完整藏文原文 · 德格版页 当前仅加载第 52 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་པ་སངས་རྒྱས་བཅོམ་ལྡན་འདས་མངོན་པར་བྱུང་ངོ་། །དེའི་ཚེ་དེའི་དུས་ན་འཇིག་རྟེན་གྱི་ཁམས་འདི་ཡང་ཤིན་ཏུ་ཡངས་ཤིང་ཡོངས་སུ་དག་ལ་མི་རབ་ཏུ་མང་ཞིང་བདེ་སྐྱིད་པ་དང་། ཟས་དང་སྐོམ་གྱིས་མི་བྲེལ་བ་ནི་ཇི་ལྟར་རབ་ཏུ་བདེ་བ་ཅན་གྱི་འཇིག་རྟེན་གྱི་ཁམས་ཀྱི་བྱང་
D119.052.0051b01.01ཆུབ་སེམས་དཔའ་བཞིན་ནོ། །སངས་རྒྱས་བཅོམ་ལྡན་འདས་དེ་འཇིག་རྟེན་ན་ཚད་མེད་པའི་བར་དུ་བཞུགས་ནས་སེམས་ཅན་གྱི་དོན་མཛད་དེ་ཤིང་སཱ་ལ་དྲུང་གཉིས་ཀྱི་བར་དུ་ཡོངས་སུ་མྱ་ངན་ལས་འདས་སོ། །སངས་རྒྱས་དེ་མྱ་ངན་ལས་འདས་ནས་དམ་པའི་ཆོས་ལོ་ཁྲི་ཕྲག་
D119.052.0051b02.01ཚད་མེད་པ་བཞི་བཅུ་ལྷག་གི་བར་དུ་གནས་པར་གྱུར་ཏོ། །དེའི་ཚེ་ན་དགེ་སློང་ཚུལ་ཁྲིམས་ཤིན་ཏུ་སྲུང་བ་ཡོན་ཏན་བློ་གྲོས་ཞེས་བྱ་བ་ཞིག་ལ་འཁོར་ཤིན་ཏུ་མང་ཞིང་འཁོར་རྣམས་ལ་སེང་གེའི་སྒྲ་སྒྲོགས་ཏེ། མདོ་སྡེ་དགུ་ཡང་རྒྱས་པར་སྟོན་པ་ལ་ཤིན་ཏུ་མཁས་པས་དགེ་སློང་རྣམས་
D119.052.0051b03.01བྲན་ཕོ་དང་། བྲན་མོ་དང་། བ་ལང་དང་། ལུག་ལ་སོགས་པ་ཆོས་མ་ཡིན་པའི་དངོས་པོ་རྣམས་གསོར་མི་གནང་ངོ་ཞེས་བསྒོའོ། །དེའི་ཚེ་ན་དགེ་སློང་ཚུལ་ཁྲིམས་ཉམས་པ་ཤིན་ཏུ་མང་བས་དེ་དག་གིས་དེ་སྐད་ཅེས་བསྒོ་བ་ཐོས་ནས་ཐམས་ཅད་ཞེ་སྡང་གི་སེམས་སྐྱེས་ཏེ།
D119.052.0051b04.01མཚོན་ཆ་ཐོགས་ནས་ཆོས་སྨྲ་བ་དེ་ལ་བསྙེན་ཏོ། །དེའི་ཚེ་དེའི་དུས་ན་ཡུལ་དེའི་རྒྱལ་པོ་ཡོན་ཏན་ཅན་ཞེས་བྱ་བ་དེས་དེ་ལྟ་བུར་གྱུར་པ་ཐོས་ནས་ཆོས་བསྲུང་བའི་ཕྱིར་དེ་མ་ཐག་ཏུ་ཆོས་སྨྲ་བ་ག་ལ་བའི་དྲུང་དུ་སོང་སྟེ། དགེ་སློང་ཚུལ་ཁྲིམས་ཉམས་པ་མ་རུངས་པ་དག་དང་གཡུལ་
D119.052.0051b05.01བཤམས་ཏེ་འཐབས་ནས་ཆོས་སྨྲ་བའི་དགེ་སློང་དེ་བགེགས་དེ་ལས་ཐར་བར་བྱས་སོ། །དེའི་ཚེ་རྒྱལ་པོ་དེའི་ལུས་ལ་རལ་གྲི་དང་། མདའ་དང་། མཚོན་ཤག་ཏི་ལ་སོགས་པ་མཚོན་ཆའི་རྨས་ཡུངས་ཀར་ཙམ་ཡང་གསོན་པ་མེད་དོ། །དེའི་ཚེ་དགེ་སློང་ཡོན་ཏན་བློ་གྲོས་ཀྱིས་
D119.052.0051b06.01རྒྱལ་པོ་དེ་ལ་ཤིན་ཏུ་ལེགས་སོ་ཤིན་ཏུ་ལེགས་སོ། །རྒྱལ་པོ་ཁྱོད་ནི་ཡང་དག་པར་དམ་པའི་ཆོས་ཤིན་ཏུ་སྲུང་བ་སྟེ། མ་འོངས་པའི་དུས་སུ་ཚད་མེད་པའི་ཆོས་ཀྱི་སྣོད་དུ་འགྱུར་རོ་ཞེས་སྨྲས་སོ། །རྒྱལ་པོ་དེས་དེའི་ཚེ་ན་ཆོས་ཐོས་པས་སེམས་རབ་ཏུ་དགའ་བར་གྱུར་ནས་དེ་མ་
D119.052.0051b07.01