完整藏文原文 · 德格版页 当前仅加载第 52 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེད་རྣམས་ཤིན་ཏུ་བརྟགས་པར་ཉོན་ཏེ། གཞན་ལ་ཡང་རྒྱ་ཆེར་སྟོན་ལ་ཐེ་ཚོམ་དང་འཇིགས་པ་མ་སྐྱེད་ཅིག །བྱང་ཆུབ་སེམས་དཔའ་སེམས་དཔའ་ཆེན་པོ་གང་ཞིག་མྱ་ངན་ལས་འདས་པ་ཆེན་པོ་ལ་གནས་ན་རི་རབ་རིའི་རྒྱལ་པོ་ལྟར་མཐོ་ཞིང་ཆེ་བ་ཡུངས་ཀར་གྱི་འབྲུམ་བུ་
D119.052.0063a01.01གཅིག་གི་ནང་དུ་བཅུག་ཀྱང་རི་རབ་ལྷུན་པོ་ལ་གནས་པའི་སེམས་ཅན་དེ་དག་གཅིག་ལ་གཅིག་དོག་པ་འམ། ཕན་ཚུན་དུ་བསྐྱོད་པར་མི་ཤེས་སོ། །གང་འདུལ་བའི་རིགས་པ་དེ་དག་ནི་བྱང་ཆུབ་སེམས་དཔས་རི་རབ་ལྷུན་པོ་དེ་ཡུངས་ཀར་གྱི་ནང་དུ་བཅུག་ཀྱང་ཕྱིར་གནས་སུ་བཞག་པར་
D119.052.0063a02.01ཡང་མཐོང་ངོ་། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་ལས་འདས་པ་ཆེན་པོ་ལ་གནས་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡུངས་ཀར་གཅིག་གི་ནང་དུ་བཅུག་ཀྱང་དེ་ན་གནས་པའི་སེམས་ཅན་དག་གཅིག་ལ་གཅིག་དོག་
D119.052.0063a03.01པའམ། གནས་ཕན་ཚུན་དུ་བསྐྱོད་པར་མི་ཤེས་སོ། །གང་འདུལ་བའི་རིགས་པ་འབའ་ཞིག་གིས་ནི་བྱང་ཆུབ་སེམས་དཔས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡུངས་ཀར་གྱི་ནང་དུ་བཅུག་པ་དང་། ཕྱིར་བཞག་པར་ཡང་ཤེས་སོ། །རིགས་ཀྱི་བུ་གཞན་ཡང་
D119.052.0063a04.01བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་ལས་འདས་པ་ཆེན་པོ་ལ་གནས་པ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་བ་སྤུའི་བུ་ག་གཅིག་ཏུ་བཅུག་པ་ནས་ཕྱིར་གནས་སུ་བཞག་པའི་བར་དུ་རྒྱས་པར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་
D119.052.0063a05.01སེམས་དཔའ་ཆེན་པོ་མྱ་ངན་ལས་འདས་པ་ཆེན་པོ་ལ་གནས་པ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་བླངས་ཏེ། ཁབ་ཀྱི་རྩེ་མོ་ལ་བཞག་གམ། སངས་རྒྱས་ཀྱི་ཞིང་གཞན་དུ་འཕངས་ཀྱང་དེ་ན་གནས་པའི་སེམས་ཅན་ཐམས་ཅད་གང་ནས་འོངས་པ་དང་། གང་དུ་
D119.052.0063a06.01སོང་བ་མི་ཤེས་སོ། །གང་འདུལ་བའི་རིགས་པ་འབའ་ཞིག་གིས་ནི་མཐོང་བ་ནས་ཕྱིར་གནས་སུ་བཞག་པའི་བར་དུ་ཤེས་སོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་ལས་འདས་པ་ཆེན་པོ་ལ་གནས་པ་ནི་ཕྱོགས་བཅུའི་སྟོང་གསུམ་གྱི་སྟོང་
D119.052.0063a07.01