完整藏文原文 · 德格版页 当前仅加载第 52 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བདེ། རྒྱལ་པོས་སྨྲས་པ། ལུས་དང་སེམས་བདེ་བའི་གཏོལ་ག་ལ་ཞིག་ཡོད། བདག་སྡིག་པའི་བཤེས་གཉེན་ལ་བརྟེན་ནས་ངག་གིས་ཉེས་པ་མ་བརྟགས་པས་རྒྱལ་པོ་ཡབ་ཀྱང་བདག་གིས་བསད་པས་ན། བདག་ནི་གདོན་མི་ཟ་བར་སེམས་ཅན་དམྱལ་བར་ལྟུང་ཡང་བདག་ལ་མགོན་
D119.052.0303b01.01དང་སྐྱབས་སུ་འགྱུར་བ་མེད་དོ། །བློན་པོ་དེས་སྨྲས་པ། རྒྱལ་པོ་ཆེན་པོ་དེ་ལྟར་མྱ་ངན་མ་བྱེད་ཅིག །རྒྱལ་རིགས་ཞེས་བྱ་བ་ནི་རྒྱལ་པོའི་རིགས་ཡིན་ཏེ། གལ་ཏེ་རྒྱལ་པོའི་སྲིད་ཀྱི་ཕྱིར་རམ། དགེ་སློང་ངམ། བྲམ་ཟེའི་ཕྱིར་རམ། འགྲོ་བ་མང་པོ་ལ་བདེ་བར་བྱ་བའི་ཕྱིར་གསོད་པའི་ལས་བྱས་
D119.052.0303b02.01ཀྱང་ཁ་ན་མ་ཐོ་བའི་སྡིག་པ་མེད་དོ། །ཡབ་རྒྱལ་པོ་ནི་དགེ་སྦྱོང་ལ་བསྙེན་བཀུར་བྱེད་ཀྱང་། བྲམ་ཟེ་ལ་བསྙེན་བཀུར་མི་བྱེད་པས། སེམས་མ་སྙོམས་ཏེ། དེ་ལྟར་ན་སེམས་མ་སྙོམས་པས་ན་དེ་ནི་རྒྱལ་རིགས་མ་ཡིན་ནོ། །རྒྱལ་པོ་ཆེན་པོ་ནི་བྲམ་ཟེ་ལ་བསྙེན་བཀུར་བྱེད་པའི་ཕྱིར་རྒྱལ་པོ་སྔ་མ་
D119.052.0303b03.01བསད་ཀྱང་ཁ་ན་མ་ཐོ་བའི་ལས་མེད་དོ། །རྒྱལ་པོ་ཆེན་པོ་བསད་པ་ཞེས་བྱ་བ་ནི་ཡང་དག་པར་ན་མེད་པ་ཡིན་ནོ། །བསད་པ་ཞེས་བྱ་བའི་འཚོ་བའི་སྲོག་གཅོད་པ་ཡིན་ཏེ། དེ་ལ་འཚོ་བའི་སྲོག་ཅེས་བྱ་བ་ནི་དབུགས་ཞེས་བྱ་བ་ཡིན་ནོ། །དབུགས་ཞེས་བྱ་བ་ལ་ནི་གཅད་ཅིང་གསད་དུ་མེད་ན།
D119.052.0303b04.01ཅིའི་ཕྱིར་འཚོ་བ་བསད་པ་ལ་ཁ་ན་མ་ཐོ་བའི་སྡིག་ལས་སུ་འགྱུར། རྒྱལ་པོ་ཆེན་པོ་མྱ་ངན་མ་བྱེད་ཅིག །དེ་ཅིའི་ཕྱིར་ཞེ་ན། རྟག་ཏུ་མྱ་ངན་གང་བྱེད་པ། །མྱ་ངན་ཕྱིར་ཞིང་སྐྱེ་བར་འགྱུར། །ཇི་ལྟར་གཉིད་ལ་དགའ་བ་ཡང་། །ཕྱིར་ཞིང་དེ་བཞིན་གཉིད་ཆེར་འགྱུར། །དེ་བཞིན་འདོད་
D119.052.0303b05.01ཆགས་སྲེད་པ་དང་། །ཆང་དད་ཆེ་བའང་རིག་པར་བྱ། །རྒྱལ་པོ་གསུང་བ་ལྟར་འཇིག་རྟེན་ན་སྨན་པ་མཁས་པ་མེད་དོ་ཞེས་བྱར་མི་རུང་ངོ་། །ད་ལྟ་སྟོན་པ་ཆེན་པོ་གཅེར་བུ་པ་གཉེན་གྱི་བུ་ཐམས་ཅད་མཁྱེན་པ། ཐམས་ཅད་གཟིགས་པ། སེམས་ཅན་ཐམས་ཅད་ལ་བྱམས་བརྩེ་
D119.052.0303b06.01བ། སེམས་ཅན་ཐམས་ཅད་ཀྱི་དབང་པོ་རྣོ་རྟུལ་ལ་མཁས་པ། ཅི་དང་ཅི་རིགས་པའི་ཐབས་ཤིན་ཏུ་རྟོགས་པ། འཇིག་རྟེན་གྱི་ཆོས་བརྒྱད་ཀྱིས་མ་གོས་པ། ཚངས་པར་སྤྱོད་པ་ཤིན་ཏུ་རྣམ་པར་དག་པ། རབ་ཏུ་ཞི་བ་དང་ལྡན་པ་དེ་ད་ལྟར་ཉེ་གནས་རྣམས་ལ་འདི་སྐད་ཅེས་ཆོས་སྟོན་
D119.052.0303b07.01