན། །མི་གཡོ་ཞིང་དེར་སྐྱེ་བར་འགྱུར། །བདག་དང་གཞན་གྱི་ཁེ་ཚོལ་ཕྱིར། །སྡིགས་མོས་སྐྲག་པར་མི་བྱེད་ཅིང་། །ངག་སྡོམ་རྫུན་དུ་མི་སྨྲ་ན། །མི་གཡོ་ཞིང་དེར་སྐྱེ་བར་འགྱུར། །དགེ་བའི་བཤེས་དང་མི་འབྲལ་ཞིང་། །སྡིག་པའི་
D119.052.0338b06.01གྲོགས་པོ་རབ་སྤངས་ཏེ། །རྟག་ཏུ་འདུམ་པའི་ཚིག་སྨྲ་ན། །མི་གཡོ་ཞིང་དེར་སྐྱེ་བར་འགྱུར། །ཇི་ལྟར་བྱང་ཆུབ་སེམས་དཔའ་ལྟར། །རྟག་ཏུ་ཚིག་རྩུབ་སྤངས་པས་ན། །སྨྲས་པ་ཐོས་པར་དགའ་བ་ནི། །མི་གཡོ་ཞིང་དེར་སྐྱེ་བར་འགྱུར། །བཞད་གད་རྩེད་
D119.052.0338b07.01