完整藏文原文 · 德格版页 当前仅加载第 52 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བདག་ཡོད་པའི་རིགས་སོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། མི་འགྲོ། མི་སྡོད། མི་དགྱེ། མི་རྒུ། མི་བལྟ། མི་འཛུམ། སྡུག་བསྔལ་བ་མ་ཡིན། བདེ་བ་མ་ཡིན། འདོད་ཆགས་མ་ཡིན། ཞེ་སྡང་མ་ཡིན། གཏི་མུག་མ་ཡིན། སྤྱོད་པ་མ་
D119.052.0220b01.01ཡིན་ཏེ། དེ་ལྟར་ན་དེ་བཞིན་གཤེགས་པ་ནི་ཡང་དག་པའི་བདག་ཅེས་བྱ་བ་ཡོད་དོ། །གཞན་ཡང་རིགས་ཀྱི་བུ་ཅི་སྟེ་མུ་སྟེགས་ཅན་དག་ཕ་རོལ་པོས་ཤིང་ཐོག་སྐྱུར་མོ་ཟོས་ན། ཚུ་རོལ་གྱི་འགྲམ་ཆུ་ལངས་པ་ལས་བདག་ཡོད་པར་ཤེས་སོ་ཞེས་བྱར་ནི། རིགས་ཀྱི་བུ་དྲན་པ་ལས་
D119.052.0220b02.01མཐོང་ནས་འགྲམ་ཆུ་ལངས་ཏེ་འགྲམ་ཆུ་ནི་བདག་མ་ཡིན། བདག་ཀྱང་འགྲམ་ཆུ་མ་ཡིན་ནོ། །དགའ་བ་མ་ཡིན། མྱ་ངན་མ་ཡིན། གླལ་བ་མ་ཡིན། རྒོད་པ་མ་ཡིན། ལྷུང་བ་མ་ཡིན། སྐྱེ་བ་མ་ཡིན། སྐོམ་པ་མ་ཡིན། འགྲངས་པ་མ་ཡིན་ཏེ། དེ་བས་ན་ངེས་པར་བདག་མེད་
D119.052.0220b03.01པར་ཤེས་སོ། །རིགས་ཀྱི་བུ་མུ་སྟེགས་ཅན་དེ་དག་ནི་བུས་པ་ཆུང་ངུ་ཤེད་མ་བྱེ་བ་དང་འདྲ་སྟེ། ཤེས་པ་མེད་པ། ཐབས་མེད་པ། རྟོགས་པ་མེད་པ། རྟག་པ་དང་། མི་རྟག་པ་དང་། སྡུག་བསྔལ་བ་དང་། བདེ་བ་དང་། ཡོངས་སུ་དག་པ་དང་། ཡོངས་སུ་མ་དག་པ་དང་།
D119.052.0220b04.01བདག་དང་བདག་མེད་པ་དང་། ཚོར་བ་དང་ཚོར་བ་མ་ཡིན་པ་དང་། སེམས་ཅན་དང་སེམས་ཅན་མ་ཡིན་པ་དང་། བདེ་བ་དང་བདེ་བ་མ་ཡིན་པ་དང་། ཡོད་པ་དང་ཡོད་པ་མ་ཡིན་པ་མི་ཤེས་ཏེ། སངས་རྒྱས་ཀྱི་ཆོས་ལས་བག་དང་། ཆ་ཙམ་ཞིག་བླངས་ནས་རྟག་པ་དང་། བདེ་
D119.052.0220b05.01བ་དང་། བདག་དང་། ཡོངས་སུ་དག་པར་འཛིན་ཏེ། ཡང་དག་པར་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་མི་ཤེས་སོ། །དཔེར་ན་དམུས་ལོང་འོ་མའི་ཁ་དོག་མི་ཤེས་པས། གཞན་ལ་འོ་མའི་ཁ་དོག་ཅི་འདྲ་ཞེས་དྲིས་པ་ལས། ཕ་རོལ་པོས་དུང་གི་
D119.052.0220b06.01ཁ་དོག་འདྲའོ་ཞེས་བསྟན་ན། དམུས་ལོང་དེ་འོ་མའི་ཁ་དོག་ལ་དུང་གི་སྒྲ་འདྲ་བ་ཞིག་ཡིན་པར་འཛིན་ཏོ། །ཡང་དུང་གི་ཁ་དོག་ཅི་འདྲ་ཞེས་དྲིས་པ་ལས། འབྲས་ཕྱེ་འདྲའོ་ཞེས་སྨྲས་ན། དམུས་ལོང་དེ་དུང་གི་ཁ་དོག་ལ་ཤིན་ཏུ་འཇམ་པར་འཛིན་ཏོ། །ཡང་འདི་སྐད་
D119.052.0220b07.01