完整藏文原文 · 德格版页 当前仅加载第 52 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་གིས་འཇིག་ཅིང་འགོག་གོ། །དེ་ལྟར་སྐད་ཅིག་སྐད་ཅིག་གིས་འགོག་པས་གསོད་པ་དང་ཤི་བ་ཡང་སྐད་ཅིག་སྐད་ཅིག་གིས་འགོག་གོ། །དེ་ལྟར་སྐད་ཅིག་སྐད་ཅིག་གིས་འགོག་ན་སྡིག་པ་དེ་སུ་ཞིག་གིས་མྱོང་བར་འགྱུར། རྒྱལ་པོ་ཆེན་པོ་དཔེར་ན་མེས་ཤིང་ཚིག་ན་མེ་ལ་སྡིག་པ་མེད་དོ། །
D119.052.0302b01.01སྟ་རེས་ཤིང་བཅད་ན་སྟ་རེ་ལ་སྡིག་པ་མེད་དོ། །ཟོར་བས་རྩྭ་བརྔས་ན་ཟོར་བ་ལ་སྡིག་པ་མེད་དོ། །རལ་གྲིས་མི་བསད་ན་རལ་གྲི་མི་མ་ཡིན་ཏེ་རལ་གྲི་ལ་མི་སྡིག་ན་ཅིའི་ཕྱིར་མི་ལ་སྡིག་པར་འགྱུར། དུག་གིས་མི་བསད་ན་དུག་ཀྱང་མི་མ་ཡིན་ཏེ་དུག་ལ་མི་སྡིག་ན་མི་ལ་ཅིའི་ཕྱིར་སྡིག་སྟེ། དངོས་པོ་
D119.052.0302b02.01ཐམས་ཅད་ཀྱང་དེ་དང་འདྲ་བ་ཡིན་པས་ན་ཡང་དག་པར་བསད་པ་མེད་ན་ཅིའི་ཕྱིར་སྡིག་པར་འགྱུར། རྒྱལ་པོ་ཆེན་པོ་མྱ་ངན་མ་བྱེད་ཅིག །དེ་ཅིའི་ཕྱིར་ཞེ་ན། རྟག་ཏུ་མྱ་ངན་གང་བྱེད་པ། །མྱ་ངན་ཕྱིར་ཞིང་སྐྱེ་བར་འགྱུར། །ཇི་ལྟར་གཉིད་ལ་དགའ་བ་ཡང་། །ཕྱིར་ཞིང་དེ་བཞིན་གཉིད་ཆེར་
D119.052.0302b03.01འགྱུར། །དེ་བཞིན་འདོད་ཆགས་སྲེད་པ་དང་། །ཆང་དད་ཆེ་བའང་རིག་པར་བྱ། །རྒྱལ་པོ་གསུང་བ་ལྟར་འཇིག་རྟེན་ན་ངའི་ཁ་ན་མ་ཐོ་བའི་ལས་སྦྱོང་བའི་སྨན་པ་མཁས་པ་མེད་དོ་ཞེས་བྱ་བའི་མི་རིགས་སོ། །ད་ལྟར་སྟོན་པ་ཆེན་པོ་མི་ཕམ་སྐྲའི་ལ་བཞེས་བྱ་བ་ཐམས་ཅད་མཁྱེན་པ།
D119.052.0302b04.01ཐམས་ཅད་གཟིགས་པ། འཇིག་རྟེན་གསུམ་རིག་པ། སྐད་ཅིག་ཡུད་ཙམ་ཐང་ཅིག་གིས་འཇིག་རྟེན་གྱི་ཁམས་མཐའ་ཡས་གྲངས་མེད་པ་མཐོང་བ། ཐོས་པ་ཡང་དེ་དང་འདྲ་སྟེ། སེམས་ཅན་ཐམས་ཅད་ཀྱི་ཁ་ན་མ་ཐོ་བའི་ཉེས་པ་ཐམས་ཅད་ཡོངས་སུ་སྤོང་བར་བྱེད་པ་ནི་གང་གཱའི་
D119.052.0302b05.01ཀླུང་དང་འདྲ་བར་ཕྱི་ནང་གཉིས་ཀར་ཉེས་པའི་སྐྱོན་མེད་ཅིང་ཡོངས་སུ་དག་པ་དང་འདྲ་བའི་སྟོན་པ་ཆེན་པོ་ཡང་སེམས་ཅན་ཐམས་ཅད་ཀྱི་ཕྱི་ནང་གི་ཁ་ན་མ་ཐོ་བའི་ལས་ཐམས་ཅད་སེལ་བ། ད་ལྟར་ཉེ་གནས་རྣམས་ལ་འདི་སྐད་ཅེས་ཆོས་སྟོན་ཏོ། །དེ་ལ་གང་ཞིག་སེམས་ཅན་ཐམས་
D119.052.0302b06.01ཅད་བསད་ཀྱང་ཁྲེལ་བ་དང་འཛེམ་པའི་སེམས་མེད་ན། དེ་ནི་ནམ་དུ་ཡང་སེམས་ཅན་དམྱལ་བར་མི་ལྟུང་སྟེ། ཇི་ལྟར་ན་མ་མཁའ་ལ་རྡུལ་དང་ཆུ་མི་ཆགས་པ་བཞིན་ནོ། །གང་ཁྲེལ་ཞིང་འཛེམ་པ་དང་ལྡན་པ་ནི་སེམས་ཅན་དམྱལ་བར་ལྟུང་བར་འགྱུར་ཏེ། དཔེར་ན་ཆུ་ཆེན་པོས་ས་ཐམས་
D119.052.0302b07.01