完整藏文原文 · 德格版页 当前仅加载第 52 函德格 332b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱུང་ཞེས་གསོལ་ཏོ། །དེའི་ཚེ་དེ་བཞིན་གཤེགས་པ་ཅང་མི་གསུང་སྟེ་མ་བཤད་དོ། །བྱང་ཆུབ་སེམས་དཔའ་འོད་སྲུང་གིས་ཡང་འཇམ་དཔལ་ལ་ཅིའི་རྒྱུ་ཅིའི་རྐྱེན་གྱིས་འོད་འདིས་འཁོར་མང་པོ་སྣང་བར་འགྱུར་ཅེས་དྲིས་པ་དང་། འཇམ་དཔལ་ཡང་ཅང་མི་སྨྲ་སྟེ་
D119.052.0332b01.01ལན་མ་བཏབ་བོ། །དེ་ནས་བྱང་ཆུབ་སེམས་དཔའ་ལུས་དཔག་ཏུ་མེད་པས་ཡང་བྱང་ཆུབ་སེམས་དཔའ་འོད་སྲུང་ལ་འདི་སུ་ཡི་འོད་ཅེས་དྲིས་སོ། །བྱང་ཆུབ་སེམས་དཔའ་འོད་སྲུང་ཅང་མི་སྨྲ་སྟེ་ལན་མ་བཏབ་བོ། །བྱང་ཆུབ་སེམས་དཔའ་རྣམ་དག་གནས་པའི་རྒྱལ་བུས་
D119.052.0332b02.01བྱང་ཆུབ་སེམས་དཔའ་ལུས་དཔག་ཏུ་མེད་པ་ལ་ཅིའི་རྒྱུ་ཅིའི་རྐྱེན་གྱིས་འཁོར་མང་པོའི་ནང་ན་འོད་འདི་ཡོད་པར་འགྱུར་ཞེས་དྲིས་པ་དང་། བྱང་ཆུབ་སེམས་དཔའ་ལུས་དཔག་ཏུ་མེད་པ་ཡང་ཅང་མི་སྨྲ་སྟེ་ལན་མ་བཏབ་བོ། །དེ་བཞིན་དུ་བྱང་ཆུབ་སེམས་དཔའ་ལྔ་བརྒྱ་རྣམས་
D119.052.0332b03.01གཅིག་ལ་གཅིག་དེ་ལྟར་དྲིས་མོད་ཀྱི། གང་གིས་ཀྱང་ལན་བཏབ་པ་མེད་དོ། །དེ་ནས་བཅོམ་ལྡན་འདས་ཀྱིས་འཇམ་དཔལ་ལ་བཀའ་སྩལ་པ། འཇམ་དཔལ་ཅིའི་རྒྱུ་ཅིའི་རྐྱེན་གྱིས་འཁོར་མང་པོ་འདི་དག་གི་ནང་ན་འོད་འདི་སྣང་བར་གྱུར་ཅེས་བཀའ་སྩལ་པ་དང་།
D119.052.0332b04.01འཇམ་དཔལ་གྱིས་གསོལ་པ། བཅོམ་ལྡན་འདས་འོད་འདི་ནི་ཡེ་ཤེས་ལགས་ཏེ་ཡེ་ཤེས་ཞེས་བགྱི་བ་ནི་རྟག་ཏུ་གནས་པའི་ཆོས་ཅན་ནོ། །རྟག་ཏུ་གནས་པའི་ཆོས་ཅན་ལ་ནི་རྒྱུ་དང་རྐྱེན་མ་མཆིས་ན། ཅིའི་སླད་དུ་བཅོམ་ལྡན་འདས་ཀྱིས་ཅིའི་རྒྱུ་ཅིའི་རྐྱེན་གྱིས་འོད་
D119.052.0332b05.01འདི་བྱུང་བར་གྱུར་ཞེས་བཀའ་སྩལ། འོད་འདི་ནི་མྱ་ངན་ལས་འདས་པ་ཆེན་པོ་ཞེས་བགྱི་སྟེ། མྱ་ངན་ལས་འདས་པ་ཆེན་པོ་ཞེས་བགྱི་བ་ནི་རྟག་ཏུ་གནས་པའི་ཆོས་ཅན་ལགས་ཏེ། རྟག་ཏུ་གནས་པའི་ཆོས་ཅན་ནི་རྒྱུ་དང་རྐྱེན་ལས་མ་བྱུང་ན། ཅིའི་སླད་དུ་བཅོམ་ལྡན་
D119.052.0332b06.01འདས་ཀྱིས་ཅིའི་རྒྱུ་ཅིའི་རྐྱེན་གྱིས་འོད་འདི་ཡོད་པར་གྱུར་ཅེས་བཀའ་སྩལ། འོད་འདི་ནི་དེ་བཞིན་གཤེགས་པ་ཞེས་བགྱི་སྟེ། དེ་བཞིན་གཤེགས་པ་ཞེས་བགྱི་བ་ནི་རྟག་ཏུ་གནས་པའི་ཆོས་ཅན་ལགས་ཏེ། རྟག་ཏུ་གནས་པའི་ཆོས་ཅན་ནི་རྒྱུ་དང་རྐྱེན་ལས་
D119.052.0332b07.01