完整藏文原文 · 德格版页 当前仅加载第 52 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གོམ་པ་དལ་ཡང་བྱི་ལ་བྱི་བ་ལ་འཇབ་པ་དང་མཚུངས་ཏེ། བདག་ནི་དགྲ་བཅོམ་པ་ཡིན་ནོ་ཞེས་རྟག་ཏུ་བརྗོད་ཀྱང་། ནད་དང་སྡུག་བསྔལ་དང་། གཉིད་དང་མི་གཙང་བས་གཟིར་ཏེ། ཕྱི་རོལ་གྱི་ཚུལ་འཆོས་ཀྱང་ནང་གི་སེམས་ནི་ཕྲག་དོག་དང་འདོད་པས་ཟིལ་གྱིས་ནོན་པས་ཆོས་
D119.052.0058b01.01ལོག་པ་ཅན་གྱི་བྲམ་ཟེ་ལ་སོགས་པ་དང་མཚུངས་སོ། །དགེ་སྦྱོང་མ་ཡིན་པར་དགེ་སྦྱོང་གི་གཟུགས་སུ་སྟོན་ཅིང་། ངན་པར་ལྟ་བ་བསྐྱེད་ནས་ཡང་དག་པའི་ཆོས་ལ་ཡང་སྐུར་པ་འདེབས་སོ། །གང་ཟག་དེ་དག་གིས་དེ་བཞིན་གཤེགས་པས་བཅས་པའི་ཚུལ་ཁྲིམས་དང་།
D119.052.0058b02.01འདུལ་བ་དང་། སྤྱོད་ལམ་དང་། རྣམ་པར་གྲོལ་བའི་འབྲས་བུ་བསྟན་པ་དང་། མ་བརྟགས་པའི་ཆོས་སྤང་བ་བསྟན་པ་ཡང་མ་རུང་བར་བྱས། དགོངས་ཏེ་གསུངས་པ་ཤིན་ཏུ་ཟབ་མོ་ཡང་མ་རུང་བར་བྱས་ནས། སོ་སོའི་རང་བཟོས་མདོ་སྡེ་དང་འདུལ་བ་བཤད་དེ། འདི་སྐད་དུ་དེ་
D119.052.0058b03.01བཞིན་གཤེགས་པས་བདག་ཅག་ཤ་ཟ་བར་གནང་ངོ་ཞེས་ཟེར་ཏེ། ཡི་གེར་བྲིས་ནས། སངས་རྒྱས་ཀྱིས་གསུངས་སོ་ཞེས་ཕན་ཚུན་དུ་རྩོད་ཅིང་སོ་སོ་ནས་བདག་ནི་དགེ་སྦྱོང་ཤཱཀྱའི་སྲས་སོ་ཞེས་སྒྲོགས་སོ། །རིགས་ཀྱི་བུ་དེའི་ཚེ་ན་གཞན་ཡང་དགེ་སྦྱོང་དག་འབྲུ་མང་དུ་{སྩོགས་,སོགས་}
D119.052.0058b04.01ཤིང་། ཉའི་ཤ་ལ་ལག་དར་ཏེ་སྤྱོད་དོ། །མར་གྱི་སྣོད་དང་། རིན་པོ་ཆེའི་གདུགས་དང་། ཀོ་ལྷམ་དག་འཆང་ཞིང་། རྒྱལ་པོ་དང་། བློན་པོ་དང་། ཁྱིམ་བདག་ལ་བརྟེན་ནས་མཚན་ལྟ་བ་དང་། སྐར་མ་ལྟ་བ་དང་། མོ་དང་སྨན་དཔྱད་དག་སློབ་ཅིང་། བྲན་ཕོ་དང་། བྲན་མོ་དང་། གསེར་
D119.052.0058b05.01དང་། དངུལ་དང་། མུ་ས་ལ་གར་བྷ་དང་། སྤུག་དང་། ཤེལ་དང་། མུ་ཏིག་དང་། བྱི་རུ་དང་། སྦུར་ལོང་དང་། ཤེལ་གྱི་སྣམ་བུ་དང་། དོ་ཤལ་ལ་སོགས་པ་དང་། ཤིང་ཏོག་རྣམ་པ་སྣ་ཚོགས་ལ་སྤྱོད་དེ། གཞན་ཡང་རྩལ་དང་། རི་མོ་དང་། འཇི་བ་ལ་སྤྱོད་པ་དང་། ཡི་གེ་སློབ་པའི་
D119.052.0058b06.01སློབ་དཔོན་དང་། ཞིང་རྨོ་བ་དང་། ཞིང་རྔ་བ་དང་། བྱད་སྟེམས་དང་། སྔགས་དང་སྨན་སྦྱོར་བ་དང་། གླུ་གར་དང་། རོལ་མོ་དང་། སྤོས་དང་། མེ་ཏོག་གིས་འཇོ་བ་དང་། ཨུག་ཤུད་དང་མིག་{མངས་,མང་}དང་། བཟོ་རྣམ་པ་སྣ་ཚོགས་སློབ་ཅིང་བྱེད་པ་དག་འབྱུང་ངོ་། །དགེ་སློང་གང་
D119.052.0058b07.01