完整藏文原文 · 德格版页 当前仅加载第 52 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་འདྲིའོ། །དེས་སྨྲས་པ། སོས་ཏེ་མི་བདེ་བ་མེད་ཅེས་ཟེར་རོ། །དེ་བཞིན་གཤེགས་པ་ཡང་དེ་དང་འདྲ་སྟེ་མཐར་སྲིད་པ་ཉི་ཤུ་ལྔ་པོ་དང་བྲལ་ནས་ཡོངས་སུ་མྱ་ངན་ལས་འདས་ཏེ། རབ་ཏུ་བདེ་བའི་གནས་སུ་ཕྱིན་པས་བསྐྱོད་དུ་མེད་ཟད་པ་དང་འགོག་པ་ཞེས་བྱ་བ་མེད་དེ།
D119.052.0084b01.01ཚོར་བ་ཐམས་ཅད་བཅད་པས་བདེ་བར་ཚོར་བ་མེད་པ་ཞེས་བྱའོ། །དེ་ལྟར་ཚོར་བ་མྱོང་བ་མེད་པ་ནི་རྟག་པ་བདེ་བ་ཞེས་བྱའོ། །གང་ཞིག་དེ་བཞིན་གཤེགས་པ་ལ་བདེ་བར་ཚོར་བ་ཡོད་ཅེས་བྱ་བ་དེ་ནི་གནས་མེད་དོ། །དེ་བས་ན་མཐར་བདེ་བ་ནི་མྱ་ངན་ལས་འདས་པའོ། །མྱ་
D119.052.0084b02.01ངན་ལས་འདས་པ་དེ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །འོད་སྲུང་གིས་ཡང་གསོལ་པ། མི་སྐྱེ་མི་འགོག་པ་རྣམ་པར་གྲོལ་བ་ལགས་སམ། དེ་དེ་བཞིན་ནོ་དེ་དེ་བཞིན་ནོ། །རིགས་ཀྱི་བུ་མི་སྐྱེ་མི་
D119.052.0084b03.01འགོག་པ་ནི་རྣམ་པར་གྲོལ་བའོ། །དེ་ལྟར་རྣམ་པར་གྲོལ་བ་ནི་དེ་བཞིན་གཤེགས་པའོ། །འོད་སྲུང་གིས་ཡང་གསོལ་པ། གལ་ཏེ་མི་སྐྱེ་མི་འགོག་པ་དེ་རྣམ་པར་གྲོལ་བ་ལགས་ན། ནམ་མཁའི་མཚན་ཉིད་ཀྱང་མི་སྐྱེ་མི་འགོག་ན། དེ་ཡང་དེ་བཞིན་གཤེགས་པ་ལགས་
D119.052.0084b04.01སམ། དེ་བཞིན་གཤེགས་པ་ནི་རྣམ་པར་གྲོལ་བ་མ་ལགས་སམ། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་ཀྱི་བུ་དེ་ལྟ་མ་ཡིན་ནོ། །ཅིའི་ཕྱིར་དེ་ལྟ་མ་ཡིན་ཞེ་ན། རིགས་ཀྱི་བུ་དཔེར་ན་བྱ་ཀ་ལན་ད་ཀ་དང་། འཚོ་བ་འཚོ་བྱེད་ནི་ཤིན་ཏུའང་སྐད་སྙན་པ་ཡིན་ན།
D119.052.0084b05.01ཁྭ་སྐེགས་ཀྱི་སྐད་དང་འདྲ་བའང་མ་ལགས་སོ། །བཅོམ་ལྡན་འདས་ཁྭ་སྐེགས་ནི་ཤིན་ཏུ་ཡང་སྐད་མི་སྙན་ཏེ། འཚོ་བ་འཚོ་བྱེད་དང་བསྐྲུན་དུ་མ་མཆིས་ཏེ། སྟོང་གི་ཆར་ཡང་བསྐྲུན་དུ་མ་མཆིས་སོ། །འོད་སྲུང་གིས་ཡང་གསོལ་པ། བྱ་ཀ་ལན་དཀ་ལ་སོགས་པ་ནི་སྐད་ཀྱང་ཤིན་
D119.052.0084b06.01ཏུ་སྙན་ལ། ལུས་ཀྱང་མི་འདྲ་ན་ཅིའི་སླད་དུ་དེ་བཞིན་གཤེགས་པས་ཁྭ་སྐེགས་ཀྱི་དཔེར་གསུངས། རི་རབ་ཀྱི་དཔེ་ཡུངས་ཀར་ལ་ལེན་པ་དང་མཚུངས་ཏེ། བཅོམ་ལྡན་འདས་དང་ནམ་མཁའ་ཡང་དེ་བཞིན་ནོ། །བྱ་ཀ་ལན་ད་ཀའི་སྐད་ནི་སངས་རྒྱས་བཅོམ་ལྡན་འདས་ཀྱི་གསུང་གི་
D119.052.0084b07.01