完整藏文原文 · 德格版页 当前仅加载第 52 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་མི་དགེ་བའི་དངོས་པོ་དེ་དག་སྤངས་ན། གང་ཟག་དེ་ནི་ངའི་ཉེ་གནས་ཡང་དག་པ་ཡིན་པར་རིག་པར་བྱའོ། །དེ་ནས་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་དང་། དགེ་སློང་མ་དང་། དགེ་
D119.052.0059a01.01བསྙེན་དང་། དགེ་བསྙེན་མ་ཡོན་བདག་ལ་ལྟོས་ཏེ་འཚོ་བ་དག །བསོད་སྙོམས་བྱེད་པའི་ཚེ། ཤ་དང་འདྲེས་པའི་ཟས་ཤིག་སྩལ་ན། ཇི་ལྟར་འཚལ་བར་བགྱི། ཅིས་བརྟགས་པར་འགྱུར། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། ཤ་དང་ཟས་སོ་སོར་ཕྱེ་ལ། ཆུས་
D119.052.0059a02.01བཀྲུས་ཏེ་བཟའ་བར་བྱའོ། །གལ་ཏེ་ལྷུང་བཟེད་ཤ་དང་འབགས་ཀྱང་བྲོ་བའི་རོ་མེད་ན། སྤྱོད་ཀྱང་ཉེས་མེད་དོ། །གལ་ཏེ་བསོད་སྙོམས་ཀྱི་ནང་ན་ཤ་མང་དུ་འོངས་ན་ཡང་བླང་བར་མི་བྱའོ། །གལ་ཏེ་ཟས་ཀྱི་ནང་ན་ཤ་སྣང་ན་མ་ཟ་ཤིག །ཟོས་ན་ཉེས་པ་དང་བཅས་པ་སྟེ། ངས་ཤ་
D119.052.0059a03.01ཟར་མི་གནང་བ་དང་བཅས་པ་འདི་རྒྱས་པར་བསྟན་ན། ཟད་པའི་མཐའ་མེད་དེ། མྱ་ངན་ལས་འདའ་བའི་དུས་ལ་བབ་པས་ཕྱོགས་ཙམ་ཞིག་བཤད་དོ། །འདི་དག་ནི་དྲིས་པའི་ལན་བཏབ་པ་ཞེས་བྱའོ། །འོད་སྲུང་དེ་ལ་ཇི་ལྟར་ན་རྟེན་ཅིང་འབྲེལ་ཏེ་བྱུང་བའི་དོན་ལ་མཁས་པ་ཞེ་ན། འདི་
D119.052.0059a04.01ལྟ་སྟེ། འཁོར་རྣམ་བཞི་ངའི་དྲུང་དུ་ལྷགས་ཏེ། བཅོམ་ལྡན་འདས་ཀྱིས་དོན་འདི་དག་དེ་བཞིན་གཤེགས་པ་ཐོག་མ་མངོན་པར་བྱང་ཆུབ་ནས་རྒྱལ་པོ་སྡེ་རབ་ཏུ་འཕམ་བྱེད་ལ་ཆོས་ཀྱི་གཞུང་ཤིན་ཏུ་ཟབ་མོ་འདི་ཅིའི་སླད་དུ་མ་གསུངས། བར་བར་ནི་ཤིན་ཏུ་ཟབ་པར་ཡང་གསུངས།
D119.052.0059a05.01བར་བར་ནི་མི་ཟབ་པར་ཡང་གསུངས། བར་བར་ནི་ཉམས་པ་ཞེས་ཀྱང་བགྱི། བར་བར་ནི་མ་ཉམས་པ་ཞེས་ཀྱང་བགྱི་ན། དེ་ལ་ཇི་ལྟར་ན་ལྟུང་བ་ཞེས་བགྱི། འདུལ་བ་ནི་གང་སོ་སོར་ཐར་པ་ཞེས་བགྱི་བ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། སོ་སོར་
D119.052.0059a06.01ཐར་པ་ཞེས་བྱ་བ་ནི་ཆོག་ཤེས་པ། སྤྱོད་ལམ་དང་ལྡན་པ་ཅི་ཡང་མི་{སྩོགས་,སོགས་}པ། འཚོ་བ་ཡོངས་སུ་དག་པའོ། །ལྟུང་བ་ནི་རྒྱུད་བཞིར་ལྟུང་བའོ། །གཞན་ཡང་ལྟུང་བ་ནི་སེམས་ཅན་དམྱལ་བ་དང་། མཚམས་མེད་པའི་བར་དུ་ལྟུང་བ་སྟེ། མགྱོགས་བུལ་ནི་ཆར་པ་དྲག་
D119.052.0059a07.01