完整藏文原文 · 德格版页 当前仅加载第 52 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པས་གསང་སྟེ་སྟོན་པར་གྱུར་ན་དེ་བཞིན་གཤེགས་པའི་ཐུགས་ནི་བྱམས་སྡང་མི་མངའ་ན་ཅིའི་སླད་དུ་བདག་ཅག་ལ་བསྟན་པར་མ་གྱུར། བཅོམ་ལྡན་འདས་ཡུན་དུ་བཞུགས་ཤིང་མྱ་ངན་ལས་མི་འདའ་བར་གསོལ་ལོ། །བཅོམ་ལྡན་འདས་
D119.052.0030a01.01དཔེར་ན་རྒན་པོ་འམ། གཞོན་ནུ་ཡང་རུང་ནད་ཀྱིས་སྡུག་བསྔལ་བར་གྱུར་ལ། ལམ་བཟང་པོ་སྤངས་ནས་ལམ་ཉམ་ང་བ་གཡང་ས་དང་བཅས་པ། ལམ་ངན་པར་ཞུགས་ན་ཤིན་ཏུ་སྡུག་བསྔལ་མྱོང་བར་འགྱུར་རོ། །དེ་ལ་མི་ཞིག་གིས་མཐོང་ནས་སྙིང་
D119.052.0030a02.01བརྩེ་བས་ལམ་ཉམ་ང་བ་མེད་པ་བཟང་པོ་བསྟན་ཏོ། །བཅོམ་ལྡན་འདས་བདག་ཅག་ཀྱང་དེ་དང་འདྲ་སྟེ། དེ་ལ་གཞོན་ནུ་ཞེས་བགྱི་བ་ནི་ཆོས་ཅན་གྱི་ལུས་མ་བསྐྱེད་པའི་དཔེའོ། །རྒན་པོ་ཞེས་བགྱི་བ་ནི་ཉོན་མོངས་པ་ཆེན་པོའི་དཔེའོ། །ན་བ་ནི་འཁོར་བ་ལས་
D119.052.0030a03.01མ་ཐར་བའི་དཔེའོ། །ལམ་གཡང་ས་དང་ལྡན་པ་ནི་སྲིད་པ་ཉི་ཤུ་ལྔ་པོའི་དཔེའོ། །བཅོམ་ལྡན་འདས་བདག་ཅག་ལ་བདུད་རྩིའི་ལམ་ཡང་དག་པར་བསྟན་ཅིང་མྱ་ངན་ལས་མི་འདའ་བར་འཇིག་རྟེན་ན་ཡུན་དུ་བཞུགས་པར་གསོལ་ལོ། །དེ་ནས་བཅོམ་ལྡན་
D119.052.0030a04.01འདས་ཀྱིས་དགེ་སློང་གི་དགེ་འདུན་རྣམས་ལ་བཀའ་སྩལ་པ། ཁྱོད་དགེ་སློང་དག་བྱིས་པ་མ་རབས་སམ། ལྷ་དང་མི་ལྟ་བུར་མྱ་ངན་དང་ངུ་བ་མ་བྱེད་པར་ཡང་དག་པར་དྲན་པ་ཉེ་བར་གཞག་པ་ལ་བརྩོན་འགྲུས་སུ་གྱིས་ཤིག །དེའི་ཚེ་ལྷ་དང་མི་དང་ལྷ་མ་ཡིན་ལ་
D119.052.0030a05.01སོགས་པས་བཅོམ་ལྡན་འདས་ཀྱིས་མ་ངུ་ཤིག་ཅེས་བཀའ་སྩལ་པ་ཐོས་ནས་དཔེར་ན་མི་ཞིག་བུ་ཤི་ནས་བུའི་ཤིད་བཏང་མ་ཐག་ཏུ་མ་ངུ་ཤིག་ཅེས་བསྒོ་བ་དང་མཚུངས་སོ། །དེ་ནས་བཅོམ་ལྡན་འདས་ཀྱིས་འཁོར་མང་པོ་དེ་དག་ལ་ཚིགས་སུ་བཅད་དེ་བཀའ་སྩལ་པ།
D119.052.0030a06.01ཁྱེད་རྣམས་སོ་སོར་སྤྲོ་སྐྱེད་ལ། །མྱ་ངན་ཆེན་པོ་མ་བྱེད་ཅིག །སངས་རྒྱས་རྣམས་ཀྱི་ཆོས་ཉིད་ཡིན། །དེ་བས་ཅང་མི་གསུང་བར་བཞུགས། །བག་ཡོད་སྤྱོད་ལ་མོས་པར་བྱ། །ཡང་དག་དྲན་པས་སེམས་ཀྱང་སྲུང་། །ཆོས་མ་ཡིན་པ་རབ་སྤངས་
D119.052.0030a07.01