完整藏文原文 · 德格版页 当前仅加载第 52 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དག་མྱུར་དུ་ཁ་ལག་ཁྲུས་ཤིག་ཅེས་སྨྲས་སོ། །དེ་སྐད་ཅེས་སྨྲས་མ་ཐག་ཏུ་ལུས་ཀྱི་བ་སྤུ་ཀུན་ལངས་ནས། ལུས་ལ་ཁྱབ་པར་ཁྲག་གིས་རྒྱས་པ་ནི་མེ་ཏོག་པ་ལ་ཤ་ལྟ་བུར་གྱུར་ཏེ་མིག་མཆི་མས་གང་ནས་སྡུག་བསྔལ་ཆེན་པོ་མྱོང་བར་གྱུར་ཏོ། །དེ་དག་ཐམས་ཅད་ཀྱང་སེམས་ཅན་
D119.052.0003a01.01ཐམས་ཅད་ལ་ཕན་པ་དང་བདེ་བའི་དོན་གྱི་ཕྱིར། ཐེག་པ་ཆེན་པོ་དོན་དམ་པའི་སྟོང་པ་ཉིད་ལ་རྣལ་འབྱོར་དུ་བསྒྲུབ་པའི་ཕྱིར། དེ་བཞིན་གཤེགས་པས་ཐབས་སུ་དགོངས་ཏེ། གསུངས་པ་དག་བསྟན་པའི་ཕྱིར། རྣམ་པ་སྣ་ཚོགས་སུ་ཆོས་སྟོན་པ་རྒྱུན་མི་གཅད་པའི་ཕྱིར། སེམས་ཅན་ཐམས་ཅད་ཡོངས་
D119.052.0003a02.01སུ་གདུལ་བའི་ཕྱིར། བཅོམ་ལྡན་འདས་གང་ན་བ་དེར་མྱུར་དུ་དོང་ནས་སྤྱི་བོས་སངས་རྒྱས་ཀྱི་ཞབས་ལ་ཕྱག་འཚལ་ཏེ། ལན་བརྒྱ་སྟོང་དུ་བསྐོར་ནས་ཐལ་མོ་སྦྱར་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་གཞན་ཡང་ཀུན་ཏ་ལའི་བུ་མོ་དགེ་སློང་མ་དཔལ་བཟང་དང་། དགེ་སློང་མ་བསྙེན་དགའ་མ་དང་།
D119.052.0003a03.01དགེ་སློང་མ་རྒྱ་མཚོའི་བློ་གྲོས་ལ་སོགས་ཏེ། དགེ་སློང་མ་ཁྲི་ཕྲག་དྲུག་ཅུ་སྙེད་ཐམས་ཅད་ཀྱང་དགྲ་བཅོམ་པ་ཟག་པ་ཟད་པ། སེམས་ཀྱི་དབང་དུ་གྱུར་པ། བྱ་བ་བྱས་པ། ཉོན་མོངས་པ་ཡོངས་སུ་སྤངས་པ། དབང་པོ་རབ་ཏུ་དུལ་བ། ཀླུ་ཆེན་པོ་ལྟར་གཟི་བརྗིད་རབ་ཏུ་ཆེ་བ། སྟོང་པ་ཉིད་ཀྱི་ཤེས་རབ་དང་
D119.052.0003a04.01ལྡན་པ་ཤ་སྟག་སྟེ། དེ་དག་ཀྱང་སྔ་དྲོའི་དུས་ཀྱི་ཚེ་ཉི་མ་ཐོག་མ་ཤར་བ་ན། ལུས་ཀྱི་བ་སྤུ་ཀུན་སྐྱི་བུང་ཞེས་བྱེད་ནས་ལུས་ལ་ཁྱབ་པར་ཁྲག་གིས་རྒྱས་པ་ནི་མེ་ཏོག་པ་ལ་ཤ་ལྟ་བུར་གྱུར་ཏེ། མིག་མཆི་མས་ཡོངས་སུ་གང་ནས་སྡུག་བསྔལ་ཆེན་པོ་མྱོང་བར་གྱུར་ཏོ། །དེ་དག་ཀྱང་སེམས་ཅན་ཐམས་ཅད་ལ་
D119.052.0003a05.01ཕན་པ་དང་བདེ་བའི་ཕྱིར། ཐེག་པ་ཆེན་པོ་དོན་དམ་པའི་སྟོང་པ་ཉིད་ལ་རྣལ་འབྱོར་དུ་བསྒྲུབ་པའི་ཕྱིར། དེ་བཞིན་གཤེགས་པས་ཐབས་སུ་དགོངས་ཏེ་གསུངས་པ་དག་བསྟན་པའི་ཕྱིར། རྣམ་པ་སྣ་ཚོགས་སུ་ཆོས་སྟོན་པ་རྒྱུན་མི་གཅད་པའི་ཕྱིར། སེམས་ཅན་ཐམས་ཅད་ཡོངས་སུ་གདུལ་བའི་ཕྱིར་བཅོམ་
D119.052.0003a06.01ལྡན་འདས་གང་ན་བ་དེར་མྱུར་དུ་དོང་ནས་སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ལན་བརྒྱ་སྟོང་དུ་བསྐོར་ནས་ཐལ་མོ་སྦྱར་ཏེ་ཕྱོགས་གཅིག་ཏུ་འཁོད་དོ། །དགེ་སློང་མ་དེ་དག་གི་ནང་ན་དགེ་སློང་མ་ཁ་ཅིག་ནི་བྱང་ཆུབ་སེམས་དཔའ་སྟེ། མིའི་ནང་ན་ཀླུ་ལྟ་བུ་ས་བཅུ་རབ་ཏུ་ནོན་པ། མི་གཡོ་བ་ལ་གནས་པ།
D119.052.0003a07.01