完整藏文原文 · 德格版页 当前仅加载第 52 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལ་ནི་བདག་དང་བདག་མེད་པ་སྟོན་ཏོ། །ལ་ལ་ནི་སྡུག་བསྔལ་བ་དང་བདེ་བའི་ཆོས་གཉིས་པོ་སྟོན་ཏོ། །ལ་ལ་ནི་རྟག་པ་དང་མི་རྟག་པ་སྟོན་ཏོ། །ལ་ལ་ནི་གཙང་བ་དང་མི་གཙང་བ་སྟོན་ཏོ། །བཅོམ་ལྡན་འདས་ལ་ལ་ནི་བྱང་ཆུབ་སེམས་དཔའ་རྣམས་ལ་ཕ་རོལ་ཏུ་
D119.052.0174b01.01ཕྱིན་པ་དྲུག་སྟོན་ཏོ། །ལ་ལ་ནི་བྱང་ཆུབ་སེམས་དཔའི་ཡོན་ཏན་གང་ཡིན་པ་སྟོན་ཏོ། །ལ་ལ་ནི་སངས་རྒྱས་བཅོམ་ལྡན་འདས་ཀྱི་ཡོན་ཏན་གང་ཡིན་པ་སྟོན་ཏོ། །ལ་ལ་ནི་ཉན་ཐོས་ཀྱི་ཡོན་ཏན་གང་ཡིན་པ་སྟོན་ཏོ། །ལ་ལ་ནི་ཐེག་པ་གཅིག་པ་བརྩམས་ཏེ་སྟོན་ཏོ། །
D119.052.0174b02.01ལ་ལ་ནི་ཐེག་པ་གསུམ་གྱི་མངོན་པར་བྱང་ཆུབ་པ་སྟོན་ཏོ། །བཅོམ་ལྡན་འདས་ལ་ལ་ནི་རྩིབ་ལོགས་གཡོན་པ་ནས་ཆུ་འབབ་པ་དང་། རྩིབ་ལོགས་གཡས་པ་ནས་མེ་འབར་བ་སྟོན་ཏོ། །ལ་ལ་ནི་ཐོག་མ་བཙས་པ་དང་། རབ་ཏུ་བྱུང་བ་དང་། སྙིང་པོ་བྱང་ཆུབ་ལ་
D119.052.0174b03.01ཞུགས་པ་དང་། བྱང་ཆུབ་ཀྱི་ཤིང་དྲུང་དུ་ཆོས་ཀྱི་འཁོར་ལོ་སྐོར་བ་དང་། ཡོངས་སུ་མྱ་ངན་ལས་འདའ་བ་ཡང་སྟོན་ཏོ། །བཅོམ་ལྡན་འདས་ལ་ལ་ནི་སེང་གེའི་སྒྲ་སྒྲོགས་ཏེ། འཁོར་གྱི་དཀྱིལ་འཁོར་དག་འབྲས་བུ་དང་པོ་དང་། གཉིས་པ་དང་། གསུམ་པ་དང་། བཞི་
D119.052.0174b04.01པའི་བར་དུ་ཐོབ་པར་སྟོན་ཏོ། །ལ་ལ་ནི་འཁོར་བ་ལས་བྱུང་བའི་རྒྱུ་དང་རྐྱེན་ཚད་མེད་པ་ཡང་སྟོན་ཏོ། །དེའི་ཚེ་ན་འཛམ་བུའི་གླིང་འདིར་གནས་པའི་སེམས་ཅན་འོད་དེས་རེག་པའི་རྣམས་དམུས་ལོང་དག་ནི་མཐོང་བར་གྱུར། འོན་པ་དག་ནི་ཐོས་པར་གྱུར། ལྐུགས་
D119.052.0174b05.01པ་དག་ནི་སྨྲ་ཤེས་པར་གྱུར། ཞ་བོ་དག་ཀྱང་འགྲོ་ནུས་པར་གྱུར། དབུལ་ཕོངས་པ་ནི་ལོངས་སྤྱོད་དང་ལྡན་པར་གྱུར། སེར་སྣ་ཅན་ནི་གཏོང་ཕོད་པར་གྱུར། ཞེ་སྡང་ཅན་ནི་བྱམས་པའི་སེམས་དང་ལྡན་པར་གྱུར། མ་དད་པ་རྣམས་ནི་དད་པར་གྱུར་ཏེ། དེ་ལྟར་
D119.052.0174b06.01འཇིག་རྟེན་གྱི་ཁམས་ན་སེམས་ཅན་གཅིག་ཙམ་ཡང་མི་དགེ་བའི་ཆོས་ལ་སྤྱོད་པ་མེད་དེ། ལོག་སྲེད་ཅན་འབའ་ཞིག་ནི་མ་གཏོགས་སོ། །དེའི་ཚེ་ན་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་
D119.052.0174b07.01