完整藏文原文 · 德格版页 当前仅加载第 52 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་འབྱུང་ཞེས་བྱ་སྟེ་བདེན་པ་མ་ཡིན་ནོ། །བྱང་ཆུབ་སེམས་དཔའི་འདོད་པ་ནི་བདེན་པ་ཞེས་བྱ་སྟེ། ཀུན་འབྱུང་མ་ཡིན་ནོ། །དེ་ཅིའི་ཕྱིར་ཞེ་ན། སེམས་ཅན་བསྒྲལ་བའི་དོན་གྱི་ཕྱིར་སྐྱེ་བ་ལེན་གྱི། འདོད་པའི་ཕྱིར་སྐྱེ་བ་ལེན་པ་ནི་མ་ཡིན་ནོ། །བྱང་ཆུབ་སེམས་
D119.052.0201b01.01དཔའ་འོད་སྲུང་གིས་ཡང་བཅོམ་ལྡན་འདས་ལ་གསོལ་པ། སངས་རྒྱས་བཅོམ་ལྡན་འདས་ཀྱི་མདོ་སྡེ་གཞན་དག་ལས་སེམས་ཅན་དག་གི་ཕྱིར་ལས་ནི་རྒྱུ་དང་རྐྱེན་དུ་འགྱུར་རོ་ཞེས་གསུངས། བར་བར་ནི་ང་རྒྱལ་རྒྱུར་འགྱུར་རོ་ཞེས་གསུངས། བར་བར་ནི་རེག་བྱ་
D119.052.0201b02.01དྲུག་རྒྱུར་འགྱུར་རོ་ཞེས་གསུངས། བར་བར་ནི་མ་རིག་པ་ཕུང་པོ་ལྔར་འགྱུར་ཏེ། རྒྱུ་དང་རྐྱེན་དུ་འགྱུར་རོ་ཞེས་གསུངས་ན། དེ་ཅིའི་སླད་དུ་འཕགས་པའི་བདེན་པ་བཞི་ལས་འདོད་པའི་མཚན་ཉིད་འབའ་ཞིག་ཕུང་པོ་ལྔའི་རྒྱུར་འགྱུར་ཞེས་གསུངས། བཅོམ་ལྡན་འདས་
D119.052.0201b03.01ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱིས་སྨྲས་པ་བཞིན་ཏེ། རྒྱུ་དང་རྐྱེན་གཞན་དག་ཀྱང་རྒྱུར་མི་འགྱུར་བ་ནི་མ་ཡིན་མོད་ཀྱི། ཕུང་པོ་ལྔའི་རྒྱུ་ནི་མདོར་ན་འདོད་པ་ལས་གྱུར་ཏོ། །རིགས་ཀྱི་བུ་དཔེར་
D119.052.0201b04.01ན། རྒྱལ་པོ་ཆེན་པོ་གཤེགས་ན་བློན་པོ་ཆེན་པོ་འཁོར་དང་བཅས་ཏེ་རྗེས་སུ་འགྲོའོ། །འདོད་པ་ཡང་དེ་དང་འདྲ་སྟེ། འདོད་པ་གང་དུ་སྤྱོད་པའི་རྗེས་སུ་ཀུན་ནས་ཉོན་མོངས་པ་རྣམས་ཀྱང་རྗེས་སུ་འགྲོའོ། །དཔེར་ན་གོས་གང་དུ་སྣུམ་པ་དེར་རྡུལ་ཆགས་པ་
D119.052.0201b05.01བཞིན་དུ་འདོད་པ་ཡང་དེ་དང་འདྲ་སྟེ། གང་དུ་འདོད་པར་ལས་ཀྱི་ཉོན་མོངས་པ་ཡང་དེ་ལ་གནས་སོ། །རིགས་ཀྱི་བུ་གཞན་ཡང་འདི་ལྟ་སྟེ། དཔེར་ན་གང་དུ་བརླན་པའི་ས་ལ་ནི་མྱུ་གུ་སྐྱེའོ། །འདོད་པ་ཡང་དེ་དང་འདྲ་སྟེ། ལས་ཀྱི་ཉོན་མོངས་པའི་མྱུ་གུ་ཐམས་
D119.052.0201b06.01ཅད་སྐྱེ་བར་བྱེད་དོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པ་ལ་གནས་པ་དག་ནི་འདོད་པ་ལ་རྣམ་པ་དགུར་ཤིན་ཏུ་རྟོགས་སོ། །འདི་ལྟ་སྟེ་བུ་ལོན་མ་འཁོར་བ་ལྟ་བུ་དང་། ཆུང་མ་སྲིན་མོ་ལྟ་བུ་དང་།
D119.052.0201b07.01