完整藏文原文 · 德格版页 当前仅加载第 52 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
མར་ཕྱུང་ངོ་སྙམ་མི་སེམས། མར་ཡང་འདི་ལྟར་བདག་གིས་མར་ཕྱུང་ངོ་སྙམ་མི་སེམས་ཏེ། རྐྱེན་མང་པོ་འདུས་པ་ལས་མར་བྱུང་བར་གྱུར་ཏོ། །དེ་བཞིན་གཤེགས་པ་ཡང་དེ་དང་འདྲ་སྟེ། འདི་ལྟར་ངས་ནི་ཆོས་ཀྱི་འཁོར་ལོ་བསྐོར་ཏོ་སྙམ་མི་དགོངས་སོ། །ཇི་ལྟར་མི་
D119.052.0222b01.01དགོངས་པ་དེ་ནི་ཆོས་ཀྱི་འཁོར་ལོ་ཡང་དག་པར་བསྐོར་བ་ཞེས་བྱ་སྟེ། ཆོས་ཀྱི་འཁོར་ལོ་བསྐོར་བ་དེ་ནི་དེ་བཞིན་གཤེགས་པ་ཞེས་བྱའོ། །རིགས་ཀྱི་བུ་དཔེར་ན་ས་བོན་དང་། ས་དང་། ཆུ་དང་། མེ་དང་། རླུང་དང་། རྨེད་དང་། དུས་དང་། ལས་སུ་བྱ་བ་ལས་མྱུ་གུ་སྐྱེ་
D119.052.0222b02.01བར་འགྱུར་རོ། །རིགས་ཀྱི་བུ་ས་བོན་ཡང་འདི་ལྟར་བདག་གིས་མྱུ་གུ་བསྐྱེད་དོ་སྙམ་མི་སེམས་པ་ནས་ལས་སུ་བྱས་པའི་བར་དུ་ཡང་འདི་ལྟར་བདག་གིས་མྱུ་གུ་བསྐྱེད་དོ། །སྙམ་དུ་མི་སེམས། མྱུ་གུ་ཡང་འདི་ལྟར་བདག་གིས་མྱུ་གུ་བསྐྱེད་དོ་སྙམ་མི་སེམས་སོ། །དེ་བཞིན་
D119.052.0222b03.01གཤེགས་པ་ཡང་དེ་དང་འདྲ་བར་ངས་ནི་ཆོས་ཀྱི་འཁོར་ལོ་བསྐོར་ཏོ་སྙམ་དུ་མི་དགོངས་ཏེ། རིགས་ཀྱི་བུ་གང་མི་དགོངས་པ་དེ་ནི་ཡང་དག་པར་ཆོས་ཀྱི་འཁོར་ལོ་བསྐོར་བ་ཞེས་བྱ་སྟེ་ཆོས་ཀྱི་འཁོར་ལོ་བསྐོར་བ་དེ་ནི་དེ་བཞིན་གཤེགས་པའོ། །རིགས་ཀྱི་བུ་དཔེར་
D119.052.0222b04.01ན་རྔ་ཡང་རྔ་ཤིང་དང་། ཀོ་བ་དང་། མིའི་ལག་པ་དང་། རྡུང་བ་འདུས་པ་ལས་སྒྲ་འབྱུང་སྟེ། རྔ་ཡང་འདི་ལྟར་བདག་གིས་སྒྲ་དབྱུང་ངོ་སྙམ་མི་སེམས་པ་ནས་རྡུང་བ་དང་། སྒྲའི་བར་དུ་ཡང་བདག་གིས་སྒྲ་ཕྱུང་ངོ་སྙམ་མི་སེམས་སོ། །དེ་བཞིན་གཤེགས་པ་ཡང་དེ་དང་
D119.052.0222b05.01འདྲ་བར་ངས་ནི་ཆོས་ཀྱི་འཁོར་ལོ་བསྐོར་ཏོ་སྙམ་མི་དགོངས་སོ། །རིགས་ཀྱི་བུ་གང་དེ་ལྟར་མི་དགོངས་པ་དེ་ནི་ཡང་དག་པར་ཆོས་ཀྱི་འཁོར་ལོ་བསྐོར་བ་ཞེས་བྱ་སྟེ། རིགས་ཀྱི་བུ་ཆོས་ཀྱི་འཁོར་ལོ་བསྐོར་བ་ནི་འདུས་མ་བྱས་པའོ། །འདུས་མ་བྱས་པ་ནི་ཆོས་ཀྱི་འཁོར་ལོ་བསྐོར་བའོ། །
D119.052.0222b06.01ཆོས་ཀྱི་འཁོར་ལོ་བསྐོར་བ་ནི་དེ་བཞིན་གཤེགས་པའོ། །རིགས་ཀྱི་བུ་ཆོས་ཀྱི་འཁོར་ལོ་བསྐོར་བ་ནི་སངས་རྒྱས་བཅོམ་ལྡན་འདས་ཀྱི་སྤྱོད་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱིས་ཤེས་པ་མ་ཡིན་ནོ། །རིགས་ཀྱི་བུ་ནམ་མཁའ་ནི་སྐྱེ་བ་མ་ཡིན། སྐྱེས་པ་མ་ཡིན། བྱེད་
D119.052.0222b07.01