完整藏文原文 · 德格版页 当前仅加载第 52 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་བྱང་ཆུབ་སེམས་དཔའི་དགྲ་ཞེས་བྱ་སྟེ། སངས་རྒྱས་བཅོམ་ལྡན་འདས་ཀྱང་བྱང་ཆུབ་སེམས་དཔའ་མཛད་པ་ན། ཐམས་ཅད་མཁྱེན་པའི་ཡེ་ཤེས་ཀྱིས་བདུད་རྣམ་པ་བཞི་བཅོམ་པས་ན་དགྲ་བཅོམ་པ་ཞེས་བྱའོ། །གཞན་ཡང་དགྲ་བཅོམ་པ་ནི་ཡོངས་སུ་སྤངས་
D119.052.0280a01.01པ་ཞེས་བྱ་སྟེ། བྱང་ཆུབ་སེམས་དཔའི་ཚེ་ན་ཉོན་མོངས་པ་ཚད་མེད་པ་རྣམས་ཡོངས་སུ་སྤངས་པས་ན་དགྲ་བཅོམ་པ་ཞེས་བྱའོ། །གཞན་ཡང་དགྲ་བཅོམ་པ་ནི་འདས་པའི་སངས་རྒྱས་རྣམས་ཀྱི་བདེ་བ་ཞེས་བྱའོ། །སྔོན་བྱང་ཆུབ་སེམས་དཔའ་མཛད་པ་ན་བསྐལ་པ་ཚད་མེད་གྲངས་མེད་པའི་
D119.052.0280a02.01བར་དུ་སེམས་ཅན་གྱི་ཕྱིར་སྡུག་བསྔལ་རྣམ་པ་སྣ་ཚོགས་མྱོང་ཡང་མི་བདེ་བ་མེད་དེ་རྟག་ཏུ་བདེའོ། །དེ་བཞིན་གཤེགས་པ་ཡང་དེ་དང་འདྲ་བས་ན་དགྲ་བཅོམ་པ་ཞེས་བྱའོ། །གཞན་ཡང་དགྲ་བཅོམ་པ་ཞེས་བྱ་བ་ནི་འཇིག་རྟེན་དུ་བཅས་པ། ལྷ་དང་མི་ཐམས་ཅད་ཀྱིས་ལྷ་རྫས་ཀྱི་མེ་ཏོག་དང་།
D119.052.0280a03.01ཕྲེང་བ་དང་། རྒྱལ་མཚན་དང་། བ་དན་དང་། རོལ་མོ་རྣམ་པ་སྣ་ཚོགས་ཀྱིས་མཆོད་པས་ན་དགྲ་བཅོམ་པ་ཞེས་བྱའོ། །དེ་ལ་ཇི་ལྟར་ན་ཡང་དག་པར་རྫོགས་པ་ཞེ་ན། ཡང་དག་པ་ཞེས་བྱ་བ་ནི་ཕྱིན་ཅི་མ་ལོག་པའོ། །རྫོགས་པ་ཞེས་བྱ་བ་ནི་ཕྱིན་ཅི་ལོག་བཞི་མངོན་པར་མ་རྟོགས་
D119.052.0280a04.01པ་མེད་པའོ། །གཞན་ཡང་ཡང་དག་པ་ཞེས་བྱ་བ་ནི་དཀའ་ཐུབ་སྤྱོད་པའོ། །རྫོགས་པ་ཞེས་བྱ་བ་ནི་སྡུག་བསྔལ་སྤྱོད་པའི་རྐྱེན་ཀྱིས་ངེས་པར་སྡུག་བསྔལ་གྱི་འབྲས་བུ་མྱོང་བར་ཤེས་པའོ། །གཞན་ཡང་ཡང་དག་པ་ཞེས་བྱ་བ་ནི་འཇིག་རྟེན་གྱི་དབུ་མའོ། །རྫོགས་པ་ཞེས་བྱ་བ་
D119.052.0280a05.01ནི་མཐར་ལམ་དབུ་མ་ལ་ནན་ཏན་བྱས་ན་ངེས་པར་བླ་ན་མེད་པ་ཡང་དག་པར་རྫོགས་པར་ཤེས་པའོ། །གཞན་ཡང་ཡང་དག་པ་ནི་བགྲང་དུ་ཡོད་པ། ཚད་གཟུང་དུ་ཡོད་པ། དཔག་ཏུ་ཡོད་པའོ། །རྫོགས་པ་ཞེས་བྱ་བ་ནི་བགྲང་དུ་མེད་པ། ཚད་གཟུང་དུ་མེད་པ། དཔག་ཏུ་
D119.052.0280a06.01མེད་པ་སྟེ། དེ་བས་ན་སངས་རྒྱས་ལ་ཡང་དག་པར་རྫོགས་པ་ཞེས་བྱའོ། །རིགས་ཀྱི་བུ་ཉན་ཐོས་དང་རང་སངས་རྒྱས་ལ་ཡང་དག་པར་རྫོགས་པ་ཞེས་བྱ་བ་ཡོད་དེ། དེ་ནི་ཡང་དག་པར་རྫོགས་པ་མ་ཡིན་ནོ། །དེ་ཅིའི་ཕྱིར་ཞེ་ན། ཡང་དག་པར་རྫོགས་པ་ནི་ཕུང་པོ་ལྔ་
D119.052.0280a07.01